Kaca:Bali-lontar-gaguritan-prabu-aji-dharma-350ppi.pdf/51

[᭕᭐ 50B]
᭕᭐
ᬫᬫᬦᬄᬭᬶᬂᬓᬯᬶᬪᬵᬯᬦ᭄᭞ᬫᬓᬤᬶᬗ᭄ᬮᬗ᭄ᬓᬸᬗᬶᬦ᭄᭞ᬳ᭄ᬬᬸᬜ᭄ᬘᭀᬓᭀᬃᬳᬶᬤᬾᬯ᭞ᬫᬦᬄᬢᬶᬢ᭄ᬬᬂᬜᬦ᭄ᬢᭂᬦᬂᬫᬗ᭄ᬤᬾᬦᬾᬲᬶᬤ᭄ᬟᬓᬧᬗ᭄ᬕᬶᬄ᭞ᬚᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬳᬶᬭᬢᬸᬓᬤᬶᬫᬗ᭄ᬓᬶᬦ᭄᭟
ᬧ᭄ᬭᬪᬸᬳᬚᬶᬥᬃᬫ᭄ᬫᬯᬯᬸᬫᬶᬋᬗᬂ᭞ᬳᬢᬹᬭᬾᬧᬢᬶᬄᬫᬤ᭄ᬭᬶ᭞ᬓᬾᬦᬓᬾᬓᬮᬶᬦ᭄ᬢᬂ᭞᭠ᬭᬭᬶᬲ᭄ᬳᬶᬤᬜᬫ᭄ᬧᬹᬃᬡ᭄ᬦ᭞ᬳᬶᬘᬮ᭄ᬳᬧᬶᬦᬾᬳᬕᬸᬫᬶ᭞ᬲᬂᬳᬶᬥᬃᬫ᭄ᬫ᭞ᬫ᭄ᬮᬶᬗ᭄ᬕᬶᬄᬫᬵᬚᭂᬂᬫᬤ᭄ᬭᬶ᭟ᬧ᭠
ᬢᬶᬄᬫᬤ᭄ᬭᬶᬓ᭄ᬤᬾᬓ᭄ᬫᬗ᭄ᬓᬶᬦ᭄ᬢᬶᬢ᭄ᬬᬂᬍᬕ᭞ᬳᬶᬭᬢᬸᬯᬸᬲ᭄ᬓᬧᬗ᭄ᬕᬶᬄ᭞ᬢᬶᬢ᭄ᬬᬂᬫᬗᬢᬹᬭᬂ᭞ᬭᬶᬂᬧ᭄ᬭᬪᬸᬪᭀᬚᬧᬸᬭ᭞ᬳᬦ᭄ᬢᬸᬓ᭄ᬤᬾᬯᬶᬘᬓᬺᬯᬢᬶ᭞ᬖᬃᬩ᭄ᬪᬶᬡᬶᬳᬶᬤ᭞ᬘᭀᬓᭀᬃᬳᬶᬤᬾᬯᬗᬫ᭄ᬩᬶ
ᬮ᭄᭟ᬧ᭄ᬭᬪᬸᬳᬚᬶᬥᬃᬫ᭄ᬫᬫᬲᬯᬸᬃᬫᬦᬶᬫ᭄ᬩᬮ᭄᭞ᬫᬲᬶᬄᬭᬭᬶᬗᬧᬢᬶᬄ᭞ᬢᬶᬗ᭄ᬓᬳᬾᬗᬵᬢᬹᬭᬂ᭞ᬲᬂᬧ᭄ᬭᬪᬸᬲ᭄ᬟᭂᬂᬤᬄᬓ᭞ᬳᬾᬯᭂᬄᬳᬶᬧᬢᬶᬗ᭄ᬭᬱᬦᬶᬦ᭄᭞ᬳᬶᬧᬢᬶᬄᬦᬶᬫ᭄ᬩᬮ᭄᭞ᬭᬱᬭ
[᭕᭑ 51A]
ᬳᬬᬸᬫᬗ᭄ᬓᬶᬦ᭄᭟ᬧ᭄ᬭᬤᬾᬮᬘᬸᬃᬳᬶᬯᬂᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬃᬡ᭄ᬦ᭞ᬤᬸᬓᬲᬂᬧ᭄ᬭᬪᬸᬗ᭄ᬭᬭᬶᬲ᭄᭞ᬫᬓᬳ᭄ᬬᬸᬦ᭄ᬗ᭄ᬭᬸᬲᬓ᭄᭞ᬳᬗ᭄ᬕᬜ᭄ᬘᭀᬓᭀᬃᬳᬶᬤᬾᬯ᭞ᬢᬶᬢ᭄ᬬᬂᬫᬗᬫᬸᬓ᭄ᬭᬶᬂᬧᬸᬭᬶ᭞ᬢᬶᬢ᭄ᬬᬂ᭠
ᬦ᭄ᬮᬲᬂ᭞ᬦᬸᬜ᭄ᬚᭂᬮ᭄ᬧᬸᬭᬶᬦᬾᬲᬫᬶ᭟ᬮᬫᬸᬦ᭄ᬓᬾᬢᭀᬧᬢᬶᬄᬳᬾᬗ᭄ᬕᬮᬂᬳᬢᬹᬭᬂ᭞ᬫᬗ᭄ᬤᬾᬲᬂᬧ᭄ᬭᬪᬸᬳᬸᬦᬶᬂ᭞ᬳᬶᬫᬤ᭄ᬭᬶᬫᬚᬮᬦ᭄᭞ᬓᬧᬲᬭᬾᬦ᭄ᬗᭂᬮᬲ᭄ᬢᬲ᭄᭞ᬤᬧ᭄ᬢᬂᬲᬂᬧ᭄ᬭᬪᬸᬫᬮᬶ᭠
ᬗ᭄ᬕᬶᬄ᭞ᬧᬓᬓᬮᬶᬳᬦ᭄᭞ᬳ᭄ᬩᭂᬓ᭄ᬚᬦ᭄ᬫᬦᬾᬦᬗ᭄ᬓᬶᬮ᭄᭟ᬧ᭄ᬭᬪᬸᬪᭀᬚᬓᬭᬶᬦᬦᭂᬂᬧᬶᬲᬦ᭄᭞ᬬᬾᬦ᭄ᬢ᭄ᬯᬭᬲᬶᬤ᭄ᬟᬚᬦᬶ᭞ᬩᬳᬦ᭄ᬗᬭᬸᬭᬸᬳᬂ᭞ᬚᬦ᭄ᬫᬦᬾᬳᬦᬾᬘᭀᬭᬄ᭞ᬦᬦᬓ᭄ᬕᬮᬸᬄ
ᬧᬤᬶᬤᬶᬳᬶ᭞ᬢ᭄ᬓᬳᭂᬦ᭄ᬢᬸᬗᬂ᭞ᬤᬶᬧᬲᬶᬳᬾᬧ᭄ᬮᬦ᭄ᬢᬶᬗᬶᬦ᭄᭟ᬲᬭᬯᬸᬳᬾᬳᬶᬫᬤ᭄ᬭᬶᬲᬂᬧ᭄ᬭᬪᬸᬜᬧ᭞ᬓᬾᬦ᭄ᬓᬾᬦ᭄ᬚᬧᬢᬶᬄᬫᬤ᭄ᬭᬶ᭞ᬳᬤᬲᬲᬶᬦᬳᬦ᭄᭞ᬳᬗᭀᬩ᭄ᬳᬾᬗ᭄ᬕᬮᬦᬶᬭ᭞ᬢ᭄ᬓᬾ᭠