Kaca:Bali-lontar-gaguritan-pura-dalem-abyantubuh-300ppi.pdf/11

Saking Wikisource
Kaca puniki sampun kauji-wacén

[᭑᭐ 10B]
᭑᭐
ᬳᬸᬦᬶᬂᬲᬸᬤᬹᬓ᭄ᬱ᭄ᬯᬭᬵ᭞ᬕᬸᬳ᭄ᬬᬦᬶᬂᬰ᭄ᬭᬸᬢᬶᬲ᭄ᬮᭀᬓ᭞ᬳᭀᬓ᭄ᬮᬦᬶᬂᬲᬧ᭄ᬢᬰ᭄ᬯᬭᬶ᭞ᬘᬡ᭄ᬥᬵᬓ᭄ᬱᬭᬵᬓ᭄ᬭᬓᬄ᭞ᬕ᭄ᬭᬶᬖᬹᬄᬤᬤᭀᬃᬥᬓᬄᬭᬹᬱᬶᬢ᭄᭟ᬲᬃᬯ᭄ᬬᬵᬜ᭄ᬚᬡᬵᬢᬢ᭄ᬯᬵᬢᬫᭀᬯᬾᬥᭀᬫᬹᬮ᭄ᬬ᭞ᬧᬹᬭᬡᬚᬶᬓᬓᬯᬶᬦ᭄᭞
ᬯᬓ᭄ᬬᬨᬮᬓ᭄ᬱᬭᬵ᭞ᬢ᭄ᬯᬶᬤᬸᬭᬹᬂᬤᬸᬭᬹᬂᬧᬶᬲᬦ᭄᭞ᬲᬶᬤᬵᬳᬦ᭄ᬢᬸᬓ᭄ᬫᬗᬺᬱᭂᬧᬶᬦ᭄᭞ᬦᬾᬩᬗᭂᬢ᭄ᬗᬯᬶᬦᬂ᭞ᬫᬦᬄᬢᬶᬢ᭄ᬬᬂᬓᬤᬶᬲᬶᬦ᭄᭟ᬳᬦ᭄ᬢᬸᬓ᭄ᬦᬳᭂᬦ᭄ᬫᬗ᭄ᬕᬶᬳᬶᬦ᭄ᬳᬯᬶᬳᬯ᭄ᬬᬵᬦ᭄᭞ᬳᬶᬦᬵᬩ᭄ᬓᬤᬶᬫᬵᬢ᭄ᬯᬶᬮᬶᬂ᭞ᬢᬶᬢ᭄ᬬᬂᬲᬫ᭄ᬧᬸᬦ᭄ᬩᬗ᭄ᬕᬵ
᭞ᬗᬶᬥ᭄ᬧᬂᬳᬯᬓ᭄ᬧ᭄ᬭᬵᬚ᭄ᬜᬦ᭄᭞ᬓᬤᬶᬲᬂᬗ᭄ᬲᬚᬡᬵᬫᬹᬃᬢ᭄ᬢᬶ᭞ᬤᬕᬶᬂᬓᬢ᭄ᬕᭂᬲᬂ᭞ᬫᬸᬗ᭄ᬕ᭄ᬯᬶᬂᬓᬹᬫᬫ᭄ᬩᬗᬾᬫ᭠ᬦᬶᬲ᭄᭚᭜᭚ᬪᬵᬲ᭄ᬫᬯᬃᬡ᭄ᬦᬶᬧᬤ᭄ᬫᬵᬓᬸᬫᬫ᭄ᬩᬗᬶᬂᬢᬲᬶᬓ᭄᭞ᬅᬢ᭄ᬬᬦ᭄ᬤᬍᬫᬵᬮ᭄ᬯ᭞ᬤᬸᬤᬹᬕᬶᬂᬭᬱᬢᬮᬦᬶ᭞᭠
ᬩᬶᬦᬦ᭄ᬢᬶᬂᬭᬶᬬ᭄ᬬᬓ᭄ᬲᬫᬸᬤᬺ᭟ᬢ᭄ᬯᬶᬩᬶᬦᬸᬗ᭄ᬲᬂᬩᬗ᭄ᬲᬶᬂᬫᬼᬝᬶᬓ᭄ᬓᬵᬦᬦ᭄ᬓᬾᬭᬶ᭞ᬓᬫ᭄ᬧ᭄ᬬᬫ᭄ᬧᬾᬫᬗᬶᬮ᭄ᬯᬵ᭞ᬗᬦᬹᬢᬶᬳᬭᬹᬲ᭄ᬚᬮᬥᬶ᭞ᬢᬦ᭄ᬢᬳᭂᬦᬶᬢ᭄ᬯᬲ᭄ᬦᬶᬲ᭄ᬘᬶᬢ᭄ᬣ᭟ᬧᬹᬃᬡ᭄ᬦᬲᬫ᭄ᬧᬢ᭄ᬲᬸᬦᬬᬦᬶᬂᬳᬢᬶᬓᬶᬜ᭄ᬘᬶᬢ᭄᭞᭠
[᭑᭑ 11A]
ᬧᬫ᭄ᬭᬶᬳᬶᬂᬰ᭄ᬯᬘᬶᬢ᭄ᬣ᭞ᬳᬦᬶᬜ᭄ᬚᭀᬢᬸᬚ᭄ᬯᬦᬶᬂᬳᬢᬶ᭞ᬲᬂᬗ᭄ᬲᬚᬡᬚᬬᬵᬚ᭄ᬜᬡ᭟ᬳᬮᬹᬮ᭄ᬮᬾᬮ᭄ᬫᬸᬓᬶᬢᬩ᭄ᬧᬗ᭄ᬭᬸᬄᬧᬰ᭄ᬘᬶᬫᬦᬶ᭞ᬢᬲᬓᬶᬂᬧᬕᬹᬃᬯ᭄ᬯᬦ᭄᭞ᬏᬮ᭄ᬯ᭄ᬭᬢᬹᬫ᭄ᬤᬏᬤ᭄ᬫᭀᬳᬶᬦ᭄ᬦᬶ᭞ᬫᬫ᭄ᬩᬸᬃᬤᬤᬶᬂᬅᬦ᭄ᬢ᭄ᬭᬶᬓ᭄ᬲᬯᬵᬦ᭄᭟ᬬᬾ
ᬦ᭄ᬧᬗ᭄ᬕᬕᬲᬶᬂᬯᬃᬥᬬᬧᬦ᭄ᬳᬸᬲ᭄ᬢᬫ᭄ᬧᬶᬲ᭄᭞ᬚᬃᬯ᭄ᬯᬦᬶᬂᬧᬶᬢᬸᬯᬄ᭞ᬬᬾᬦ᭄ᬗᬾᬮ᭄ᬫᬸᬢᬦ᭄ᬧᬶᬢᬸᬮᬸᬗᬶ᭞ᬲᬸᬘᬶᬢ᭄ᬣᬬᬸᬲᬶᬮᬾᬗᬸᬮᬄ᭟ᬳᬹᬲ᭄ᬢᬾᬢᬾᬮᬵᬢ᭄ᬭᬗ᭄ᬕᬶᬦᬲ᭄ᬓᬮᬓ᭄ᬯᬦ᭄ᬢᬾᬓᬶ᭞ᬧᬦ᭄ᬕᭂᬲᬶᬂᬧᬸᬚ᭞ᬮᬫᬸᬦ᭄ᬳᬸᬲ᭄ᬦᬶᬲ᭄ᬪᬯᬵᬰᬶᬥᬶ᭞ᬲᬶ
ᬦᬶᬧᬢ᭄ᬳ᭄ᬬᬢ᭄ᬭ᭄ᬬᬵᬚ᭄ᬜᬡ᭟ᬧᬭᬦ᭄ᬤᬾᬦᬾᬦᭀᬭ᭄ᬬᬂᬯᬶᬥᬷᬦᬸᬮᬸᬗᬶ᭞ᬢᬗᬶᬦᬶᬂᬯ᭄ᬯᬂᬥᬬ᭞ᬧᬫᬶᬓᬶᬭᬶᬂ᭠ᬪᬸᬤ᭄ᬥᬶᬬ᭄ᬬᬸᬓ᭄ᬢᬶ᭞ᬫᬾᬄᬢᬦ᭄ᬲᬮᬄᬩ᭄ᬦᭂᬃᬮᬶᬂᬜ᭟ᬲᬗ᭄ᬲᬚᬡᬵᬓᬗᬸᬮᬄᬧᬸᬢᬹᬲᬾᬂᬗᬾᬮ᭄ᬫᬶ᭞ᬭᬱᬓ᭄ᬦᬧᬸᬦᬶᬓ᭞
ᬓᬢ᭄ᬭᬸᬄᬭᬶᬦᬰᬜᬸᬓᬸᬧᬶ᭞ᬬᬦ᭄ᬢᬦ᭄ᬩᬶᬲᬾᬗ᭄ᬲᬸᬦ᭄ᬪᬸᬓ᭄ᬢ᭄ᬬᬦ᭟ᬤᬶᬓ᭄ᬱᬶᬢᬵᬗ᭄ᬕᬵᬲᬸᬲᬬ᭄ᬬᬲᬸᬘᬭᬵᬲᬸᬘᬶ᭞ᬯ᭄ᬢ᭄ᬯᬦᬶᬲᬸᬘᬶᬢ᭄ᬣ᭞ᬲᬥᬹᬥᬃᬫᬰᬡ᭄ᬢᬵᬚ᭄ᬜᬡᬶ᭞ᬳᬦ᭄ᬥᬸᬤᬹᬢ᭄ᬓᬰᬺᬤ᭄ᬥᬦᬶᬯ᭄ᬯᬂ᭟ᬫ᭄ᬭᬘᬶᬳ᭄ᬦᬦᬶᬂᬲᬦᬤ᭄ᬬᬦ᭄ᬧᬸ