[᭗᭐ 70B]
᭗᭐
ᬧ᭄ᬭᬫᬶᬰ᭄ᬯᬭᬷ᭞ᬮᬾᬤᬂᬢᬸᬫᬸᬲ᭄᭞ᬗᬵᬓ᭄ᬱᬶᬧᬸᬢ᭄ᬭᬦᬾᬫᬢᬶᬃᬣ᭟ᬧᬜ᭄ᬚᬂᬬᬦ᭄ᬧ᭄ᬭᬤᬾᬘ᭠ᬭᬶᬢᬬᬂ᭞ᬲᬂᬧ᭄ᬭᬪᬸᬮᬦ᭄ᬭᬵᬤᬾᬦ᭄ᬤᬾᬯᬷ᭞ᬯᬸᬲ᭄ᬫᬧᬫᬶᬢ᭄ᬭᬶᬂᬲᬗ᭄ᬓᬢᭀᬂ᭞ᬓᬮᬶᬄᬭᬶᬂᬰ᭄ᬭᬷᬧ᭄ᬭᬫᬶᬰ᭄ᬯᬭᬷ᭞ᬓ
ᬮᬸᬕᬺᬫᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬫᬃᬫᬃᬕ᭄ᬕᬲᬋᬂᬢᬢ᭄ᬮᬸ᭞ᬓᬾᬦ᭄ᬫᬤ᭄ᬭᬶᬫᬗᬶᬭᬶᬗᬂ᭞ᬢᬜ᭄ᬘᬭᬶᬢᬧ᭠ᬫᬃᬡ᭄ᬦᬦᬦᬶᬂ᭞ᬯᭀᬂᬭᬶᬂᬳ᭄ᬦᬸ᭞ᬩᬵᬲ᭄ᬮᬦ᭄ᬢᬂᬳᬧᬸᬲ᭄ᬳᬸᬘᬧᬂ᭟ᬧᬫᬃᬕ᭄ᬕᬶᬦᬾᬫᬮᭀᬦ᭄ᬮᭀᬦᬦ᭄᭞ᬳᬶᬫᬤ᭄ᬭᬶ
ᬤᬶᬧᬸᬗ᭄ᬓᬸᬃᬫᬗᬶᬭᬶᬂ᭞ᬤᬤᬶᬳᬤᬓ᭄ᬦᭂᬄᬭᬕᬦ᭄᭞ᬫᬗᬯᬲ᭄ᬭᬳᬤᬾᬦ᭄ᬤᬾᬯᬷ᭞ᬤᬶᬓ᭄ᬦᭂᬳᬾ᭠ᬫᬫᬸᬜᬶ᭞ᬦᬾᬚᬭᬵᬚᬧᬸᬢ᭄ᬭᬷᬳᬬᬸ᭞ᬭᬢᬶᬄᬳᬜᬮᬦ᭄ᬢᬭ᭞ᬩᬵᬦ᭄ᬚ᭄ᬕᬾᬕᬾᬮᬶᬯᬢ᭄ᬩᬗ᭄ᬓᬶᬢ᭄᭞
ᬬᬾᬦᬾᬩᬜ᭞ᬚᬦᬶᬫᬳᬦ᭄ᬗᬗ᭄ᬕᭀᬲᭀᬄ᭟ᬲ᭄ᬟᭂᬂᬳᬗ᭄ᬕᭀᬦ᭄ᬧᬤ᭄ᬫᬶᬧᬶᬲᬦ᭄᭞ᬜᬦ᭄ᬤᬂᬳ᭄ᬢᭀᬳᬶᬦ᭄ᬫᬩᬮᬶᬓ᭄᭞ᬭᬶᬂᬲᬂᬧ᭄ᬭᬪᬸᬳᬚᬶᬥᬃᬫ᭄ᬫ᭞ᬩᬦ᭄ᬧᬮᬶᬂᬓ᭄ᬦᭂᬳᬾᬗ᭄ᬭᬶᬫᬶᬓ᭄᭞ᬕᬦ᭄ᬢᬶ᭠
[᭗᭑ 71A]
ᬚ᭄ᬮᬾᬢ᭄ᬧᬸᬓᬶᬦ᭄᭞ᬫᬗᬤᬶᬂᬩ᭄ᬮᭀᬕᬾᬫᬸᬧᬸᬢ᭄᭞ᬗᬋᬗ᭄ᬕᭂᬂᬩᬶᬮᬂᬚᬮᬦ᭄᭞ᬦᬾᬢᬾ᭠ᬳᬧᬦᬾᬚᬢᭀᬮᬶᬄ᭞ᬓᬾᬦ᭄ᬲᬂᬧ᭄ᬭᬪᬸ᭞ᬩᬵᬲ᭄ᬢ᭄ᬯᬭᬧᬶᬲᬦ᭄ᬫᬘᬶᬗᬓ᭄᭟ᬧᬶᬦᬄᬮᬮᬶᬦ᭄ᬤ᭄ᬭᬸᬯᬾᬦᬂ᭞
ᬭᬩᬶᬚ᭄ᬕᬾᬕ᭄ᬚᭂᬕᬾᬕ᭄ᬲᬫᬶ᭞ᬢᭀᬂᬳᬤᬓᬳ᭄ᬬᬸᬦ᭄ᬦᬶᬩᬓᬂ᭞ᬭᬶᬂᬳᬶᬫᬤ᭄ᬭᬶᬗᬦ᭄ᬳᬲᬶᬓᬶ᭞ᬳᬧᬕᬯᬾᬦᬾᬪᬓ᭄ᬢᬶ᭞ᬗ᭄ᬭᬭᬕᬗᬾᬦᬓᬶᬦ᭄ᬓᬳ᭄ᬬᬸᬦ᭄᭞ᬚᬦᬶᬧᬶᬲ᭄ᬤᬬᬦᬂ᭞ᬧᭂᬗᭀᬓ᭄ᬳᬶᬤᬵᬗᬦ᭄ᬳᬓᬶ᭠
ᬓᬶᬓ᭄᭞ᬤᬶᬢᬸᬭᬸᬲᬓ᭄᭞ᬭᬩᬶᬦ᭄ᬳᬶᬤᬮᬯᬸᬢ᭄ᬚᬸᬯᬂ᭟ᬓᬾᬦ᭄ᬓᬾᬦ᭄ᬢᭀᬍᬕᬦᬾᬗᬚᬓ᭄᭞ᬦᬶᬓᬶᬤᬶᬓᬲᬸᬭᬾᬕᭂᬫ᭄ᬩᬶ᭞ᬫᬳᬸᬩᭂᬢ᭄ᬓᭀᬭᬶᬤᬶᬕ᭄ᬟᭀᬂ᭞ᬢ᭄ᬮᬕᬦᬾᬢ᭄ᬯᬭᬫᬢᬶᬢᬶ᭞ᬤᬫᬃᬧᬥ
ᬳ᭄ᬜᬶᬢᬶᬦ᭄᭞ᬦᬶᬢᬸᬯᬗᬬᬳᬶᬦ᭄ᬤᬶᬢᬸ᭞ᬮᬯᬸᬢ᭄ᬲᬮᬶᬦᬶᬦ᭄ᬕᭀᬩ᭞ᬯᬃᬡ᭄ᬦᬦ᭄ᬲᬂᬧ᭄ᬭᬪᬸᬧᬢᬸ᭠ᬳᬶᬦ᭄᭞ᬚᬦ᭄ᬢᭂᬳᬲᬸᬂ᭞ᬲᬂᬧ᭄ᬭᬪᬸᬭᬶᬂᬓᬺᬢ᭄ᬢᬧᬸᬭ᭟ᬳᬫ᭄ᬩᬸᬮ᭄ᬫᬩᬸᬜ᭄ᬘᬶᬂᬤᬶᬰ᭄ᬯᬃᬕ᭄ᬕᬦ᭄᭞ᬲᬯᬸᬧ᭄ᬲᬗ᭄ᬓᭀ᭠
Kaca:Bali-lontar-gaguritan-prabu-aji-dharma-350ppi.pdf/71
Kaca puniki sampun kauji-wacén
