[᭖᭙ 69B]
᭖᭙
᭞ᬩᬸᬓᬫᬥᬸᬦᬾᬳᬧᬲᬶᬄ᭞ᬫᬩ᭄ᬬᬲ᭄ᬳᬶᬦ᭄ᬢᭂᬦ᭄ᬫᬡ᭄ᬦᬶᬓ᭄᭞ᬫᬳᭀᬫ᭄ᬩᬓᬦ᭄ᬓᬶᬮᬂᬫᬥᬸ᭞ᬩᬵᬬᬤᬫᬗ᭄ᬓᬶᬦ᭄ᬤᬾᬯ᭞ᬲᬓᬶᬂᬲ᭄ᬯᬾᬢᬶᬢ᭄ᬬᬂᬧᬮᬶᬂ᭞ᬲᬓᬶᬂᬩᬳᬸ᭞ᬗ᭄ᬢᭀᬦ᭄ᬧᭀᬢ᭄ᬭᬾᬢᬾᬭᬶᬂᬢ᭠
ᬫᬦ᭄᭟ᬭᬵᬤᬾᬦ᭄ᬕᬮᬸᬄᬢᬦ᭄ᬧᬲ᭄ᬯᬭ᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬢ᭄ᬗᬄᬯ᭄ᬗᬶ᭞ᬲᬳᬶᬂᬲᬶᬜ᭄ᬚᬂᬯᬸᬲ᭄ᬢᬶᬦᬶᬦ᭄ᬤᬶᬳᬦ᭄᭞ᬓᬭᬓᭂᬢ᭄ᬦᬸᬮᬶᬓᬧᬢᬶ᭞ᬓᬕ᭄ᬬᬢ᭄ᬲᬂᬧ᭄ᬭᬪᬸᬗᬵᬓ᭄ᬱᬶ᭞ᬗ᭄ᬮᬸᬯᬭᬶᬭᬭᬶᬲ᭄ᬦᬫ᭄ᬩᬸᬢ᭄᭞
ᬫᬗᬲᬶᬳᬶᬦ᭄ᬫᬗᬭᬲ᭄᭞ᬭᬳᬤᬾᬦ᭄ᬕᬮᬸᬄᬳᬗ᭄ᬮᬶᬮᬶᬃ᭞ᬗᬫ᭄ᬩᬶᬮ᭄ᬓᬸᬭᬕ᭄᭞ᬢᬦ᭄ᬲᬄᬳᬫ᭄ᬘᬶᬓᬂᬲᬶᬜ᭄ᬚᬂ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬫᬵᬲ᭄ᬫᬶᬭᬄᬦᬸᬦᬲ᭄ᬫᬢᬗᬶ᭞ᬫᬲᬶᬭᬫ᭄ᬭᬢᬸᬓᬍᬲᭀᬦ᭄᭞
ᬲᬵᬫ᭄ᬧᬸᬦ᭄ᬫᬳᭂᬫ᭄ᬩᬦ᭄ᬳᬸᬫᬶᬚᬶᬮᬮ᭄᭞ᬳᬕ᭄ᬮᬶᬲ᭄ᬭᬯᬸᬄᬭᬶᬂᬩᬾᬚᬶ᭞ᬫᬲᬶᬭᬫ᭄ᬳᬚᬳᬦ᭄ᬲᬸᬯᬸᬤ᭄᭞ᬲᬵᬫ᭄ᬧᬸᬦ᭄ᬫᬲᬮᬶᬦ᭄ᬯᬵᬲ᭄ᬢ᭄ᬭ᭞ᬲᬂᬧ᭄ᬭᬪᬸᬭᬭᬶᬲ᭄ᬜᬸᬭᬶᬦᬶᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬮᬶᬄᬫᬸᬗ᭄ᬕᬄ
[᭗᭐ 70A]
ᬓᬧᬫᬺᬫᬦ᭄᭟ᬲᬂᬧ᭄ᬭᬪᬸᬗᬩᬶᬦ᭄ᬫᬗᬭᬲ᭄᭞ᬫᬵᬲ᭄ᬫᬶᬭᬄᬧᬸᬦᬶᬓᬶᬢᬫ᭄ᬧᬶ᭞ᬲ᭄ᬧᬸᬄᬉᬱᬤ᭄ᬟᬓᬍᬲᭀᬦ᭄᭞ᬯᬸᬲ᭄ᬢᬶᬦᬭᬶᬫᬳᬾᬂᬮᬝᬶ᭞ᬓᬧᬺᬫᬂᬭᬵᬤᬾᬦ᭄ᬤᬾᬯᬷ᭞ᬲᬶᬋᬫ᭄ᬲᬂᬧ᭄ᬭᬪᬸᬫᬗᬸᬭᬸᬢ᭄
ᬫᬕᭂᬦ᭄ᬤᬶᬂᬫᬜᬗ᭄ᬭᬶᬫᬂ᭞ᬲ᭄ᬯᬭᬦᬾᬳᬮᬸᬲ᭄ᬫᬦᬶᬲ᭄᭞ᬍᬍᬄᬚᬸᬃ᭞ᬯᭀᬂᬚ᭄ᬭᭀᬧᬸᬭᬶᬦᬾᬦᬶᬗᭂᬳᬂ᭟ᬯᬾᬦ᭄ᬢᭂᬦ᭄ᬫᬮᬶᬄᬢᬶᬕᬂᬤᬶᬦ᭞ᬲᬂᬧ᭄ᬭᬪᬸᬭᬶᬂᬓᬺᬢ᭄ᬢᬧᬸᬭᬶ᭞ᬦ᭄ᬤᬸᬦᬂᬫᬦ᭄ᬢ᭄ᬭᬶᬫᬭᬸᬫᬂ᭞ᬦᬩ᭄ᬤᬩᬂᬩ᭠
ᬦ᭄ᬢᭂᬦ᭄ᬧᬩᬸᬜ᭄ᬘᬶᬂ᭞ᬫᬶᬯᬄᬲᬲᬬᬸᬢ᭄ᬲᬫᬶ᭞ᬳᬳᬦ᭄ᬲᬕᬾᬢᬦ᭄ᬧᬸᬧᬸᬢ᭄᭞ᬭᬶᬂᬧᬫ᭄ᬭᬚᬦ᭄ᬫᬕ᭄ᬮᬃ᭞ᬧ᭄ᬭᬡ᭄ᬟᬲᬵᬫ᭄ᬧᬸᬦ᭄ᬗ᭄ᬯᬾᬤ᭄ᬟᬳᬶᬦ᭄᭞ᬓᬢᬄᬢ᭄ᬥᬦ᭄᭞ᬚᬦ᭄ᬫᬦᬾᬭᬶᬂᬓᬺᬢ᭄ᬢᬧᬸᬭ᭟ᬳᬶᬤᬧ᭄ᬭᬪᬸᬳᬚᬶᬥᬃ
ᬫ᭄ᬫ᭞ᬯᬸᬲ᭄ᬳᬳ᭄ᬬᬲ᭄ᬮᬦ᭄ᬭᬵᬤᬾᬦ᭄ᬤᬾᬯᬷ᭞ᬲᬫᬶᬩᬸᬗᬳᬾᬓᬮᬶᬦ᭄ᬢᬂ᭞ᬲᬵᬫ᭄ᬧᬸᬦ᭄ᬭᬶᬂᬫ᭄ᬭᬚᬦ᭄ᬫᬮᬶᬗ᭄ᬕᬶᬄ᭞ᬧ᭄ᬭᬡ᭄ᬟᬗᬯᬾᬤ᭄ᬟᬳᬶᬦ᭄᭞ᬓᬮᬶᬄᬲᬵᬫ᭄ᬧᬸᬦ᭄ᬓᬵᬲ᭄ᬢᬸᬧᬸᬗ᭄ᬓᬸ᭞ᬲᬂᬧ᭄ᬭᬪᬸᬓᬺᬢ᭄ᬢᬧᬸᬭ᭞ᬫᬶᬯᬄᬳᬶᬤ
Kaca:Bali-lontar-gaguritan-prabu-aji-dharma-350ppi.pdf/70
Kaca puniki sampun kauji-wacén
