[ ᭑᭓ 13B]
᭑᭓᭞
ᬳᬶᬫ᭄ᬧᬲᬶᬦ᭄᭞ᬬᬦ᭄ᬧᬸᬭᬸᬕ᭄ᬳᬲᬶᬓᬶ᭞ᬫᬵᬤᬦ᭄ᬓᬸᬭᬂᬲ᭄ᬫᬸ᭟ᬧᬗᬃᬣᬶᬦ᭄ᬜᬬᬦ᭄ᬫᬧᬲ᭄ᬧᬯᬾᬲ᭄ᬢ᭄ᬭᬶ᭞ᬫᬗ᭄ᬤᬾᬦ᭄ᬜᬫ᭄ᬧᬶᬗᬾᬤᭀᬄ᭞ᬓᬵᬮᬧᬥᬵᬦᬸᬗ᭄ᬕᬮ᭄ᬓᬘᬸᬦ᭄ᬤᬸᬓᬾ᭞ᬬᬤᬶᬦ᭄ᬓᬲᬵᬧᬲᬵᬫ᭄ᬧᬸᬦ᭄ᬜᬯᬶᬭᬶᬦ᭄᭞ᬯᬶᬓᬵᬮ᭄ᬨᬪᬬᬾᬓᬶ᭞ᬗᭂᬦᬾᬦ᭄ᬬᬾ
ᬦ᭄ᬫᬲᬬᬸᬭᬸ᭟ᬫᬮᬶᬄᬓᬵᬮᬦᬶᬂᬫᬗ᭄ᬕᬶᬄᬧᬯᬾᬲ᭄ᬢ᭄ᬭᬷ᭞ᬫᬳ᭄ᬬᬲ᭄ᬗᬗ᭄ᬕᭀᬳᬗ᭄ᬕᭀ᭞ᬫᬲ᭄ᬓᬭᬾᬫᬯᬗᬶᬯᬗᬶᬦᬾ᭞ᬲᬵᬫ᭄ᬧᬸᬦ᭄ᬗᬤ᭄ᬯᬂᬳᬫ᭄ᬩᬸᬦᬾᬫᬶᬬᬶᬓ᭄᭞ᬳᬃᬱᬤᬆᬬᬓ᭄ᬦᬶ᭞ᬲᬵᬫ᭄ᬧᬸᬦ᭄ᬓᬸᬭᬂᬲ᭄ᬫᬸ᭟ᬯ᭄ᬯᬦ᭄ᬫᭂᬦᬸᬚᬸᬫᬓᬶᬤᬸᬂᬫᬕᭂᬦ᭄ᬥᬶᬂ᭞ᬭᬶᬂᬧᬵ
ᬢᬹᬢᬶᬂᬢᭀᬗᭀᬲ᭄᭞ᬲᬓᬶᬗ᭄ᬮᬶᬮᬮᬶᬮᬵᬲᬚᬢᬶᬦᬾ᭞ᬫᬗ᭄ᬤᬾᬲᬵᬫᬵᬧᬸᬦ᭄ᬫᬗᬭᬸᬳᬭᬸᬯᬶᬦ᭄᭞ᬲᬶᬧ᭄ᬢᬤᬵᬬᬓ᭄ᬦᬶ᭞ᬫᬲᬶᬄᬓᬸᬭᬂᬲ᭄ᬫᬸ᭟ᬫᬮᬶᬄᬓᬵᬮᬦᬶᬂᬫᬗ᭄ᬕᬶᬄᬧᬯᬾᬲ᭄ᬢ᭄ᬭᬶ᭞ᬫ᭄ᬥᬮ᭄ᬲᬓᬶᬂᬓ᭄ᬭᬢᭀᬦ᭄᭞ᬬᬤ᭄ᬬᬦᬧᬶᬦᬧᬶᬧᬗᬗ᭄ᬕᬾᬦᬾ᭞
ᬫᬗ᭄ᬤᬾᬦ᭄ᬲᬵᬫ᭄ᬧᬸᬦ᭄ᬗᬯᬭᬄᬫᬹᬚᬶ᭞ᬬᬾᬦ᭄ᬯᬭᬄᬬᬾᬦ᭄ᬧᬹᬚᬶ᭞ᬧᬢᬪᬵᬬᬫᬲᬸᬓ᭄᭟ᬬᬾᬦ᭄ᬧᬯᬾᬲ᭄ᬢ᭄ᬭᬶᬫᬦ᭄ᬤᬾᬯᬾᬓ᭄ᬫᬫᬵᬃᬕ᭄ᬕᬶ᭞ᬗᭂᬦᬶᬢᬳᬶᬭᬶᬂᬋᬓᭀ᭞ᬓ᭄ᬦᬶᬲᭀᬧᬦᬵᬪᬬᬳᬸᬮᬳᬾᬫᬲᬶᬄᬫᬵᬤᬦ᭄ᬢᬣᬵᬓᬸᬭᬂᬩᬸᬤ᭄ᬥᬶ᭞ᬬᬾ
[ ᭑᭔ 14A]
ᬦ᭄ᬜᬤ᭄ᬬᬫᬫᬵᬃᬕ᭄ᬕᬶ᭞ᬫᬦ᭄ᬤᬸᬭᬸᬦᬶᬦ᭄ᬧᬵᬢᬹᬢ᭄᭟ᬫᬶᬯᬄᬓᬵᬮᬦᬶᬂᬯᬾᬦ᭄ᬢᭂᬦ᭄ᬧᬯᬾᬲ᭄ᬢ᭄ᬭᬷ᭞ᬲ᭄ᬓᬭᬾᬫᬘ᭄ᬧᭀᬮ᭄᭞ᬫᬮᬓ᭄ᬢᬶᬓ᭄ᬮᬩᬸᬄᬓᬢᬦᬳᬾ᭞ᬳᬶᬮᬳᬶᬮᬵᬬᬾᬦ᭄ᬤᬸᬤᬸᬓ᭄ᬧᬸᬧᬶᬦᬶᬦ᭄᭞ᬧᬸᬱ᭄ᬧᬤᬵᬬᬓ᭄ᬦᬶ᭞ᬧᬳᬸᬮᬢᬦ᭄ᬲᬭᬸ᭟ᬯᬤᭀ
ᬦ᭄ᬓᬵᬮᬫᬘᭀᬢᭀᬲ᭄ᬓᬧᬗ᭄ᬕᬶᬄ᭞ᬲᬵᬫ᭄ᬧᬸᬦ᭄ᬢᬫ᭄ᬧᭂᬓ᭄ᬋᬓᭀ᭞ᬫᬶᬯᬄᬲᬵᬫᬵᬧᬸᬦ᭄ᬜᬋᬗᬶᬦ᭄ᬫᬸᬮᬶᬳᬾ᭞ᬬᬾᬦ᭄ᬲᬋᬗᬶᬦ᭄ᬧᬹᬭᬶᬱᬪᬵᬬᬓ᭄ᬦᬶ᭞ᬢᬫ᭄ᬩᭂᬢ᭄ᬓᬯᭀᬱ᭄ᬝᬦᬶᬦ᭄᭞ᬢᬦ᭄ᬳᬸᬦᬶᬂᬲ᭄ᬫ᭟ᬲᬫᬮᬶᬳᬾᬬᬦ᭄ᬧᬗ᭄ᬕᬶᬄᬧᬯᬾᬲ᭄ᬢ᭄ᬭᬷ᭞ᬓᬮᬫᬕᬕᬸ
ᬬᭀᬦ᭄᭞ᬫᬗ᭄ᬤᬾᬦ᭄ᬲᬵᬫ᭄ᬧᬸᬦ᭄ᬜᬋᬗᬶᬦ᭄ᬕᬸᬬᬸᬦᬾ᭞ᬬᬾᬦ᭄ᬲᬋᬗᬶᬦ᭄ᬯᬶᬖ᭄ᬭᬪᬵᬬᬓ᭄ᬦᬶ᭞ᬓᬓᬸᬭᬗᬦ᭄ᬩᭂᬘᬶᬓ᭄᭞ᬧᬓᬢᭀᬦᬦ᭄ᬲᬭᬸ᭟ᬬᬾᬦ᭄ᬧᬯᬾᬲ᭄ᬢ᭄ᬭᬶᬗᭂᬫ᭄ᬩᬦ᭄ᬭᬭᬾᬳᬮᬶᬢ᭄᭞ᬬᬦᬫ᭄ᬧᭂᬓᬶᬦ᭄ᬤᬤᭀᬲ᭄᭞ᬲᬵᬫ᭄ᬧᬸᬦ᭄ᬗᬭᬸᬳᬭᬸᬳᬶᬦ᭄ᬭ
ᬭᬾᬦᬾ᭞ᬬᬾᬦ᭄ᬗᬭᬸᬳᬶᬦ᭄ᬧᬸᬢ᭄ᬭᬥᬵᬬᬓ᭄ᬦᬶ᭞ᬲᬶᬕᬸᬕ᭄ᬓᬯᬵᬱ᭄ᬝᬦᬶᬦ᭄᭞ᬧᭀᬮᬳᬾᬧᬸᬦᬶᬓᬸ᭟ᬬᬾᬦ᭄ᬧᬯᭀᬲ᭄ᬢ᭄ᬭᬶᬫᬕᬫ᭄ᬩᭂᬮ᭄ᬓᬧᬗ᭄ᬕᬶᬄ᭞ᬗᬺᬩᬩ᭄ᬬᬾᬦᬭᭀᬫ᭄ᬧᭀᬂ᭞ᬲᬵᬫ᭄ᬧᬸᬦᬶᬫ᭄ᬧᬮᬶᬦ᭄ᬩᬋᬗᬶᬤᬸᬗᬾ᭞ᬦᬤ᭄ᬬᬦᬦ᭄ᬤᬓ᭄ᬦᬤ᭄ᬬᬦ᭄ᬫᬓᬓ
Kaca:Bali-lontar-gaguritan-prasrddha-niti-300ppi.pdf/14
Kaca puniki sampun kauji-wacén
