[᭗᭗ 77B]
᭗᭗
ᬯᬵᬲ᭄ᬢ᭄ᬭᬲᬸᬢ᭄ᬭᬢᬗᬶ᭞ᬫᬢᬗ᭄ᬕᬸᬫᬧ᭄ᬭᬥ᭞ᬫᬓᬫ᭄ᬧᬸᬄᬲᬸᬢ᭄ᬭᬩᬭᬓ᭄᭞ᬫᬤᭂᬫ᭄ᬧᬮ᭄ᬫᬧ᭄ᬭᬥᬲᬫᬶ᭞ᬫᬩᬸᬮᬂᬲᬸᬢᬺ᭞ᬫᬧ᭄ᬭᬥᬩᬸᬗᬄᬗᭂᬦ᭄ᬤᬶᬄ᭟ᬧᬧ᭄ᬓᭂᬓᬾᬲᬢᬫ᭄ᬩᬸᬮ᭄ᬢᬗᬶᬫᬓ᭄ᬜᬩ᭄᭞ᬤ
ᬲ᭄ᬢᬃᬢᬢᬸᬫ᭄ᬧᬮ᭄ᬩᭂᬘᬶᬓ᭄᭞ᬫᬦᭂᬫ᭄ᬧᬮ᭄ᬫᬧ᭄ᬭᬥ᭞ᬫᬲ᭄ᬫᬃᬫᬲ᭄ᬫᬧᬶᬦ᭄ᬤ᭞ᬧᬥᬧᬦ᭄ᬓᭂᬧᬾᬮᬾᬩ᭄ᬘᬶᬓ᭄᭞ᬮ᭄ᬬᬦ᭄ᬳᭂᬫ᭄ᬧᬓ᭄ᬳᭂᬫ᭄ᬧᬓ᭄᭞ᬦᬩ᭄ᬤᬩ᭄ᬕ᭄ᬦᬄᬫᬘᬺᬫᬶ᭟ᬜᬸᬗ᭄ᬓᭂᬮᬶᬢ᭄ᬓ᭄ᬭᬶᬲ᭄ᬮᬦ᭄ᬤᬾᬬ᭠
ᬦ᭄ᬢᭀᬕᭀᬕ᭄ᬭᬢ᭄ᬫᬚ᭞ᬲ᭄ᬮᬸᬢᬾᬫᬶᬭᬄᬳᬤᬶ᭞ᬲᬲᭂᬫ᭄ᬩᬭᬾᬗ᭄ᬭᬜᬩ᭄᭞ᬩᬵᬦ᭄ᬯᬶᬦ᭄ᬢᭂᬦ᭄ᬮᬦ᭄ᬩᬃᬮᬶᬬᬦ᭄᭞ᬯᬭᬗ᭄ᬓᬾᬧᬾᬮᬾᬢ᭄ᬩ᭄ᬘᬶᬓ᭄᭞ᬗ᭄ᬳᬶᬂᬧ᭄ᬭᬸᬢᬦ᭄᭞ᬓ᭄ᬭᬶᬲ᭄ᬓᬯᬶᬢᬦ᭄ᬓᬲᬸᬗ᭄ᬓᭂ᭠
ᬮᬶᬢ᭄᭟ᬓᬓᬦ᭄ᬤᭂᬮᬦ᭄ᬫᬲ᭄ᬫᬢᬢᬄᬮᬶᬦ᭄ᬢᬂᬩᬸᬗᬄ᭞ᬗᭂᬫ᭄ᬧᬸᬕ᭄ᬧᬾᬦ᭄ᬤᭂᬃᬳᬮᬸᬲᬶᬦ᭄᭞ᬫᬶᬯᬄᬍᬗᬶᬲ᭄ᬢᬶᬫᬄ᭞ᬯᬵᬲ᭄ᬢᬺᬓᬫ᭄ᬧᬸᬄᬫᬳᬸᬯᬧ᭄᭞ᬢ᭄ᬓᬦᬶᬂᬫᬓ᭄ᬯᬘᬢᬗᬶ᭞ᬩᬮᬸᬤ᭄ᬭᬸᬫ᭄ᬮᬄ᭞
[᭗᭘ 78A]
ᬫᬩᬶᬦ᭄ᬢᬂᬫᬲ᭄ᬫᬳᬸᬓᬶᬃ᭟ᬫᬲᬲᭀᬘᬦ᭄ᬩᬳᬦ᭄ᬯᬶᬦ᭄ᬢᭂᬦ᭄ᬫᬲᭂᬫ᭄ᬩᬭᬦ᭄᭞ᬤᬶᬧᬸᬗ᭄ᬓᬸᬃᬫᬲ᭄ᬫᬳᬸᬓᬶᬃ᭞ᬫᬶᬭᬶᬩ᭄ᬕᬕᭂᬮᬧᬦ᭄᭞ᬫᬗ᭄ᬓᬶᬦ᭄ᬩᬕᬸᬲ᭄ᬫᬍᬜᬤ᭄᭞ᬍᬂᬍᬂᬯᭀᬂᬚ᭄ᬭᭀᬦᬾᬗᬦ᭄ᬢᭂᬦᬶᬦ᭄᭞ᬦᬾᬩᬚᬂ
ᬩᬚᬂ᭞ᬢᬦ᭄ᬮ᭄ᬬᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭟ᬤᬶᬓ᭄ᬦᭂᬳᬾᬯᭀᬂᬤᬤᬶᬧᬘᬂᬳᭂᬦ᭄ᬤᭂᬧᬂ᭞ᬕᬮᬶᬩᬶᬩᬿᬳᬾᬗ᭄ᬭᬶᬫᬶᬓ᭄᭞ᬫᬗ᭄ᬤᬓᬢᬸᬭᬵᬦᬦ᭄᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬫᬫᬃᬕ᭄ᬕ᭞ᬓᬸᬦ᭄ᬤᬂᬲᬵᬫ᭄ᬧᬸᬦ᭄ᬫᬧᬸᬘᬸᬓᬶᬦ᭄᭞
ᬳᬚᬓᬭᭀᬭᬲ᭄᭞ᬩᬚᬂᬢᬹᬃᬚ᭄ᬕᬾᬕ᭄ᬲᬫᬶ᭟ᬩᬸᬯᬶᬦ᭄ᬩᬸᬗᬄᬧᬳ᭄ᬬᬲ᭄ᬜᬦᬾᬧᬧᬢᬸᬳᬦ᭄᭞ᬫᬶᬬᬶᬓ᭄ᬜᬦᬾᬢᬦ᭄ᬲᬶᬧᬶ᭞ᬫᬧᬭᬲ᭄ᬫᬩᭂᬗᬦ᭄᭞ᬮᬮᬜ᭄ᬘᬂᬯᬸᬲ᭄ᬫᬫᬃᬕ᭄ᬕ᭞ᬭᬯᬸᬄᬭᬶᬂᬩ᭠
ᬜ᭄ᬘᬶᬗᬄᬭᬭᬶᬲ᭄᭞ᬲᬫᬶᬫᬚᬮᬦ᭄᭞ᬲᬦᬾᬧᬵᬢᬹᬢ᭄ᬗ᭄ᬭᬶᬳᬶᬦᬶᬦ᭄᭟ᬭᬭᬶᬲ᭄ᬦᬩᬸᬄᬢᬫ᭄ᬩᬸᬭᬾᬗᬺᬤᭂᬕ᭄ᬫᬲ᭄ᬯᬭ᭞ᬳᬶᬤᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬫᬮᬶᬗ᭄ᬕᬶᬄᬭᬶᬂᬥᬫ᭄ᬧ᭞ᬲᬵᬫ᭄ᬧᬸᬦ᭄ᬫᬘᬢᬺᬓᭂᬫ᭄ᬩᬃ᭞ᬫ
Kaca:Bali-lontar-gaguritan-prabu-aji-dharma-350ppi.pdf/78
Kaca puniki sampun kauji-wacén
