[ ᭔᭓ 43B]
᭔᭓᭞
ᬢᬸᬃᬚᬦ᭄ᬫᬵᬦᬾ᭞ᬲᬦᬾᬧᬵᬢᬹᬢ᭄ᬓᬕᬸᬕᬹ᭞ᬲᬂᬭᬸᬫᬕᬩ᭄ᬭᬳ᭄ᬫᬵᬡᬍᬯᬶᬄ᭞ᬫᬗᬚᬶᬲᬭᬵᬢᬦ᭄᭞ᬫᬬᬚ᭄ᬜᬓᬯᬗᬸᬦ᭄᭞ᬫᬶᬯᬄᬫᬯᬾᬄᬤᬦᬵᬧᬹᬡ᭄ᬬᬫᬦᭂᬍᬩᬂ᭞ᬫᬢᬶᬃᬣᬫᬳᬢᬶᬲᬸᬘᬶ᭞ᬫᬶᬯᬄᬫᬯᬭᬯᬭᬄ᭟ᬫᬓᬤᬶᬦᬾᬮ
ᬓᬸᬗᬯᬶᬓᭀᬦᬶᬦ᭄᭞ᬲᬫᬮᬶᬳᬾᬦᬗ᭄ᬕᬧ᭄ᬤᬦᬵᬧᬹᬡ᭄ᬬ᭞ᬧᬸᬦᬶᬓᬶᬫᬮᬶᬄᬳᬸᬮᬳᬾ᭞ᬭᬶᬂᬲᬂᬩ᭄ᬭᬳ᭄ᬫᬵᬡᬫᬸᬗ᭄ᬕᬸᬄ᭞ᬩ᭄ᬭᬢᬭ᭄ᬯᬯ᭄ᬮᬲ᭄ᬪᬘᬓᬦᬾᬓᬶ᭞ᬓᬧᬶᬲᬦᬾᬫᬵᬤᬦ᭄ᬥᬃᬫ᭄ᬫ᭞ᬲᬢ᭄ᬬᬧᬶᬂᬭᭀᬦ᭄ᬳᬶᬧᬸᬦ᭄᭞ᬢᬦ᭄ᬧᬦᬾᬓᬧᬶᬂᬢᬶᬕᬵ
ᬓᬧᬶᬂᬧᬵᬢᬾ᭞ᬤᬵᬫᬓᬧᬶᬂᬮᬶᬫᬫᬮᬶᬄ᭞ᬫᬵᬤᬦ᭄ᬯᬶᬫᬢ᭄ᬲᬭᬶᬢ᭄ᬯᬵ᭟ᬓᬧᬶᬂᬦᭂᬫᬾᬓᬯᬱ᭄ᬝᬦᬶᬦ᭄ᬳ᭄ᬭᬶᬄ᭞ᬓᬧᬶᬂᬧᬶᬢᬸᬦᬾᬫᬵᬤᬦ᭄ᬢᬶᬢᬶᬓ᭄ᬱᬵ᭞ᬳᬦᬲᬹᬬᬓᬧᬶᬂᬓᬸᬢᬸᬲᬾ᭞ᬬᬚ᭄ᬜᬵᬧᬶᬂᬲ᭄ᬬᬦ᭄ᬳᬶᬧᬸᬦ᭄᭞ᬓᬧᬶᬂᬤᬰᬤᬦᬵ᭞ᬲᬫᬮᬶᬄ
ᬤᬺᬢᬶᬦᬾᬓᬧᬶᬂᬲᬯ᭄ᬮᬲ᭄᭞ᬓ᭄ᬱᬫᬭ᭄ᬯᬯ᭄ᬮᬲ᭄ᬳᬶᬧᬸᬦ᭄᭞ᬫᬗ᭄ᬓᬶᬦ᭄ᬫᬮᬶᬄᬧᬶᬥᬃᬣᬬᬂ᭞ᬢ᭄ᬭᬗᬾᬲᬲᬶᬓᬶᬲᬶᬓᬶ᭞ᬥᬃᬫ᭄ᬫᬲᬵᬫ᭄ᬧᬸᬦ᭄ᬧᬧᭀᬮᭀᬲᬦ᭄᭟ᬲᬢ᭄ᬬᬧᬕᭂᬄᬳᬃᬣᬶᬦᬾᬧᬸᬦᬶᬓᬶ᭞ᬓᬧᬶᬬᭂᬭᬦ᭄ᬫᬦᬄᬫᬵᬤᬦ᭄ᬢᬧᬵ᭞ᬦᬾᬓᬸᬭᬂᬓ
[ ᭔᭔ 44A]
ᬮᬶᬄ᭞ᬫᬸᬭᬸᬓ᭄ᬭᬶᬂᬲᬩ᭄ᬭᬳ᭄ᬫᬵᬡᬓ᭄ᬱᬢ᭄ᬭᬶᬬ᭟ᬫᬶᬯᬄᬗ᭄ᬮᬭᬂᬡ᭄ᬬᬦᬾ᭞ᬓᬵᬮᬦ᭄ᬤᬶᬯᬱᬵᬳᬬᬸ᭞ᬫᬮᬶᬄᬫᬹᬚᬵᬳ᭄ᬬᬂᬢ᭄ᬭᬶᬖ᭄ᬦᬷ᭞ᬫᬶᬯᬄᬫᬥᬸᬫ᭄ᬥᬸᬫᬦᬵ᭚ᬭᬶᬂᬲᬯᬢᭂᬓ᭄ᬳᬶᬧᬸᬦ᭄᭞ᬧᬸᬦᬶᬓᬩ᭄ᬭᬢᬦᬶᬂᬯᬾᬱ᭄ᬬ᭞ᬲᬓᬶᬂᬩᬯᭀᬲ᭄ᬪᬕᬯᬵ
ᬦ᭄ᬪ᭄ᬬᬱᬦᬾᬭᬶᬳᬶᬦ᭄᭞ᬭᬶᬂᬰᬭᬵᬲᬫᬸᬰ᭄ᬘᬬᬵ᭟ᬳᬸᬮᬄᬲᬸᬥ᭄ᬭᬦᬾᬳᬸᬗ᭄ᬕᬸᬳᬂᬫᬮᬶᬄ᭞ᬪᬵᬓ᭄ᬢᬶᬲᬸᬫᬾᬯᬵᬭᬶᬂᬲᬵᬩ᭄ᬭᬳ᭄ᬫᬵᬡ᭞ᬫᬶᬯᬄᬭᬶᬂᬓ᭄ᬱᬢ᭄ᬭᬶᬬᬯᬾᬱ᭄ᬬᬦᬾ᭞ᬧᬸᬦᬶᬓᬦᬾᬓᬕᬸᬕ᭄ᬬᬵ᭞ᬫᬗ᭄ᬤᬾᬦ᭄ᬧ᭄ᬭᬶᬓ᭄ᬱᬵᬭᬶᬂᬢᬸᬱ᭄ᬝᬵᬲᬢ᭄ᬭᬶᬡᬶ᭞ᬳᭀ
ᬮᬶᬄᬫᬦᬾᬯᬓᬵ᭞ᬮᬷᬮᬂᬧᬧᬦ᭄ᬳᬶᬧᬸᬦ᭄᭞ᬲᬵᬫᬵᬧᬸᬦ᭄ᬫᬤᬦ᭄ᬲᬶᬤ᭄ᬥᬓᬵᬃᬬ᭄ᬬ᭞ᬩ᭄ᬭᬢᬦ᭄ᬲᬸᬤ᭄ᬭ᭞ᬳᬸᬘᬧᬦ᭄ᬯᬦ᭄ᬢᬄᬳᬓᬶᬤᬶᬓ᭄᭞ᬜᬾᬯᬓᬵᬭᬶᬂᬢ᭄ᬭᬶᬯᬗ᭄ᬰᬵ᭚᭜᭚ᬧᬸᬄᬧᬸᬘᬸᬂ᭚᭜᭚ᬫᬶᬯᬄᬧᬸᬘᬸᬂᬧᬲᬮᬶᬦᬾᬯᬦ᭄ᬢᬸᬦ᭄ᬯᬦ᭄ᬢᬸᬦ᭄᭞ᬩ᭄ᬮ
ᬦ᭄ᬢᬸᬭᬂᬓᬦ᭄ᬥ᭞ᬲᬓᬶᬂᬓᭀᬚᬭᬦᬶᬗ᭄ᬳᬢᬶ᭞ᬜᬫ᭄ᬩᬾᬢ᭄ᬜᬫ᭄ᬩᬸᬂ᭞ᬢᬸᬢᬹᬃᬪᬹᬯᬦᬵᬧᬹᬭᬡᬵ᭟ᬚᬦ᭄ᬫᬵᬘᬢᬸᬃ᭞ᬘᬢᬸᬃᬧᬢ᭄ᬧᬵᬢ᭄ᬳᬃᬣᬶᬦ᭄ᬳᬶᬧᬸᬦ᭄᭞ᬘᬘᬓᬦ᭄ᬧᬸᬦᬶᬓᬵ᭞ᬦᬾᬓᭀᬘᬧ᭄ᬯᬳᬸᬭᬶᬂᬕᬸᬭᬶᬢ᭄᭞ᬲᬦᬾᬫ᭄ᬢᬸᬭᬶᬂᬰᬭᬷᬭᬵᬪᬝᬵᬳᬭᬩ᭄ᬭᬳ᭄ᬫᬵ
