[᭗᭖ 76B]
᭗᭖
ᬦ᭄ᬓ᭄ᬭᬢ᭞ᬓᬬᬂᬦᬾᬗᭂᬫ᭄ᬧᭀᬦᬶᬦ᭄ᬳᬱ᭄ᬝᬶ᭞ᬳᬧᬗᬦᬧᬓ᭄᭞ᬲ᭄ᬫᭂᬂᬫᬗᬦ᭄ᬢᬶᬤᬶᬦᬶ᭟ᬧᬚᭂᬂᬫᬫᬲ᭄ᬳᬧᬂᬧᬥᬢᬸᬳᬸᬦᬗ᭞ᬫᬶᬯᬄᬩ᭄ᬤᬶᬮᬾᬲᬫᬶ᭞ᬲᬦᬾᬫᬦᬹᬱᬡ᭞ᬲᬂᬫᬦ᭄ᬢ᭄ᬭᬶᬫᬗᬶᬭᬶᬗᬂ᭞ᬲ
ᬫ᭄ᬬᬦ᭄ᬫᬧᬫᬶᬢ᭄ᬫᬸᬮᬶᬄ᭞ᬚᬕᬗᬭᬳᬂ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬓᬧᬸᬭᬶ᭟ᬲᬓᬾᬯᬮᬧᬋᬓᬦ᭄ᬘ᭄ᬭᬶᬓ᭄ᬗᬶᬭᬶᬗᬂ᭞ᬩᬾᬜ᭄ᬚᬂᬘ᭄ᬭᬶᬢᬦᭂᬦ᭄ᬫᬮᬶᬄ᭞ᬲ᭄ᬫᭂᬃᬲᬵᬫ᭄ᬧᬸᬦ᭄ᬦᬧᬓ᭄᭞ᬳᬶᬭᬶᬗᬦᬾᬫᬓ᭄ᬚᬂ᭞ᬯᬾᬦ᭄ᬢᭂᬦ᭄ᬲ᭄ᬬᬸᬚᬕᬗᬶᬭᬶᬂ᭞ᬩ᭄ᬤᬶᬮ᭄ᬮᬦ᭄ᬫᬫᬲ᭄᭞ᬫᬤᬸᬭᬾᬓ᭄ᬗᬧᬶᬢ᭄ᬫᬃᬕ᭄ᬕᬶ᭟ᬩ᭄ᬤᬶᬮ᭄ᬫᬫᬲ᭄ᬧᬥᬜᬂᬢᬓ᭄ᬫᬗᬶᬭᬶᬗᬂ᭞ᬢᬫ᭄ᬩᬸᬭᬾᬫᬧᬸᬘᬸᬓᬶᬦ᭄᭞ᬫᬓᭀᬩᬾᬃᬫᬤᬩ᭄ᬤᬩ᭄᭞ᬧᬚᭂᬂᬓᭂᬫ᭄ᬩᬃᬫᬘᬤᬂ᭞ᬲ
ᬦᬾᬤᬶᬳᬋᬧᬜ᭄ᬚᬾᬮᬶ᭞ᬧᬋᬲᬶᬓ᭄ᬮᬾᬯᬂ᭞ᬧ᭄ᬭᬧᬶᬢᬸᬫᬜᬋᬗᬶᬦ᭄᭟ᬲᬾᬭᭀᬄᬫᬫᬲ᭄ᬧ᭄ᬭᬧᬶᬢᬾᬫᬗᬸᬮᬸᬫ᭄ᬭᬓ᭄᭞ᬫᬓᬫ᭄ᬩᬳᭀᬦ᭄ᬳᬩᬕᬶ᭞ᬚᬦ᭄ᬫᬦᬾᬫᬫ᭄ᬩᬓ᭄ᬢ᭞ᬲᭀ
[᭗᭗ 77A]
ᬭᭀᬄᬕᬕ᭄ᬮᬶᬓᬦ᭄ᬧᬶᬲᬦ᭄᭞ᬦᬾᬦᬾᬚᬾᬗ᭄ᬕᬾᬢ᭄ᬩ᭄ᬭᬶᬲ᭄ᬓᬸᬫᬶᬲ᭄᭞ᬧᬳ᭄ᬬᬲᬾᬩᬸᬗᬄ᭞ᬫᬩᬸᬍᬢ᭄ᬫᬓᬸᬮᬫ᭄ᬩᬶ᭟ᬲᬲ᭄ᬮᭂᬢᬾᬫᬜᬾᬳᬾᬤ᭄ᬳᬚᬓ᭄ᬫᬓ᭄ᬚᬂ᭞ᬤᬗᬦᬦ᭄ᬧᬢᬸᬄᬲᬫᬶ᭞ᬫᬧᬸᬧᬸᬗ᭄ᬩᬵ᭠
ᬦ᭄ᬳᭂᬫᬲ᭄᭞ᬧᬳ᭄ᬬᬲᬾᬧᬧᬢᬸᬳᬦ᭄᭞ᬢᬦ᭄ᬤᬗᬾᬢᬦ᭄ᬧᬧᬓᬾᬭᬶᬂ᭞ᬗᭂᬦᭂᬳᬂᬳᬯᬓ᭄᭞ᬫᬵᬤᬦ᭄ᬢᬩᬸᬡᬮᭀᬚᬶ᭟ᬧᬭᬫᬦ᭄ᬢ᭄ᬭᬶᬲᬵᬫ᭄ᬧᬸᬦᬧᬓ᭄ᬭᬶᬂᬩᬜ᭄ᬘᬶᬗᬄ᭞ᬧᬳ᭄ᬬᬲᬾᬩᬸᬗᬄ
ᬲᬫᬶ᭞ᬫᬳᬸᬤᭂᬂᬫᬧ᭄ᬭᬥ᭞ᬳᬶᬭᬶᬗᬦ᭄ᬓᬫ᭄ᬧᬾᬓ᭄ᬓᭂᬫ᭄ᬩᬮ᭄᭞ᬧᬢᬸᬄᬩᬸᬘᬸᬫᬲ᭄ᬲᬫᬶ᭞ᬫᭀᬭᬗ᭄ᬓᬥᬡ᭄ᬝ᭞ᬫᬤᬗᬦᬦ᭄ᬕ᭄ᬭᬦ᭄ᬢᬶᬫ᭄᭟ᬲ᭄ᬮᬸᬢ᭄ᬫᬬᭂᬂᬲᬫᬶᬓᬓᬦ᭄ᬤᭂᬮᬦ᭄ᬫᬲ᭄᭞ᬢᬸᬢᬸᬲᬾᬓᭂᬢ᭄ᬤᬶ᭠
ᬭᬶ᭞ᬲᬫᬶᬧᬧᬢᬸᬳᬦ᭄᭞ᬦ᭄ᬕᬓ᭄ᬩᬢᬦ᭄ᬩᬜ᭄ᬘᬶᬗᬄ᭞ᬚᭂᬚᭂᬮ᭄ᬚᬦ᭄ᬫᬦᬾᬫᬩᬮᬶᬄ᭞᭠ᬦᬾᬘ᭄ᬭᬶᬓ᭄ᬢᬸᬯ᭞ᬮᬸᬄᬫᬸᬯᬦᬶᬫᬩᬮᬶᬄ᭟ᬭᬵᬤᬾᬦ᭄ᬫᬦ᭄ᬢ᭄ᬭᬶᬤᬶᬧᬸᬭᬶᬫᬗ᭄ᬭᬗ᭄ᬲᬸᬓ᭄ᬧᬳ᭄ᬬᬲ᭄᭞ᬫ᭠
Kaca:Bali-lontar-gaguritan-prabu-aji-dharma-350ppi.pdf/77
Kaca puniki sampun kauji-wacén
