[᭗᭙ 79B]
᭗᭙
ᬦ᭄ᬢ᭄ᬭᬶᬫᬗ᭄ᬭᬭᬶᬲ᭄᭟ᬯᬸᬲ᭄ᬫᬮᬶᬗ᭄ᬕᬶᬄᬭᬶᬂᬮᭀᬚᬶᬕᬯᭀᬓ᭄ᬫᬜᬶᬗᬓ᭄᭞ᬫ᭄ᬮᬄᬢ᭠ᬫᬦᬾᬗᬶᬗ᭄ᬕᬶᬮ᭄᭞ᬭᬭᬶᬲ᭄ᬫᬦᬓᬾᬦᬂ᭞ᬩᬶᬩᬶᬜᬾᬦ᭄ᬫᬦ᭄ᬤᬸᬯᬾᬬᬂ᭞ᬢᬫᬦᬾᬮᬶᬦ᭄ᬢᬗᬶᬂᬩ᭄ᬘᬶᬓ᭄᭞
ᬤᬶᬚᬳᬤᬜ᭞ᬳᭀᬃᬢ᭄ᬣᬳᬶᬦ᭄ᬢ᭄ᬬᬂᬩᬶᬩᬶ᭟ᬦᬶᬦᬶᬢᬸᬯᬸᬫᬳᬢᬹᬃᬧᬸᬦᬶᬓᬶᬢᬫᬦ᭄᭞ᬲᬂᬧ᭄ᬭᬪᬸᬓᬺᬢ᭄ᬢᬧᬸᬭᬶ᭞ᬫᬸᬗ᭄ᬕ᭄ᬯᬶᬂᬯᬵᬱ᭄ᬝᬦ᭄ᬢᬫᬦ᭄᭞ᬭᬶᬂᬧᬹᬃᬡ᭄ᬦᬯᬢᬷᬤᬾᬯ᭞ᬢᬶᬢ᭄ᬬᬂᬗ᭄ᬕᭂᬦ
ᬳᬶᬦ᭄ᬳᬶᬭᬶᬓᬶ᭟ᬓᬧᬦ᭄ᬤᬶᬓᬬᬂ᭞ᬗ᭄ᬭᬶᬲᬓᬶᬦ᭄ᬫᬗ᭄ᬤᬾᬩ᭄ᬘᬶᬓ᭄᭟ᬓᬮᬶᬄᬢᬶᬢ᭄ᬬᬂᬤᬯᭂᬕ᭄ᬧᬶᬲᬦ᭄ᬫᬦᬸᬦᬲᬂ᭞ᬭᬢᬸᬫᬲᬧᬸᬦᬧᬶ᭞ᬭᬶᬂᬧ᭄ᬭᬪ᭄ᬯᬵᬚᬶᬥᬃᬫ᭄ᬫ᭞ᬯᬃᬡ᭄ᬦᬦᬾᬫᬾᬫ᭄ᬧᭂᬃᬧᬶᬲᬦ᭄᭞
ᬭᬵᬤᬾᬦ᭄ᬫᬦ᭄ᬢ᭄ᬭᬶᬫᬜᬯᬸᬭᬶᬦ᭄᭞ᬦ᭄ᬢᭀᬳᬶᬤᬧᬶᬲᬦ᭄᭞ᬫᬗᬃᬤ᭄ᬟᬶᬢ᭄ᬬᬂᬩᬶᬩᬶ᭟ᬦᬶᬦᬶᬢᬸᬯᬩᬳᬸᬫᬶᬭᬕᬶᬫᬜᬕ᭄ᬚᬕ᭄᭞ᬫᬗ᭄ᬮᬸᬢ᭄ᬘᭀᬓᭀᬃᬗ᭄ᬮᬶᬂ᭞ᬳᬶᬗᭂᬢ᭄ᬓᬾᬦ᭄ᬦᬾᬲᬸᬩ᭞᭠
[᭘᭐ 80A]
ᬲ᭄ᬯᬾᬘ᭄ᬙᬦ᭄ᬰ᭄ᬭᬶᬳᬚᬶᬥᬃᬫ᭄ᬫ᭞ᬳᬶᬗ᭄ᬕᬶᬄᬭᬢᬸᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬵᬢᬹᬭᬂ᭞ᬳᬯᬶᬦᬦ᭄ᬢᬶᬢ᭄ᬬᬂᬳᬸᬭᬶᬧ᭄᭟ᬧ᭄ᬘᬓ᭄ᬢᬶᬢ᭄ᬬᬂᬢᬸᬯᬧᬢᬓᬓᬮᬶᬦ᭄ᬢᬂ᭞ᬩᬸᬗ᭄ᬓᬸᬢ᭄ᬲᬾᬗ᭄ᬓᭀᬓ᭄ᬮᬦ᭄ᬕᬶᬩᬶᬄ᭞ᬕᬦ᭄ᬢᭀ
ᬲ᭄ᬢᬶᬢ᭄ᬬᬂᬲᬸᬧᬢ᭄᭞ᬭᬯᬸᬄᬳᬚᬶᬜ᭄ᬘᭀᬓᭀᬃᬤ᭄ᬟ᭞ᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬦᬲᬶᬓᬸᬦᬶᬂ᭞ᬢᬹᬃᬫᬗᬦ᭄ᬤᬶᬓ᭞ᬗ᭄ᬯᬱ᭄ᬝᬦᬶᬦ᭄ᬢᬶᬢ᭄ᬬᬂᬩ᭄ᬘᬶᬓ᭄᭟ᬯᬸᬲᬦ᭄ᬢᬶᬢ᭄ᬬᬂᬦ᭄ᬟᭂᬭᬭᬶᬲ᭄ᬢᬶᬢ᭄ᬬᬂᬩᬚᭂ᭞ᬧᬢᬓᬳᬶᬘᬮ᭄ᬲᬫᬶ᭞ᬢᬦ᭄ᬓᬢᬯᬸᬃᬧᬶᬲᬦ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬭᬶᬂᬫᬦᬄ᭞ᬧᬳᬶᬘ᭄ᬙᬦ᭄ᬳᬶᬤᬳᬶᬳᬚᬶ᭞ᬫᬗ᭄ᬓᬶᬜ᭄ᬘᭀᬓᭀᬃᬤ᭄ᬟ᭞ᬲᬶᬤ᭄ᬟᬭᬯᬸᬄᬫᬭᬶᬓᬶ᭟ᬓᬮᬶᬄᬦᬧᬶᬧᬶᬲᬥ᭄ᬬᬦ᭄ᬳᬶᬭᬢᬸᬮᬸᬗ᭄ᬳ᭞ᬳ
ᬦ᭄ᬢᬸᬓᬾᬲᬧᬸᬦᬶᬓᬶ᭞ᬫᬳᬶᬭᬶᬗᬦ᭄ᬓᬢᬄ᭞ᬳᬶᬭᬶᬗᬂᬩ᭄ᬤᬶᬮ᭄ᬢᬸᬫ᭄ᬩᬓ᭄᭞ᬤᬾᬦᬶᬂᬫᬃᬕ᭄ᬕᬦ᭄ᬭᬢᬸᬍᬯᬶᬄ᭞ᬫᬓᬳ᭄ᬬᬸᬦ᭄ᬮᬸᬗ᭄ᬳ᭞ᬩᭀᬬᬲᬓᬤᬶᬳᬶᬳᬚᬶ᭟ᬧᬓᬮᬶᬳᬦ᭄ᬳᬶᬕᬸᬲ᭄ᬢᬶᬫᬤ᭄ᬭᬶᬗᬶᬭᬶ
Kaca:Bali-lontar-gaguritan-prabu-aji-dharma-350ppi.pdf/80
Kaca puniki sampun kauji-wacén
