[ ᭔᭒ 42B]
᭔᭒᭞
ᬭᬶᬓᬵᬮᬦᬶᬂᬫᬗᭀᬢ᭄ᬲᬯᬵ᭟ᬓᬮᬶᬄᬳᬶᬧᬸᬦ᭄᭞ᬓᬵᬮᬦᬶᬂᬫᬦᭀᬫᬄᬫᬥᬸ᭞ᬲᬦᬾᬓᬧᬶᬂᬢᬶᬕᬵ᭞ᬳᬸᬚᬭᬶᬂᬳᬋᬧ᭄ᬫᬳᬸᬭᬶᬧ᭄᭞ᬓᬧᬶᬂᬧᬵᬢᬾᬳᬸᬚᬃᬓᬭᬵᬓ᭄ᬱᬦᬶᬂᬚᬶᬯ᭄ᬯᬵ᭟ᬕ᭄ᬦᭂᬧ᭄ᬳᬶᬧᬸᬦ᭄᭞ᬓᬧᬶᬂᬮᬶᬂᬫᬵᬦᬾᬫᬸ
ᬗ᭄ᬕᬸᬄ᭞ᬓᬵᬮᬦᬶᬂᬕᬕᬸᬬ᭄ᬯᬦ᭄᭞ᬬᬦ᭄ᬮ᭄ᬬᬦ᭄ᬲᬓᬶᬂᬧᬸᬦᬶᬓ᭞ᬳᬸᬚᬃᬳᬤ᭄ᬯᬵ᭞ᬢᬦ᭄ᬯᬸᬭᬸᬂᬫᬫᬗ᭄ᬕᬶᬄᬧᬧᬵ᭟ᬢᬫ᭄ᬧᬾᬦ᭄ᬳᬶᬧᬸᬦ᭄᭞ᬫᬗ᭄ᬤᬾᬦ᭄ᬲᬵᬫ᭄ᬧᬸᬦ᭄ᬲᬮᬶᬂᬲᬸᬭᬸᬧ᭄᭞ᬗᬯᬵᬱ᭄ᬝᬦᬶᬦ᭄ᬯᬤ᭄ᬯᬵ᭞ᬋᬋᬳᬂᬧᬧᬲ᭄ᬢᬾᬦ᭄ᬫᬮᬶᬄ᭞ᬭᬶᬂᬓᭀᬚ
ᬭᬦ᭄ᬳᬚᬶᬰᬭᬵᬘᬫᬸᬰ᭄ᬘᬬᬵ᭟᭐᭟ᬤᬦ᭄ᬥᬂᬕᬸᬮ᭚᭜᭚ᬧᬲᬮᬶᬦᬾᬲᬩᬶᬮᬂᬫᬲᬮᬶᬦ᭄᭞ᬲᬲᬵᬫ᭄ᬧᬸᬦᬾᬗᬘᬓ᭄ᬢᭂᬫ᭄ᬩᬂᬢᭂᬫ᭄ᬩᬂ᭞ᬓᬾᬯᬮᬤᬦ᭄ᬥᬂᬕᬸᬮᬦᬾ᭞ᬫᬢᬶᬫ᭄ᬩᬮ᭄ᬢᬶᬫ᭄ᬩᬮ᭄ᬧᬸᬘᬸᬂ᭞ᬧᬗ᭄ᬮᬦ᭄ᬢᬸᬭᬾᬢᭂᬫ᭄ᬩᬂᬓᬓᬮᬶᬄ᭞ᬳ
ᬗ᭄ᬕᬾᬦ᭄ᬜᬫ᭄ᬩᬸᬂᬜᬫ᭄ᬩᬸᬗᬂ᭞ᬓᬓ᭄ᬢᬸᬲᬦ᭄ᬢᬸᬢᬹᬃ᭞ᬧᭀᬮᬶᬄᬳᬾᬦᬸᬧ᭄ᬢᬸᬧ᭄ᬦᬸᬧ᭄ᬢᬸᬧᬂ᭞ᬲᬓᬶᬗᬕᬫᬵᬦᬾᬭᬶᬳᬶᬦ᭄᭞ᬳᬗ᭄ᬕᬾᬦ᭄ᬢᬫ᭄ᬩᬦ᭄ᬓᬩ᭄ᬬᬧᬭᬦ᭄᭟ᬓᭀᬘᬧ᭄ᬋᬓᬾᬭᬶᬂᬢᬸᬢᬹᬭᬾᬫᬯᬶᬢ᭄᭞ᬦᬾᬫᬯᬵᬱ᭄ᬝᬰᬭᬵᬘᬫᬸᬰ᭄ᬘᬬᬵ᭞ᬩᬯᭀ
[ ᭔᭓ 43A]
ᬲ᭄ᬪᬕᬯᬵᬦ᭄ᬪ᭄ᬬᬱᬦᬾ᭞ᬧᬸᬦᬶᬓᬦᬾᬓᬲᬸᬫ᭄ᬩᬸᬂ᭞ᬳᬦ᭄ᬢᬸᬓ᭄ᬧᬭᬡ᭄ᬥᬶᬣᬲᬫᬶ᭞ᬧᬥᬵᬫᬹᬚᬶᬗᬲ᭄ᬢᬯᬵ᭞ᬓᬥᬷᬩ᭄ᬬᬦᬶᬂᬢᬸᬢᬹᬃ᭞ᬧᬸᬦᬶᬓᬧᬵᬧᬵᬢᬹᬢ᭄ᬳᬾᬮᬶᬗᬂ᭞ᬲᬓᬢᬳᬾ ᭞ᬫᬦᬸᬱᬥᬵᬗ᭄ᬮᬓᭀᬦᬶᬦ᭄᭞ᬢᬸᬤᬸᬄᬅᬕᬫᬵᬩ᭄ᬭᬳ᭄ᬫᬵ᭟
ᬓᬦ᭄ᬥᬦ᭄ᬳᬶᬧᬸᬦ᭄ᬦᬾᬫᬗ᭄ᬓᬶᬦ᭄ᬯᬶᬯᬶᬢᬶᬦ᭄᭞ᬫᬯᬭᬄᬧᬵᬢ᭄᭞ᬤᬤᬶᬘᬢᬹᬃᬚᬦ᭄ᬫᬵ᭞ᬚᬦ᭄ᬫᬵᬧ᭄ᬢᬂᬧᬗ᭄ᬓᬢ᭄ᬋᬓᬾ᭞ᬩ᭄ᬭᬳ᭄ᬫᬵᬡᬬᬓᬲᬢᬸ᭞ᬓ᭄ᬱᬢ᭄ᬭᬶᬬᬦᬾᬓᬧᬶᬂᬓᬮᬶᬄ᭞ᬯᬾᬱ᭄ᬬᬵᬦᬾᬓᬧᬶᬂᬢᬶᬕᬵ᭞ᬢ᭄ᬭᬶᬯᬗ᭄ᬲᬵᬓᬯᬸᬯᬸᬲ᭄᭞ᬲᬫᬮᬶᬳᬾ
ᬓᬯᬵᬱ᭄ᬝᬦᬦ᭄᭞ᬫᬓᬢᬶᬕᬂᬲᬶᬓᬶᬫᬧᬭᬩ᭄ᬤ᭄ᬯᬶᬚᬢᬶ᭞ᬭᬾᬄᬯ᭄ᬦᬂᬧᬲᬂᬲ᭄ᬓᬃ᭟ᬧᬦᬸᬢᬸᬕᬾᬲᬸᬤ᭄ᬭᬵᬧᬶᬂᬧᬵᬢᬾᬓᬶ᭞ᬏᬓᬵᬚᬢᬶᬓᬂᬲᬸᬤ᭄ᬭᬵ᭞ᬢᬦ᭄ᬤᬤᬶᬧᬘᬂᬲ᭄ᬓᬭᬾ᭞ᬧᬸᬦᬶᬓᬓᬦ᭄ᬥᬦ᭄ᬳᬶᬧᬸᬦ᭄᭞ᬘᬢᬹᬃᬚᬦ᭄ᬫᬵᬓᭀᬚᬭᬶᬗᬚᬶ᭞ᬦᬵᬗ᭄ᬳᬶᬂᬫᬮᬶ
᭞ᬋᬋᬳᬂ᭞ᬓᬢ᭄ᬭᬗᬦ᭄ᬳᬶᬧᬸᬦ᭄᭞ᬮᬶᬗ᭄ᬳᬶᬂᬪᬹᬯᬦᬵᬧᬹᬭᬡ᭞ᬲᬓᬶᬂᬓ᭄ᬘᬧ᭄᭞ᬪᬝᬵᬳᬭᬰᬶᬯᬵᬦᬾᬭᬶᬳᬶᬦ᭄᭞ᬭᬶᬂᬪᬕᬯᬵᬦ᭄ᬯᬰᬶᬱ᭄ᬝᬵ᭟ᬲ?ᬳᬦᬾᬫᬗ᭄ᬓᬶᬦ᭄ᬓᬾᬯᬮᬧᬶᬗᭂᬢᬶᬦ᭄᭞ᬮᬶᬗ᭄ᬳᬶᬂᬢᬸᬢᬹᬃᬰᬭᬵᬲᬫᬸᬰ᭄ᬘᬬᬵ᭞ᬮᬮᬓᭀᬜ᭄ᬘᬢᬸᬃ
Kaca:Bali-lontar-gaguritan-prasrddha-niti-300ppi.pdf/43
Kaca puniki sampun kauji-wacén
