[ ᭓᭐ 30B]
᭓᭐᭞
ᬗ᭄ᬓᬶᬦ᭄ᬗᬾᬮᬶᬗᬶᬦ᭄᭞ᬫᬗ᭄ᬤᬾᬦ᭄ᬲᬶᬤ᭄ᬥᬓ᭄ᬦᬶ᭞ᬲᬗ᭄ᬳ᭄ᬬᬂᬥᬃᬫ᭄ᬫᬲᬸᬗ᭄ᬲᬸᬂ᭚᭜᭚ᬧᬸᬄᬓᬸᬫᬫ᭄ᬩᬂ᭚᭜᭚ᬭᬶᬂᬓᬸᬫᬫ᭄ᬩᬗᬂᬓᬦ᭄ᬥᬦᬾᬫᬮᬶᬄ᭞ᬫᬲᬶᬄᬢᭂᬫ᭄ᬩᬂᬚᬯᬵ᭞ᬦᬤ᭄ᬬᬜ᭄ᬘᬭᬩᬮᬶᬓᬾᬗᬶᬦ᭄᭞ᬯᬶᬭᬾᬄᬢᭂᬫ᭄ᬩᬂᬧᬥᬫ᭄ᬮᬄ᭟ᬗ᭄ᬳᬶᬂᬲᬵᬫ᭄ᬧᬸᬭᬳᬦ᭄ᬢᬸᬓᬦ᭄ᬧᬥᬫᬓ᭄ᬤᬶᬓ᭄᭞
ᬕ᭄ᬮᬶᬲ᭄ᬦᭂᬫ᭄ᬩᬮ᭄ᬦᬶᬫ᭄ᬩᬮ᭄᭞ᬫᬗ᭄ᬤᬾᬓᬾᬳᬦ᭄ᬳᬗ᭄ᬕᬾᬦ᭄ᬥᬶᬂ᭞ᬳᬗ᭄ᬕᬾᬦ᭄ᬫᬮᬚᬄᬫᬢᭂᬫ᭄ᬩᬂ᭟ᬲᬫ᭄ᬩᬸᬗᬦᬾᬢᬸᬢᬹᬭᬾᬫᬮᬶᬄᬯᬶᬯᬶᬢᬶᬦ᭄᭞ᬓᬥᬦ᭄ᬲᬂᬳ᭄ᬬᬂᬥᬃᬫ᭄ᬫᬵ᭞ᬓ᭄ᬭᬡᬗ᭄ᬤᬾᬦ᭄ᬲᬶᬤ᭄ᬥᬓ᭄ᬦᬶ᭞ᬭᬾᬄᬓᭀᬘᬧ᭄ᬭᬶᬂᬤᬷᬱ᭄ᬫᬵᬧᬃᬯ᭄ᬯᬵ᭟ᬧ᭄ᬭᬤᬸᬓ᭄ᬋᬱ᭄ᬡᬵᬫᬫ᭄ᬩᬯᭀᬲᬂᬤᬸᬓᬾ
ᬭᬶᬳᬶᬦ᭄᭞ᬭᬶᬂᬲᬂᬅᬃᬚ᭄ᬚᬸᬦ᭞ᬓᬯᬶᬚᬬᬦ᭄ᬓᬧᬗ᭄ᬕᬶᬳᬶᬦ᭄᭞ᬳᬲᬶᬂᬓᬳᬦ᭄ᬳ᭄ᬬᬸᬂᬥᬃᬫ᭄ᬫ᭟ᬓ᭄ᬭᬡᬭᬸᬭᬸᬄᬲᬭᬵᬢᬂᬫᬗ᭄ᬤᬾᬦ᭄ᬓᬧᬗ᭄ᬕᬶᬄ᭞ᬯ᭄ᬬᬤᬶᬦ᭄ᬲᬮᬄᬢᬸᬗ᭄ᬕᬮ᭄᭞ᬳᬗ᭄ᬕᭀᬦ᭄ᬧᬓᬸᬓᬸᬄᬭᬶᬗ᭄ᬳᬢᬶ᭞ᬤᬵᬕ᭄ᬬᬬᬾᬦ᭄ᬓ᭄ᬦᬶᬲᬫ᭄ᬬᬦ᭄᭟ᬭᬾᬄᬳᬤᬲᬂᬳ᭄ᬬᬂᬥ
ᬫ᭄ᬫᬓᭀᬚᬭᬶᬗᬚᬶ᭞ᬭᬶᬂᬯᬺᬢ᭄ᬢᬶᬰᬰᬦᬵ᭞ᬤᬰᬥᬃᬫ᭄ᬫᬯᬵᬱ᭄ᬝᬦᬾᬓᬶ᭞ᬦᬾᬫᬗ᭄ᬓᬶᬜ᭄ᬘᬘᬓ᭄ᬢᬸᬢᬸᬭᬂ᭞ᬤᬺᬣᬶᬲᬢᬸᬓ᭄ᬱᬫᬦᬾᬓᬧᬶᬂᬓᬮᬶᬄ᭞ᬤᬦᬵᬓᬧᬶᬂᬢᬶᬕᬵ᭞ᬳᬲ᭄ᬢᬾᬬᬵᬓᬧᬶᬂᬧᬵᬢ᭄ᬦᬾᬓᬶ᭞ᬰᬾᬘᬦᬵᬭᬶᬂᬓᬧᬶᬂᬮᬶᬫᬵ᭟ᬇᬦ᭄ᬤ᭄ᬭᬶᬬᬯᬶᬕ᭄ᬭ
[ ᭓᭑ 31A]
ᬳᬵᬭᬶᬂᬓᬧᬶᬂᬦᭂᬫ᭄ᬦᬾᬓᬶ᭞ᬢ᭄ᬭᬶᬄᬓᬧᬶᬂᬧᬶᬢᬸᬦ᭄ᬜ᭞ᬯᬶᬥ᭄ᬬᬓᬧᬶᬂᬓᬸᬢᬸᬲ᭄ᬫᬮᬶᬄ᭞ᬲᬵᬤ᭄ᬢ᭄ᬬᬦᬾᬭᬶᬂᬓᬧᬶᬂᬲ᭄ᬬ᭟ᬳᬓ᭄ᬭᭀᬤᬦᬾᬧᬸᬦᬶᬓᬧᬸᬧᬸᬢ᭄ᬧᬶᬂᬤᬰᬵ᭞ᬫᬮᬶᬄᬧᬶᬥᬃᬣᬵᬦ᭄ᬜ᭞ᬤᬺᬢᬶᬦᬾᬳᬫ᭄ᬩᭂᬓᬾᬳ᭄ᬦᬶᬂ᭞ᬓ᭄ᬱᬫᬦᬾᬬᬓᭀᬧᬱᬫᬦ᭄᭟ᬫᬵᬤ
ᬦ᭄ᬥᬫᬧᬸᬦᬶᬓᬰᬓ᭄ᬢᬶᬦᬶᬂᬩᬸᬤ᭄ᬥᬶ᭞ᬦᬾᬫᬵᬤᬦ᭄ᬳᬲ᭄ᬢᬾᬬᬵ᭞ᬧᬸᬦᬶᬓᬢᬦ᭄ᬳᬢᬶᬧᬮᬶᬂ᭞ᬢᬦ᭄ᬤ᭄ᬭᬸᬭᬶᬗᬧᬳᬧᬵ᭟ᬲᭀᬘᬗᬭᬦ᭄ᬘᬵᬫᬡᬤᬵᬱ᭄ᬫᬲᬫᬵᬥᬶ᭞ᬫᬵᬤᬦ᭄ᬳᬶᬦ᭄ᬤ᭄ᬭᬶᬬᬯᬶᬕ᭄ᬭᬳᬵ᭞ᬇᬦ᭄ᬤ᭄ᬭᬶᬬᬦᬾᬫᬗ᭄ᬤᬾᬳᬺᬢ᭄ᬢᬶ᭞ᬢ᭄ᬭᬶᬄᬧᬸᬦᬶᬓᬫᬵᬤᬦ᭄ᬳᬾᬭᬂ᭟ᬫᬤᬦ᭄ᬯᬶᬥ᭄ᬬ
ᬦᬾᬢᬢᬲ᭄ᬯ᭄ᬭᬸᬄᬫᬗᬚᬶ᭞ᬦᬾᬫᬯᬵᬱ᭄ᬝᬲᬢ᭄ᬬ᭞ᬧᬶᬢ᭄ᬗᭂᬢᬦ᭄ᬫᬶᬢ᭄ᬬᬩᬸᬤ᭄ᬥᬶ᭞ᬳᬓ᭄ᬭᭀᬤᬢᬦ᭄ᬓ᭄ᬦᬾᬂᬓ᭄ᬭᭀᬤᬵ᭟ᬗ᭄ᬳᬶᬂᬧᬸᬦᬶᬓᬢᬢᬫ᭄ᬧᬾᬦᬾᬫᬗ᭄ᬤᬾᬩ᭄ᬘᬶᬓ᭄᭞ᬧᬲ᭄ᬢ᭄ᬬᬂᬗᬋᬱᭂᬧᬂ᭞ᬦᬾᬓᬗ᭄ᬕᭀᬫᬶᬯᬄᬦᬾᬢᬸᬲᬶᬂ᭞ᬓᬭᬶᬓᬢᬄᬧᬧ᭄ᬮᬸᬢᬦ᭄᭚᭜᭚
ᬧᬸᬄᬤᬦ᭄ᬥᬂᬕᬸᬮ᭚᭜᭚ᬤᬦ᭄ᬥᬂᬕᬸᬮᬳᬗ᭄ᬕᬾᬦ᭄ᬫᬢᬶᬫ᭄ᬩᬮᬶᬦ᭄᭞ᬫᬲᬶᬄᬗ᭄ᬮᬦ᭄ᬢᬸᬃᬕᭂᬦ᭄ᬥᬶᬂᬘᬵᬭᬚᬯ᭞ᬲᬫ᭄ᬩᬸᬗᬦ᭄ᬓᬦ᭄ᬤᬦ᭄ᬥᬃᬫ᭄ᬫᬦᬾ᭞ᬮᬦ᭄ᬢᬸᬭᬂᬢᬸᬢᬹᬃᬳᬶᬧᬸᬦ᭄᭞ᬓᭀᬘᬧᬾᬓᭀᬚᬭᬦ᭄ᬳᬚᬶ᭞ᬫᬵᬤᬦ᭄ᬓᬶᬢᬶᬧᬵᬡ᭄ᬥᬯ᭞ᬲᬂᬜ
