[ ᭑᭔ 14B]
᭑᭔᭞
ᬯᬶᬦ᭄᭞ᬭᬶᬱ᭄ᬝᬪᬵᬬᬓ᭄ᬦᬶ᭞ᬬᬦᬶᬫ᭄ᬩᬮᬶᬦ᭄ᬲᬶᬕᬸᬕ᭄᭚᭜᭚ᬧᬸᬄᬧᬸᬘᬸᬂ᭚᭜᭚ᬲ᭄ᬓᬃᬧᬸᬘᬸᬂᬦᬵᬗ᭄ᬳᬶᬂᬩᭀᬬᬘᬭᬗᭂᬫ᭄ᬧᬸ᭞ᬧᬸᬘᬸᬂᬲᬹᬭᬵᬓᬃᬣ᭞ᬗᬶᬭᬲ᭄ᬕᭂᬦ᭄ᬤᬾᬃᬯᬬᬂᬲᬳᬶᬄ᭞ᬗ᭄ᬕᬦ᭄ᬜᬫ᭄ᬩᬸᬂ᭞ᬗ᭄ᬮᬦ᭄ᬢᬸᬭᬂᬢᬶᬢᬶᬂᬓᬳᬦ᭄᭟ᬢᬶᬗ᭄ᬓᬄᬘᬢᬸᬲᭀ
ᬧᬾᬓ᭄ᬱᬦᬾᬫᬮᬶᬄᬳᬧᬸᬲ᭄᭞ᬳᬗ᭄ᬕᬾᬦ᭄ᬢᬢᭂᬫ᭄ᬩᬗᬦ᭄᭞ᬢᬶᬢᬶᬗ᭄ᬓᬳᬦ᭄ᬧ᭄ᬢᬂᬲᬶᬓᬶ᭞ᬳᬗ᭄ᬕᭂᬧᬶᬧᬸᬦ᭄᭞ᬧᭀᬮᬳᬾᬭᬶᬂᬧᬕᬸᬲ᭄ᬢ᭄ᬬᬦ᭄᭟ᬯᬶᬯᬶᬢ᭄ᬳᬶᬧᬸᬜ᭄ᬘᬘᬓᬦ᭄ᬧᭀᬮᬳᬾᬧᬵᬢᬹᬢ᭄᭞ᬢᬦ᭄ᬤᬤᬶᬫᬫᬥ᭞ᬓᬵᬃᬱᬵᬧᬗᬗ᭄ᬕᬾᬧᬓᬺᬢ᭄ᬢᬶ
᭞ᬓᭀᬘᬧ᭄ᬓᭂᬦᬶᬂᬧᬢ᭄ᬭᬫᬬᬵ᭟ᬧᬶᬂᬭᭀᬦ᭄ᬳᬶᬧᬸᬦ᭄ᬢᬦ᭄ᬗᬫ᭄ᬩᬦᬾᬢᬦ᭄ᬓᬢᬸᬚᬸ᭞ᬓᬵᬃᬱᬦᬾᬧᬕᬸᬲ᭄ᬢ᭄ᬬᬦ᭄᭞ᬬᬾᬦ᭄ᬗᬫ᭄ᬩᬄᬓᭀᬘᬧ᭄ᬭᬶᬗᬚᬶ᭞ᬢᬢᬦ᭄ᬫᬗ᭄ᬕᬸᬄᬓ᭄ᬦᬭᬶᬂᬭᬵᬓ᭄ᬱᬓᬫᬢ᭄ᬭᬵ᭟ᬓᬧᬶᬂᬢ᭄ᬮᬸᬢᬦ᭄ᬮᬮᬶᬢᬦ᭄ᬗᬫ᭄ᬩᬄᬳᬗ᭄ᬓᬸᬄ᭞ᬗᬃᬬ᭄ᬬᬦᬶᬦ᭄ᬧ
ᬕᬸᬲ᭄ᬢ᭄ᬬᬦ᭄᭞ᬢᬦ᭄ᬜᬾᬤᬵᬭᬹᬧᬵᬦᬶᬂᬕᬸᬲ᭄ᬢᬶ᭞ᬬᬦ᭄ᬗᬯᬤᬓ᭄ᬦᬵᬭᬶᬂᬭᭀᬱᬓ᭄ᬱᬬᬵ᭟ᬧᬶᬂᬧᬵᬢ᭄ᬳᬶᬧᬸᬦ᭄᭞ᬢᬦ᭄ᬧᬗᬸᬧᭂᬢ᭄ᬕᬸᬲ᭄ᬢᬶᬦ᭄ᬳᬶᬧᬸᬦ᭄᭞ᬫᬶᬯᬄᬢᬦ᭄ᬤᭀᬦᭀᬭ᭞ᬬᬦ᭄ᬤᭀᬦᭀᬭᬭᬶᬂᬕᬸᬲ᭄ᬢᬶ᭞
[ ᭑᭕ 15A]
ᬧᬲ᭄ᬢᬶᬦ᭄ᬳᬶᬧᬸᬦ᭄ᬳᬶᬧᬸᬦ᭄᭞ᬓ᭄ᬦᬵᬭᬶᬂᬭᭀᬢᬓᬵᬫᬦ᭄ᬢ᭄ᬭ᭟ᬦᬾᬧᬸᬦᬶᬓᬸᬧ᭄ᬭᬢᬶᬗ᭄ᬓᬳᬾᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬸᬗ᭄ᬕᬸᬄᬭᬶᬂᬓᬯᬸᬮ᭞ᬫᬦ᭄ᬢᭂᬧᬾᬪᬵᬓ᭄ᬢᬶᬭᬶᬂᬕᬸᬲ᭄ᬢᬶ᭞ᬲᬶᬤ᭄ᬥᬧᬗ᭄ᬕᬸᬄᬳᬬᬸᬦᬶᬲ᭄ᬓᬮᬵ᭟ᬮᬶᬗ᭄ᬳᬶᬂᬢᬸᬢᬹᬃᬦᬵᬕᬭᬓ᭄ᬭᬫᬦᬾ ᬫᬸᬗ᭄ᬕᬸᬄ᭞ᬭᬶᬂᬘᬢᬸᬃᬧᬭᬶ
ᬓ᭄ᬱᬵ᭞ᬧᬸᬦᬶᬓᬧᬶᬦᭂᬄᬬᬢ᭄ᬦᬳᬶᬦ᭄᭞ᬲᬓᬶᬂᬭᬢᬸ᭞ᬫᬭᬶᬓ᭄ᬱᬯᬢᭂᬓ᭄ᬱᬾᬯᬦᬵ᭟ᬫᬵᬤᬜ᭄ᬘᬢᬸᬃᬯᬶᬮᬂᬧᬢ᭄ᬧᬵᬢ᭄ᬳᬃᬣᬶᬦ᭄ᬳᬶᬧᬸᬦ᭄᭞ᬤᬵᬗ᭄ᬤᬦᬧᬭᬶᬓ᭄ᬲᬵ᭞ᬳᬶᬲ᭄ᬢ᭄ᬭᬶᬧᬭᬶᬓ᭄ᬱᬵᬲᬫᬮᬶᬄ᭞ᬓᬵᬃᬬ᭄ᬬᬧᬭᬶᬓ᭄ᬱᬵᬫᬶᬯᬄᬭᬵᬕᬧᬭᬶᬓ᭄ᬱ᭟ᬳᬦ᭄ᬢᬾ
ᬦᬶᬧᬸᬦ᭄ᬳᬶᬭᬶᬓᬵᬲᬦ᭄ᬢᭂᬦᬦ᭄ᬲᬵᬫ᭄ᬧᬸᬦ᭄᭞ᬫᬶᬯᬄᬬᬦ᭄ᬧᬧᬾᬓᬵ᭞ᬳᬶᬓᬵᬧᬫᬺᬓ᭄ᬱᬦᬶᬂᬕᬸᬲ᭄ᬢᬶ᭞ᬗᬯᬵᬲ᭄ᬜᬸᬮᬸᬄᬲᬓᬾᬗᬶᬃᬯᬢᭂᬓ᭄ᬲᬾᬯᬓᬵ᭟ᬫᬮᬶᬄᬳᬶᬧᬸᬦ᭄ᬧᬜ᭄ᬘᬭᬵᬓ᭄ᬱᬦᬵᬭᬦ᭄ᬳᬶᬧᬸᬦ᭄᭞ᬢᬶᬗ᭄ᬓᬄᬢᬢᬭᬕ᭄ᬬᬦ᭄᭞ᬧᬯᬶᬮᬗᬦ᭄ᬮᬶ
ᬫᬂᬲᬶᬓᬶ᭞ᬢᬶᬗ᭄ᬓᬄᬳᬶᬧᬸᬦ᭄᭞ᬧᬸᬦᬶᬓᬧᬵᬢᬹᬢ᭄ᬳᬾᬮᬶᬗᬂ᭞ᬳᬶᬦ᭄ᬤᬶᬓ᭄ᬳᬶᬧᬸᬦ᭄ᬬᬦᬵᬭᬵᬓ᭄ᬱᬡ᭞ᬲᬢᬸ᭞ᬲ᭄ᬭᬯᬡᬭᬓ᭄ᬱᬡᬵ᭞ᬧᬸᬦᬶᬓᬦᬾᬓᬧᬶᬂᬓᬮᬶᬄ᭞ᬓᬧᬶᬂᬢ᭄ᬮᬸ᭞ᬫᬯᬱ᭄ᬝᬧᬢᬭᬵᬓ᭄ᬱᬡᬵ᭟ᬧᬶᬂᬧᬵᬢ᭄ᬳᬶᬧᬸᬦ᭄ᬚᬶᬳ᭄ᬯᬵᬭᬵᬓ᭄ᬱᬡᬵᬭᬦ᭄ᬳᬶᬧᬸ
