[ ᭔ 4B]
᭔᭞
ᬦ᭄ᬤᬂ᭞ᬢ᭄ᬳᭂᬃᬧᬶᬢᬸᬢᬸᬭᬦ᭞ᬤᬦ᭄ᬥᬦᬾ ᬢᬸᬮᬓᬮᬯᬸᬢ᭄᭞ᬲᬮᬳᬾᬫᬦᬹᬢ᭄ᬩᭀᬩᭀᬢᬦ᭄᭟ᬖ᭄ᬦᬶᬩ᭄ᬭᬢᬵᬦᬶᬭᬸᬕ᭄ᬦᬶ᭞ᬕ᭄ᬮᬶᬲᬾᬦ᭄ᬮᬲᬂᬳᬗ᭄ᬓ᭄ᬭᬄ᭞ᬲᬵᬫ᭄ᬧᬸᬦ᭄ᬗᬦ᭄ᬢᭀᬲ᭄ᬲ᭄ᬯᬾᬲ᭄ᬯᬾ᭞ᬢᬶᬗ᭄ᬓᬳᬾᬗ᭄ᬭᬸᬲᬓ᭄ᬤᬸᬃᬚ᭄ᬚᬦᬵ᭞ᬫᬗ᭄ᬤᬾᬦ᭄ᬤᬶᬕ᭄ᬮᬶᬲ᭄ᬩᬾ
ᬩᬲ᭄᭞ᬬᬾᬦ᭄ᬳᬤᬤᬸᬃᬚ᭄ᬚᬦᬮ᭄ᬬᬸᬢᬦ᭄ᬯᬗ᭄ᬤᬾᬫᬗ᭄ᬭᬸᬲᬓ᭄ᬢᬢ᭟ᬮᬯᬦᬵᬩ᭄ᬭᬢᬦᬾᬫᬮᬶᬄ᭞ᬤᬾᬦ᭄ᬳᬫᭂᬢ᭄ᬤᬸᬤᬹᬦᬶᬂᬯᬤ᭄ᬯ᭞ᬦᬵᬗ᭄ᬳᬶᬂᬬᬾᬦ᭄ᬲᬮᬄᬳᬾᬦ᭄ᬢᬾᬂ᭞ᬧᬸᬦᬶᬓᬧᬵᬢᬹᬢ᭄ᬲᬵᬫ᭄ᬧᬸᬭ᭞ᬗᬗ᭄ᬕᬾᬩ᭄ᬭᬢᬦ᭄ᬮᬘᬦᬵ᭞ᬮᬯᬦᬲᬵᬕᬵᬭᬳᬕᬸᬂ᭞ᬧᬗᬸ
ᬢᬗᬦ᭄ᬳᬮᬳᬮᬵ᭟ᬫᬺᬕ᭄ᬕᬵᬩ᭄ᬭᬢᬯᬵᬱ᭄ᬝᬦᬾᬓᬶ᭞ᬬᬦ᭄ᬫᬗ᭄ᬕᬶᬄᬭᬩᬶᬦᬶᬂᬯᬤ᭄ᬯᬵ᭞ᬫᬶᬯᬄᬭᬶᬂᬲᬃᬯ᭄ᬯᬤᬺᬯᬾᬦᬾ᭞ᬓᬤᬶᬩᬸᬭᭀᬦ᭄ᬗᬢᭀᬜ᭄ᬚᬦ᭄ᬜᬵ᭞ᬤᬾᬦ᭄ᬳᬮᬶᬂᬭᬶᬂᬳ᭄ᬬᬂᬢᬶᬢᬄ᭞ᬳᬚᬵᬦᬸᬭᬹᬢ᭄ᬫᬦᬄᬩᬶᬗᬸᬂ᭞ᬩ᭄ᬘᬶᬓ᭄ᬗᬶᬘᬾᬦ᭄ᬭᬶᬂᬗᬫ᭄ᬩᬶᬮᬂ᭟ᬲᬶᬗ᭄ᬳᬵᬩ᭄ᬭᬢ
ᬦᬾᬲᬫᬮᬶᬄ᭞ᬢᬶᬗ᭄ᬓᬄᬭᬢᬸᬦᬾᬭᬶᬂᬯᬤ᭄ᬯᬵ᭞ᬓᬤᬶᬲᬶᬗ᭄ᬳᬵᬗ᭄ᬭᬓ᭄ᬱᬵᬮᬲᬾ᭞ᬭᬢᬸᬚᭂᬕ᭄ᬲᬓᬶᬂᬯᬤ᭄ᬯᬵ᭞ᬯᬤ᭄ᬯᬦᬾᬫᬗ᭄ᬕᬶᬄᬓᬺᬢ᭄ᬢ᭞ᬲᬓᬶᬂᬕᬸᬲ᭄ᬢᬶᬩᬸᬤ᭄ᬥᬶᬧᬵᬢᬹᬢ᭄᭞ᬧᬸᬦᬶᬓᬫᬗ᭄ᬤᬾᬓᬭᬳᬬ᭄ᬯᬦ᭄᭟ᬅᬦᬶᬮᬵᬩ᭄ᬭᬢᬦᬾᬫᬮᬶᬄ᭞ᬅᬦᬶᬮᬵᬳᬗᬶᬦ᭄ᬳᬃ
[᭕ 5A]
ᬣᬶᬦ᭄ᬜ᭞ᬕ᭄ᬮᬶᬲᬾᬓᬤᬶᬳᬗᬶᬦᬾ᭞ᬢᬶᬗ᭄ᬓᬳᬾᬫᬕᬸᬢᬶᬦ᭄ᬬᬸᬤ᭄ᬥ᭞ᬳᬦ᭄ᬢᭂᬧᬾᬗ᭄ᬭᬓ᭄ᬱᬚᬕᬢ᭄᭞ᬲᬵᬫ᭄ᬧᬸᬦ᭄ᬢᬣᬢᬣᬵᬫᬕᬸᬢ᭄᭞ᬧᬢᬶᬳᬸᬭᬶᬧ᭄ᬲᬓᬶᬂᬲᬹᬓ᭄ᬱ᭄ᬫᬵ᭟ᬲᬣᬵᬩ᭄ᬭᬢᬳᬮᬄᬦᬾᬓᬶ᭞ᬫᬦᬶᬭᬸᬓ᭄ᬭᬫᬦᬶᬗᬬᬫ᭄᭞ᬲᬢᬵᬳᬬᬫ᭄ᬧ
ᬗᬃᬣᬶᬦᬾ᭞ᬢᬶᬗ᭄ᬓᬄᬲᬶᬳᬾᬓᬲᬫᬧ᭄ᬢᬦ᭄᭞ᬭᬶᬂᬭᬩᬶᬭᬶᬂᬓᬯᬸᬮ᭞ᬫᬗ᭄ᬤᬾᬦ᭄ᬲᬫᬶᬳᬦ᭄ᬢᭂᬧ᭄ᬳᬶᬧᬸᬦ᭄᭞ᬧ᭄ᬭᬢᬶᬗ᭄ᬓᬳᬾᬲ᭄ᬯᬫᬶᬢ᭞ᬭᬶᬫᬬᬹᬭᬵᬩ᭄ᬭᬢᬦᬾᬫᬮᬶᬄ᭞ᬢᬶᬗ᭄ᬓᬳᬾᬤᬾᬦ᭄ᬓᬤᬶᬫ᭄ᬭᬸᬓ᭄᭞ᬫᬬᬹᬭᬫ᭄ᬯᬦ᭄ᬯᬵᬱ᭄ᬝᬦᬾ᭞ᬢᬦ᭄ᬧᬗᬶᬦᬦ᭄ᬲᬮᬄᬳᬸᬚᬃ᭞ᬢ
ᬦ᭄ᬧᬢᬶᬧᬢᬶᬧᬗᬦ᭄᭞ᬢᬦ᭄ᬯᬯᬤᭀᬦᭂᬦ᭄ᬳᬩᬕᬸᬲ᭄᭞ᬧᬸᬦᬶᬓᬫᬬᬹᬭᬵᬩ᭄ᬭᬢ᭟ᬭᬶᬂᬘᭂᬦ᭄ᬢᬓᬵᬩ᭄ᬭᬢᬦᬾᬫᬮᬶᬄ᭞ᬧᬸᬦᬶᬓᬧᬵᬢᬹᬢ᭄ᬧᬕᭂᬳᬂ᭞ᬧᬓ᭄ᬱᬶᬓ᭄ᬮᬶᬓ᭄ᬘᭂᬦ᭄ᬢᬓᬵᬦᬾ᭞ᬧᬓ᭄ᬱᬶᬓ᭄ᬮᬶᬓ᭄ᬫᬶᬦ᭄ᬢᬯᬵᬃᬱ᭞ᬭᬶᬂᬭᬢᬸᬗᬫᬃᬕ᭄ᬬᬂ᭞ᬓᬾᬯᬮᬳᬲᬶᬄᬓᬸᬫᬵ
ᬯᭂᬗ᭄ᬓᬸ᭞ᬢ᭄ᬓᬢᬸᬫ᭄ᬯᬧ᭄ᬲᬶᬳᬶᬂᬯᬤ᭄ᬯᬵ᭟ᬓᬕᬦᬶᬮᬵᬩ᭄ᬭᬢᬫᬮᬶᬄ᭞ᬓᬕᬦᬶᬮᬵᬧᬓ᭄ᬱᬶᬕᬕᬓ᭄᭞ᬳᬸᬦᬶᬂᬦᭂᬗ᭄ᬭᬂᬧᬢᬶᬦᬾ᭞ᬭᬶᬂᬭᬢᬸᬫᬦᬦ᭄ᬤᬧ᭄ᬚᬄ᭞ᬫᬳᬸᬫᬂᬧ᭄ᬭᬧᬸᬗ᭄ᬕᬯᬵ᭞ᬬᬦ᭄ᬧᬢᭂᬄᬓᬧᬵᬢᬹᬢ᭄ᬤᬸᬭᬸᬲ᭄᭞ᬤᬸᬭᬸᬂᬳᬢᭂᬄᬧᬸᬦ᭄ᬯᬗ᭄ᬤᬾᬬᬂ᭟ᬭᬶᬂᬢ᭄ᬬᬵᬖ᭄ᬭᬩ᭄ᬭᬢ
Kaca:Bali-lontar-gaguritan-prasrddha-niti-300ppi.pdf/5
Kaca puniki sampun kauji-wacén
