[᭔᭓ 43 B]
᭔᭓
ᬓᬶᬧᬢᬶᬄᬳᬮᭀᬦ᭄ᬳᬗᬸᬘᬧ᭄᭞ᬳᬶᬗ᭄ᬲᬸᬦᬶᬓᬶᬯᬶᬭᬢ᭄ᬚᬬᬵᬓᬂᬦᬫᬶ᭞ᬧᬫᬤᬾᬦᬾᬲᬂᬧ᭄ᬭᬪᬸ᭞ᬪᭀᬫᬵᬕ᭄ᬦᬶᬩᬶᬱᬾᬓᬵ᭞ᬧᬫᬸᬢ᭄ᬭᬦ᭄ᬳᬶᬂᬧᬃᬯ᭄ᬯᬵᬤᬡ᭄ᬝᬲᬂᬧ᭄ᬭᬪᬸ᭞ᬕᬗ᭄ᬕᬵᬲ᭄ᬫᬭᬵ
ᬩ᭄ᬭᬸᬡᬵᬲ᭄ᬫᬭᬵ᭞ᬳᬰ᭄ᬭᬸᬄᬤᬾᬦᬶᬭᬵᬦᬳᬸᬭᬶᬦ᭄᭟ᬬᬦ᭄ᬫᬗ᭄ᬓᬦᬵᬯᬶᬭᬢ᭄ᬚᬬᬵ᭞ᬧᬬᬸᬫᬗ᭄ᬓᬾ ᬓᬶᬢᬵᬮᬦᬶᬗ᭄ᬲᬸᬜ᭄ᬚᬸᬭᬶᬢ᭄᭞ᬓᬶᬧᬢᬶᬄᬳᬮᭀᬦ᭄ᬲᬸᬫᬯᬸᬃ᭞ᬳᬚᬵᬫᬗ᭄ᬓᬵᬦᬢ᭄ᬯᬦ᭄
᭞ᬤᬾᬦ᭄ᬢᬸᬫᬸᬮᬸᬲ᭄ᬱᬶᬄᬳᬶᬭᬵᬫ᭄ᬭᬶᬂᬳᬯᬓ᭄ᬳᬶᬗ᭄ᬲᬸᬦ᭄᭞ᬓᬓᬂᬳᬶᬓᬶᬮᬶᬦ᭄ᬢᬂᬳᬾᬤᬦ᭄᭞ᬫᬭᬶᬂᬲᬶᬭᬵᬳᬶᬓᬶᬓᬮᬶᬄ᭟ᬬᬬᬶᬫᬓᬵᬳᬶᬗ᭄ᬲᬸᬦ᭄ᬲᬦᬓ᭄᭞ᬕᬗ᭄ᬕᬵᬲ᭄ᬫᬭᬵᬩ᭄ᬭᬸᬦᬵᬲ᭄ᬫᬭᬵᬲ᭄ᬫᬸᬭᬸ
ᬦ᭄ᬢᬶᬓ᭄ᬦ᭄ᬤᬢᬦ᭄ᬲᬸᬓᬵᬳᬯᬓ᭄ᬳᬶᬗ᭄ᬲᬸᬦ᭄᭞ᬩᬮᬶᬓ᭄ᬢᬵᬧᬬᬸᬳᬧ᭄ᬭᬂ᭞ᬲᬶᬭᬧᬢᬶᬄᬳᬰ᭄ᬭᬸᬄᬤᬾᬦᬶᬭᬲᬸᬫᬳᬸᬃ᭞ᬓᬮᬶᬗᬦᬾᬲᬶᬭᬯᬦ᭄ᬬ᭞ᬮᬄᬳᬶᬓᬶᬲᬸᬤᬸᬓᭂᬦ᭄ᬓᬫᬶ᭟ᬕᬗ᭄ᬕᬵᬲ᭄ᬫᬭᬵ
[᭔᭔ 44 A]
ᬩ᭄ᬭᬸᬡ᭄ᬦᬵᬲ᭄ᬫᬭᬵ᭞ᬳᬰ᭄ᬭᬸᬄᬦ᭄ᬭᬚᬂᬲᬶᬦᭂᬫ᭄ᬧᬮ᭄ᬭᬓ᭄ᬭ᭄ᬬᬦ᭄ᬧᬢᬶᬄ᭞ᬯᬶᬭᬢ᭄ᬚᬬᬵᬫᬍᬲ᭄ᬧᬸᬧᬸᬄ᭞ᬮᬶᬦ᭄ᬢᬂᬭᬫᬾᬦᬶᬂᬬᬸᬤᬵ᭞ᬲᬶᬭᬧᬢᬶᬄᬳᬕ᭄ᬮᬶᬲ᭄ᬳᬜᬦ᭄ᬤᬓᬵᬳᬶᬓᬸ᭞ᬕᬗ᭄ᬕᬵᬲ᭄ᬫᬭᬵᬩ᭄ᬭᬸᬡ᭄ᬦᬵ
ᬲ᭄ᬫᬵᬭ᭞ᬲ᭄ᬓᬭᭀᬦᬾᬯᬸᬲ᭄ᬘᬶᬦᬗ᭄ᬓᬶᬂ᭟ᬳᬦᬸᬮᬶᬄᬲᬶᬕ᭄ᬭᬵᬩᬶᬦ᭄ᬯᬂ᭞ᬕᭀᬮᬂᬕᬮᬾᬂᬲᬶᬭᬵᬳᬦᬾᬂᬯ᭄ᬬᬢᬶ᭞ᬦᭂᬗᬓ᭄ᬦᬵᬓᬂᬭᬸᬫᬸᬳᬸᬦ᭄᭞ᬳᬦᬫᬗ᭄ᬓᬾ ᬓᭀᬘᬧᬵ᭞ᬲᬂᬧᬡ᭄ᬥᬶᬢᬵᬢᬶᬃᬢ᭄ᬢᬵᬫᬸᬮ᭄ᬬ
ᬲ᭄ᬤᭂᬓ᭄ᬳᬮᬸᬗ᭄ᬕᬸᬄ᭞ᬢᬶᬦᬗ᭄ᬓᬶᬮ᭄ᬤᬾᬦᬶᬭᬭᬸᬲ᭄ᬢᬫ᭄᭞ᬫᬓᬵᬫᬶᬯᬄᬫᬺᬢ᭄ᬣᬵᬰᬰᬶᬄ᭛ᬲᬶᬦᭀᬫ᭄᭛ᬓᬸᬦᭂᬂᬫᬗ᭄ᬓᬾ ᬳᬶᬂᬦᬵᬕᬭ᭞ᬕᬗ᭄ᬕᬵᬲ᭄ᬫᬭᬵᬓᬲᭀᬃᬚᬸᬭᬶᬢ᭄᭞ᬫᬓᬵᬫᬶ
ᬯᬄᬩ᭄ᬭᬸᬡ᭄ᬦᬲ᭄ᬫᬭᬵ᭞ᬩᬶᬦ᭄ᬯᬂᬤᬾᬦᬶᬂᬓᬶᬧᬢᬶᬄ᭞ᬢᬶᬩᬵᬳᬶᬂᬯᬶᬱ᭄ᬫᬦᬾᬓᬶ᭞ᬳᬶᬂᬧᬗ᭄ᬓᭀᬦᬾᬲᬦᬓ᭄ᬳᬶᬧᬸᬦ᭄᭞ᬲᬂᬤᬾᬯᬶᬫᬺᬢᬵᬳᬸᬮᬦ᭄᭞ᬳᭂᬫ᭄ᬩᬲ᭄ᬩᭀᬩᭀᬢᬾᬲᬂ
Kaca:Bali-lontar-gaguritan-parwwa-danta-350ppi.pdf/44
Kaca puniki sampun kauji-wacén
