[᭘᭐ 80B]
᭘᭐
ᬗᬂ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬜᬯᬸᬭᬶᬦ᭄᭞ᬢ᭄ᬬᬂᬓᬓᬺᬢ᭄ᬢᬧᬸᬭ᭞ᬤᬸᬳᬸᬃᬳᬶᬤᬳᬶᬩ᭄ᬬᬂ᭞ᬫᬶᬯᬄᬓᬫᬮᬬᬯᬢᬶ᭞ᬳᬧᬂᬳᬤᬳᬶᬭᬶᬂ᭞ᬢ᭄ᬬᬂᬤᬶᬚᬸᬫᬄᬗᬬᬳᬶᬦ᭄᭟ᬧᬗᬶᬭᬶᬗᬾᬧᬥᬕ
ᬯᭀᬓ᭄ᬲᬶᬦᬫ᭄ᬬᬦ᭄᭞ᬗ᭄ᬢᬾᬦ᭄ᬢᬫᬦᬾᬩ᭄ᬘᬶᬓ᭄᭞ᬧᬥᬫᬤᭂᬳᭂᬧᬦ᭄᭞ᬫᬗ᭄ᬓᬶᬦ᭄ᬯᬸᬲ᭄ᬫᬭᬬᬸᬦᬦ᭄᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬫᬗ᭄ᬭᬭᬶᬲ᭄᭞ᬫᬺᬫ᭄ᬫᬺᬫᬦ᭄᭞ᬧᬗᬶᬭᬶᬂᬦᬸᬦᬲ᭄ᬲᬫᬶ᭟ᬦᬶᬦᬶᬢᬸᬯ᭠
ᬭᬭᬶᬲ᭄ᬗᬵᬢᬹᬭᬂᬯᭀᬄᬯᭀᬳᬦ᭄᭞ᬲᭀᬭᭀᬄᬦᬾᬫᬦᬶᬲ᭄ᬫᬦᬶᬲ᭄᭞ᬘᬭᭀᬭᬩᬸᬮᬸᬯᬦ᭄᭞ᬯᬦᬶᬫᬗ᭄ᬕᬶᬲ᭄ᬧᭀᬄᬧ᭄ᬭᬯ᭞ᬤᬸᬭᬾᬦ᭄ᬦᬗ᭄ᬓᬫ᭄ᬯᬂᬚᬭᭀᬢᬶ᭞ᬯᬸᬲ᭄ᬓᬳᬢᬹᬭᬂ᭞ᬳᬶ
ᬓᬸᬦ᭄ᬤᬂᬭᬭᬶᬲ᭄ᬦᬫ᭄ᬧᬶ᭟ᬢᬜ᭄ᬘᬭᬶᬢᬧ᭄ᬢᭂᬂᬦᬾᬫᬦᬶᬲ᭄ᬫᭂᬗᬦ᭄᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬫᬫᬃ᭠ᬕ᭄ᬕᬶ᭞ᬗ᭄ᬮᬚᬸᬃᬫᬗᬗᬶᬦᬂ᭞ᬢᬫ᭄ᬩᬸᬭᬾᬫᬲ᭄ᬯᬭ᭞ᬯᬸᬲ᭄ᬭᬯᬸᬄᬭᬶᬂᬓᬺᬢ᭄ᬢᬧᬸᬭᬶ᭞ᬲᬂᬧ᭄ᬭᬪᬸᬓᭀᬤ
[᭘᭑ 81A]
ᬮ᭄᭞ᬭᬶᬂᬩᬜ᭄ᬘᬶᬗᬄᬫᬮᬶᬗ᭄ᬕᬶᬄ᭟ᬲᭂᬓ᭄ᬱᭂᬓ᭄ᬚᭂᬚᭂᬮ᭄ᬭᬶᬂᬩᬜ᭄ᬘᬶᬗᬄᬓᬺᬢ᭄ᬢᬧᬸᬭ᭞ᬩᬢᬦ᭄ᬩᬜ᭄ᬘᬶᬗᬄᬢᬶᬢᬶᬩ᭄᭞ᬳᬦ᭄ᬢᬸᬓ᭄ᬩᬤᬶᬮ᭄ᬢᬸᬫ᭄ᬩᬓ᭄᭞ᬕᬚᬄᬚᬭᬦ᭄ᬫᬲ᭄ᬯᬭ᭞ᬚᭀᬮᬶᬓ᭄ᬭᬾᬣᬦᬾ᭠
ᬫᬮᬶᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬢ᭄ᬥᬸᬦ᭄ᬭᬭᬶᬲ᭄ᬫᬫᬃᬕ᭄ᬕᬶ᭟ᬤᬯᬸᬄᬮᬶᬫᬦᬧᬓ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬸᬜᬧᬳᬭᬶᬲ᭄᭞ᬫᬳᬶᬤᬶᬦᬶᬤᬾᬯ᭞ᬓᬮᬶᬳᬧᬫᬚᬮᬦ᭄᭞ᬭᬵᬤᬾᬦ᭄ᬫ᭠
ᬦ᭄ᬢ᭄ᬭᬶᬫᬗ᭄ᬭᬭᬶᬲ᭄᭞ᬫᬦᬸᬦᬲ᭄ᬮᬸᬕᬺ᭞ᬫᬸᬗ᭄ᬕᬄᬳᬶᬤᬫᬮᬶᬗ᭄ᬕᬶᬄ᭟ᬩᬮᬾᬧᬕᬚᬳᬦᬭᬕ᭄ᬦᬄᬧᬦᬗ᭄ᬓᬶᬮᬦ᭄᭞ᬯᬶᬓᬸᬳᬓᬾᬄᬫᬦᬗ᭄ᬓᬶᬮ᭄᭞ᬫᬶᬯᬄᬩᬳᬸᬥᬡ᭄ᬥ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬫᬦᬶᬫ᭄ᬩᬮ᭄᭞
ᬲ᭄ᬫᭂᬗᬦ᭄ᬢᬶᬢ᭄ᬬᬂᬫᬫᬃᬕ᭄ᬕᬶ᭞ᬗ᭄ᬳᬶᬂᬲᬓᬶᬂᬢᬫᬦ᭄᭞ᬲᬦᬾᬭᬶᬂᬧᬹᬃᬡ᭄ᬦᬯᬢᬶ᭟ᬲᬓᬶᬂᬚᬸᬫᬄ᭠ᬲᬦᬾᬤᬶᬩᬶᬧᬲ᭄ᬫᭂᬗᬦ᭄᭞ᬭᬯᬸᬄᬭᬶᬂᬢᬫᬦ᭄ᬮᬶᬗ᭄ᬲᬶᬃ᭞ᬧᬸᬦᬶᬓᬦᬶᬢᬸᬯ᭞ᬭᬭᬶᬲ᭄ᬜᬶᬫ᭄ᬧᬗᬂᬢᬶᬢ᭄ᬬᬂ᭞
Kaca:Bali-lontar-gaguritan-prabu-aji-dharma-350ppi.pdf/81
Kaca puniki sampun kauji-wacén
