[᭔᭙ 49B]
᭔᭙
ᬯᬦᬦ᭄ᬳᬶᬩᬫᬢᬗᬄ᭞ᬧᬘᬂᬫᬗ᭄ᬮᬯᬦ᭄ᬓᬳᬶ᭞ᬳᬸᬮᬶᬂᬕ᭄ᬢᬶᬄᬳᬶᬩ᭞ᬫᬸᬮᬳᬶᬩᬩ᭄ᬢᬾᬦᬦ᭄᭞ᬚᬦᬶᬦᬕᬶᬄᬦ᭄ᬤᬶᬤᬸᬳᬸᬭᬶᬦ᭄᭞ᬳ᭄ᬦᬾᬢᬳᬦᬂ᭞ᬓᬳᬶᬗᬯᬍᬲ᭄ᬚᬦᬶ᭟ᬭᬭᬶᬲ᭄ᬳᬶᬤᬲᬂᬧ᭄ᬭᬪᬸᬫ᭄ᬦᭂᬂ
ᬗᬍᬓᬲ᭄᭞ᬫᬫᬸᬱ᭄ᬝᬶᬗᬾᬓᬳᬢᬶ᭞ᬳᬖ᭄ᬦᬶᬲᬪᬹᬯᬡ᭞ᬓᬋᬕᭂᬧ᭄ᬓᬍᬓᬲᬂ᭞ᬲᬺᬕᭂᬧ᭄ᬳᬸᬢ᭄ᬧᬢᬶᬲ᭄ᬢᬶᬢᬶ᭞ᬢ᭄ᬓᬾᬂᬧ᭄ᬭᬮᬶ᭞ᬲᬶᬤ᭄ᬟᬫᬯ᭄ᬢᬸᬳᬖ᭄ᬦᬶ᭟ᬓᬚᬓ᭄ᬮᭀᬤ᭄ᬓᬗᬶᬦ᭄ᬓᬯᬸᬄᬓᬧᬜ᭄ᬚᬶᬭᬂ᭞
ᬫ᭄ᬦᬾᬓ᭄ᬗᭂᬩᭂᬓᬶᬦ᭄ᬮᬗᬶᬢ᭄᭞ᬢ᭄ᬯᬭᬳᬤᬳᭂᬫ᭄ᬩᬂ᭞ᬳᬧᬶᬗ᭄ᬩᭂᬓᬶᬜ᭄ᬚᬕᬢ᭄᭞ᬲᬳᬖᭀᬭᬲ᭄ᬯᬭᬳᬜ᭄ᬚ᭄ᬭᬶᬢ᭄᭞ᬦᬾᬚᬦᬶᬫᬢᬶ᭞ᬳᬶᬩᬳᬶᬧᬢᬶᬄᬫᬤ᭄ᬭᬶ᭟ᬲᭀᬭᭀᬄᬚᬦᬦᬾᬲᬫᬶᬳᬦᬾᬂ᭠
ᬦᬵᬕᬭ᭞ᬗ᭄ᬭᬭᬶᬲ᭄ᬓᬚ᭄ᬭᭀᬧᬸᬭᬶ᭞ᬫᬭᬱᬫᬜᬄᬜᬄ᭞ᬧᬥᬗᬦᬤᬾᬦ᭄ᬧ᭄ᬭᬮᬬ᭞ᬲᬂᬧ᭄ᬭᬪᬸᬳᭀᬧᭂᬓ᭄ᬭᬶᬂᬧᬸᬭᬶ᭞ᬧᬦ᭄ᬲᬵᬫ᭄ᬧᬸᬦ᭄ᬯᬶᬓᬦ᭄᭞ᬍᬓᬲ᭄ᬳᬶᬧᬢᬶᬄᬫᬤ᭄ᬭᬶ᭟ᬕᬭᬸᬥᬦᬾᬕᬮᬸᬢ᭄ᬯᬭ
[᭕᭐ 50A]
ᬫ᭄ᬩᬳᬦ᭄ᬳᬫ᭄ᬩᬄ᭞ᬓ᭄ᬩᬸᬲᬾᬢ᭄ᬲᬶᬦᬶᬧᬶ᭞ᬲᬾᬧᬦ᭄ᬩᬶᬦ᭄ᬳᬓ᭄ᬚᭂᬧ᭄᭞ᬫᬦᬸᬦᬲ᭄ᬲᬶᬦᬵᬫ᭄ᬧᬸᬭ᭞ᬤᬤᬶᬳᬯᭀᬦ᭄ᬧ᭄ᬭᬚᬦᬶ᭞ᬫᬗ᭄ᬭᬱᬓᬮᬄ᭞ᬩ᭄ᬯᬶᬦ᭄ᬯᬮᬸᬬᬳᬶᬫᬤ᭄ᬭᬶ᭟ᬮᬯᬸᬢ᭄ᬜᬸᬫ᭄ᬩᬄᬭᬢᬸᬪᬝᬭᬳᬚᬶ᭠
ᬥᬃᬫ᭄ᬫ᭞ᬢᬶᬢ᭄ᬬᬂᬫᬦᬸᬦᬲ᭄ᬳᬸᬭᬶᬧ᭄᭞ᬕᭃᬂᬋᬡᬗᬵᬫ᭄ᬧᬸᬭ᭞ᬭᬢᬸᬫᬜ᭄ᬚᬓᬂᬢᬶᬢ᭄ᬬᬂ᭞ᬢᬶᬢ᭄ᬬᬂᬓᬮᬶᬦ᭄ᬢᬗᬶᬂᬪᬓ᭄ᬢᬶ᭞ᬳᬯᬶᬦᬦ᭄ᬢᬶᬢ᭄ᬬᬂ᭞ᬗ᭄ᬭᬭᬶᬲ᭄ᬭᬯᬸᬄᬫᬭᬶᬓᬶ᭟ᬲᬵᬫ᭄ᬧᬸᬦ᭄ᬧᬶᬢᬸᬂᬰᬰᬶᬄᬢᬶᬢ᭄ᬬᬂ
ᬫᬲᬸᬲᬸᬧᬦ᭄᭞ᬭᬶᬂᬕᬸᬦᬸᬂᬭᬶᬂᬧᬲᬶᬲᬶ᭞ᬭᬶᬂᬯᬦᬦᬵᬕᬭ᭞ᬫᬗ᭄ᬭᬭᬶᬲ᭄ᬭᬶᬂᬫᬮᬬ᭞ᬢᬶᬢ᭄ᬬᬂᬫᬗ᭄ᬕᬶᬳᬾᬦᬓ᭄ᬳᬶᬲ᭄ᬢ᭄ᬭᬶ᭞ᬳᬬᬸᬢᬢᬶᬕ᭞ᬓᭀᬘᬧ᭄ᬳᬶᬭᬢᬸᬗᬫ᭄ᬩᬶᬮ᭄᭟ᬧᬜ᭄ᬚᬓ᭄ᬤ᭄ᬭᬸᬯᬾᬦᬾᬳᬶᬳᭀ
ᬦ᭄ᬢᬾᬫᬵᬚᬭᬶᬦ᭄ᬢᬶᬢ᭄ᬬᬂ᭞ᬲᬢᬶᬫ᭄ᬧᬮ᭄ᬳᬶᬧᬸᬦ᭄ᬲᬫᬶ᭞ᬳᬶᬭᬶᬓᬫᬕ᭄ᬦᬄ᭞ᬗᬦ᭄ᬢᭀᬲ᭄ᬘᭀᬓᭀᬃᬳᬶᬤᬾᬯ᭞ᬫᬗ᭄ᬭᬭᬶᬲ᭄ᬢᬶᬢ᭄ᬬᬂᬫᬫᬃᬕ᭄ᬕᬶ᭞ᬧᬫᬸᬧᬸᬢ᭄ᬢᬶᬢ᭄ᬬᬂ᭞ᬫᬗ᭄ᬕᬶᬳᬶᬦ᭄ᬲᬧᬸᬦᬶᬓᬶ᭟ᬩᭀᬬᬢᬶᬢ᭄ᬬᬂ᭠
Kaca:Bali-lontar-gaguritan-prabu-aji-dharma-350ppi.pdf/50
Kaca puniki sampun kauji-wacén
