[ ᭓ 3B]
᭓᭞
ᬓᬦ᭄᭟ᬫᬗ᭄ᬤᬾᬦ᭄ᬧ᭄ᬭᬬᬢ᭄ᬦᬵᬫᬶᬦᭂᬳᬶᬦ᭄᭞ᬭᬶᬂᬚ᭄ᬭᭀᬋᬋᬄᬩᬸᬘᬸᬯᬂ᭞ᬫᬗ᭄ᬤᬾᬗᭂᬫᭂᬢ᭄ᬧᬜᬭᬶᬗᬾ᭞ᬲᬶᬧᬢ᭄ᬦᬾᬫᬯᬵᬱ᭄ᬝᬲᬶᬦᬄ᭞ᬢᬦ᭄ᬤᬤᭀᬲ᭄ᬢᬸᬫ᭄ᬩᬲ᭄ᬫᬸᬤᬄ᭞ᬩᬭᬂᬩ᭄ᬘᬶᬓ᭄ᬳᬚᬶᬮ᭄ᬬᬸ᭞ᬩᬭᬂᬢᬫ᭄ᬘᬃᬳᬚᬶᬫᬸᬤᬄ᭟ᬬᬦ᭄ᬜ
ᬤ᭄ᬬᬫᬸᬤᬄᬫᬧᬶᬧᬶᬲ᭄᭞ᬧ᭄ᬥᭂᬲ᭄ᬓᭂᬤᬶᬩᬭᬂᬢᬫ᭄ᬩᬃ᭞ᬲᬵᬫ᭄ᬧᬸᬦ᭄ᬜᭂᬗ᭄ᬲᭂᬮ᭄ᬧᬗ᭄ᬕᬶᬳᬾ᭞ᬫᬲᬶᬄᬢᬸᬗ᭄ᬕᬶᬮ᭄ᬭᬶᬂᬧᬶᬓᬢ᭄᭞ᬳᬦ᭄ᬤᬾᬬᬧᬸᬦᬶᬓ᭞ᬤᬲᬃᬗᭀᬲᭀᬂᬗᬗᬶᬦ᭄ᬓᬯᬸᬄ᭞ᬧᬸᬦᬂᬓᬧᬶᬦᭂᬄᬕ᭄ᬫᭂᬢᬂ᭟ᬲᬫ᭄ᬩᬸᬗᬓᭀᬘ
ᬳ᭄ᬫᬮᬶᬄ᭞ᬳᬸᬮᬳᬶᬂᬲᬂᬲᬶᬦᬾᬯᬓᬵ᭞ᬭᬶᬂᬭᬢᬸᬫᬓᬵᬗ᭄ᬕᬾᬦ᭄ᬳᬗ᭄ᬕᬾᬦ᭄᭞ᬓᭀᬘᬧᬩ᭄ᬭᬢᬦᭂᬫ᭄ᬩᭂᬮᬲ᭄᭞ᬳᬲᬶᬓᬶᬕᬶᬭᬶᬩ᭄ᬭᬢᬵ᭞ᬓᬓᬮᬶᬄᬇᬦ᭄ᬤ᭄ᬭᬵᬩ᭄ᬭᬢᬾᬓᬸ᭞ᬢᬶᬕᬵᬫᬺᬢ᭄ᬢᬯᬵᬃᬱᬩ᭄ᬭᬢ᭟ᬧᬢ᭄ᬧᬢ᭄ᬬᬫᬵ ᬩ᭄ᬭᬢ᭄ᬢ
ᬫᬮᬶᬄ᭞ᬓᬧᬶᬂᬮᬶᬫᬵᬖ᭄ᬦᬷᬩ᭄ᬭᬢ᭞ᬧᬶᬂᬦᭂᬫ᭄ᬮᬯᬦᬵᬩ᭄ᬭᬢᬦᬾ᭞ᬓᬧᬶᬢᬸᬫᬺᬕ᭄ᬖᬵᬩ᭄ᬭᬢ᭞ᬧᬶᬂᬓᬸᬢᬸᬲ᭄ᬲᬶᬗ᭄ᬳᬵᬩ᭄ᬭᬢ᭞ᬧᬶᬂᬲ᭄ᬬᬳᬦᬶᬮᬵᬩ᭄ᬭᬢᬾᬓᬸ᭞ᬲᬯᬵᬩ᭄ᬭᬢᬓᬧᬶᬂᬤᬰᬵ᭟ᬲᭀᬮᬲ᭄ᬫᬬᬹᬭᬵᬩ᭄ᬭᬢᬾᬓᬶ᭞ᬧᬶᬂᬭᭀ
[ ᭔ 4A]
ᬭᬲ᭄ᬘᬶᬢᬓᬵᬩ᭄ᬭᬢ᭞ᬯ᭄ᬬᬖ᭄ᬭᬵᬩ᭄ᬭᬢᬧᬶᬂᬢ᭄ᬮᬸᬲᬾ᭞ᬓᬕᬵᬦᬶᬮᬵᬧᬶᬂᬧᬢ᭄ᬩᭂᬮᬲ᭄᭞ᬘᬸᬦ᭄ᬥᬕᬵᬧᬶᬂᬮᬶᬫᬯ᭄ᬮᬲ᭄᭞ᬯᬮᬾᬱᬵᬩ᭄ᬭᬢᬦᬾᬫᬸᬗ᭄ᬕᬸᬄ᭞ᬧᬸᬧᬸᬢᬾᬓᬧᬶᬂᬦᭂᬫ᭄ᬩᭂᬮᬲ᭄᭟ᬳᬶᬢᬸᬗᬂᬫᬮᬶᬄᬫᬶᬫᬶᬢᬶᬦ᭄᭞ᬲᬶᬓᬶᬲᬶᬓᬶᬧᬶᬥᬃ
ᬣᬦ᭄ᬜ᭞ᬦᬾᬫᬵᬤᬦ᭄ᬕᬶᬭᬶᬩ᭄ᬭᬢᬦᬾ᭞ᬓᬤᬶᬕᬸᬦᬸᬗᬾᬓᬵᬗᬶᬦᬦ᭄᭞ᬓᬮᬦᬶᬂᬫᬕᬸᬢ᭄ᬬᬸᬥ᭞ᬲᬵᬫᬵᬧᬸᬦ᭄ᬗᬲᭀᬃᬧᬥᬭᬢᬸ᭞ᬓᬮᬄᬧ᭄ᬚᬄᬭᬶᬂᬰᬰᬦᬵ᭟ᬇᬦ᭄ᬤ᭄ᬭᬩ᭄ᬭᬲ᭄ᬢᬯᬵᬰ᭄ᬝᬦᬾᬓᬶ᭞ᬧᬭᬶᬓ᭄ᬱᬗ᭄ᬭᬾᬄᬯᬤ᭄ᬯᬩᬮᬵ᭞ᬢ
ᬦ᭄ᬧᬗᭂᬕᬵᬧ᭄ᬭᬂᬯᬦᬾᬳᬵ᭞ᬫᬶᬤᭀᬱᬵᬬᬾᬦ᭄ᬓᬲᬧ᭄ᬫᬢᬦ᭄᭞ᬢ᭄ᬯᬗᬶᬓᬵᬲᬮᬳᬦ᭄᭞ᬲᬵᬫ᭄ᬧᬹᬭᬬᬾᬦ᭄ᬲᬮᬄᬮᬓᬸ᭞ᬧ᭄ᬭᬶᬄᬩ᭄ᬘᬶᬓ᭄ᬫᬦᬳᬶᬂᬯᬤ᭄ᬯᬵ᭟ᬫᬺᬢ᭄ᬢᬯᬵᬃᬱᬩ᭄ᬭᬢᬫᬮᬶᬄ᭞ᬳᬗᬺᬢ᭄ᬢᬧᬸᬦᬶᬓᬢᭀᬬ᭞ᬢ᭄ᬳᭂᬃᬗᬸᬦᬶᬗᬶᬦ᭄ᬯᬤ᭄ᬯᬦᬾ᭞ᬫ
ᬤᬤ᭄ᬯᬵᬃᬱᬪᬵᬱᬳᬸᬚᬦ᭄᭞ᬢᬶᬗ᭄ᬓᬳᬾ ᬫᬤᬦᬵᬤᬦ᭞ᬫᬗ᭄ᬤᬾᬯᬢ᭄ᬭᬧᭀᬮᬶᬄᬳᬶᬧᬸᬦ᭄᭞ᬫᬦᬶᬭᬸᬢᬶᬩᬵᬦᬶᬗᬸᬚᬦ᭄᭟ᬬᬫᬵᬩ᭄ᬭᬢᬢᬦ᭄ᬧᬧᬶᬮᬶᬄ᭞ᬬᬦ᭄ᬓᬮᬦᬶᬂᬫᬫᬶᬥᬡ᭄ᬥᬵ᭞ᬫᬗ᭄ᬤᬾᬦ᭄ᬧᬸᬧᬸᬢ᭄ᬧᬭᬫᬗ᭄ᬓᬾ᭞ᬬᬦ᭄ᬧᬸᬧᬸᬢ᭄ᬭᬶᬂᬯ᭄ᬗᬶᬳᬸ
Kaca:Bali-lontar-gaguritan-prasrddha-niti-300ppi.pdf/4
Kaca puniki sampun kauji-wacén
