Kaca:Bali-lontar-gaguritan-parwwa-danta-350ppi.pdf/43

Saking Wikisource
Kaca puniki sampun kauji-wacén

[᭔᭒ 42 B]
᭔᭒
ᬦ᭄ᬳᬤᬵᬦᬾᬦᬵᬕ᭄ᬫᭂᬓᬄᬧᬢᬾᬦᭂᬦ᭄ᬲᬶᬭᬵᬯᭀᬂᬓᬧᬶᬃ᭞ᬕᬗ᭄ᬕᬵᬲ᭄ᬫᬭᬵᬳᬯᭀᬢ᭄ᬲᬦ᭄ᬢᬸᬦ᭄᭞ᬫᬶᬯᬄᬓᬶᬩ᭄ᬭᬸᬡᬵᬲ᭄ᬫᬭᬵ᭞ᬦ᭄ᬤᬦ᭄ᬭᬳᬤᬾᬦ᭄ᬲᬓᬭᭀᬦᬸᬮ᭄ᬬᬮᬸᬫᬓᬸ᭞ᬦ᭄ᬤᬭᬸᬂᬫᬗ᭄ᬓᬾᬢᬶ
ᬦ᭄ᬤᬓ᭄ᬦᬶᬭ᭞ᬮᬫᬶᬦᬾᬳᬦᬭᭀᬲᬰᬶᬄ᭟ᬫᬗ᭄ᬓᬾᬲᬫ᭄ᬧᬸᬦ᭄ᬲᬶᬭᬵᬧ᭄ᬭᬧ᭄ᬢᬵ᭞ᬳᬦᬾᬂᬳᬭᬩ᭄ᬭᬤᬾᬦ᭄ᬕᬗ᭄ᬕᬵᬲ᭄ᬫᬭᬾᬓᬶ᭞ᬫᬶᬯᬄᬩ᭄ᬭᬸᬡᬵᬲ᭄ᬫᬭᬾᬓᬸ᭞ᬦ᭄ᬤᬢᬦ᭄ᬧ᭄ᬕᬢ᭄ᬳᬲᬸᬭᬓ᭄᭞ᬪᭀ
ᬫᬵᬕ᭄ᬦᬶᬳᬮᭀᬦ᭄ᬤᬾᬦᬶᬭᬳᬫᬸᬯᬸᬲ᭄᭞ᬮᬄᬢᬵᬲᬶᬭᬵᬯᬶᬭᬢ᭄ᬚᬬᬵ᭞ᬲ᭄ᬯᬭᬦ᭄ᬲᬸᬭᬓ᭄ᬳᬶᬓᬸᬧ᭄ᬭᬧ᭄ᬢᬶ᭟ᬫᬦᬯᬵᬓᬤᬗᬾᬳᬫ᭄ᬲ᭄ᬬᬄ᭞ᬫᬗ᭄ᬓᬾᬧ᭄ᬭᬧ᭄ᬢᬵᬤᬯᭂᬕ᭄ᬱᬶᬭᬵᬳᬸ
ᬫᬶᬚᬶᬮ᭄᭞ᬯᬶᬭᬢ᭄ᬚᬬᬵᬳᬯᭀᬢ᭄ᬲᬦ᭄ᬢᬸᬦ᭄᭞ᬦᬸᬮᬶᬄᬲᬶᬭᬮᬸᬫᬫ᭄ᬧᬄ᭞ᬯᬸᬲ᭄ᬓᬢ᭄ᬫᬸᬓᬶᬧᬢᬶᬄᬫᬗ᭄ᬓᬾᬲᬶᬭᬾᬓᬸ᭞ᬫᬭᬶᬂᬭᬤᬾᬦ᭄ᬕᬗ᭄ᬕᬵᬲ᭄ᬫᬭᬵ᭞ᬫᬶᬯᬄᬩ᭄ᬭᬸᬡᬵᬲ᭄ᬫᬭᬾ
[᭔᭓ 43 A]
ᬓᬶ᭟ᬯᬶᬭᬢ᭄ᬚᬬᬵᬳᬰ᭄ᬭᬸᬄᬗᬸᬘᬧ᭄᭞ᬳᬾᬄᬯᭀᬗᬭᬩ᭄‌ᬲᬧᭀᬦᬫᬦᬾ ᬭᬾᬓᬶ᭞ᬯᬃᬡ᭄ᬦᬵᬦᬾᬓᬮᬶᬦ᭄ᬢᬂᬩᬕᬸᬲ᭄᭞ᬲᬸᬫᬯᬸᬃᬓᬂᬢᬶᬦᬦ᭄ᬬ᭞ᬳᬾᬄᬯᭀᬂᬓᬸᬧᬃᬤᬸᬤᬸᬯᭀᬂᬫ᭄ᬓᬄ
ᬓᬢᬾᬗ᭄ᬲᬸᬦ᭄᭞ᬳᬶᬗ᭄ᬲᬸᬦ᭄ᬲᬓᬶᬂᬧᬸᬮᭀᬲ᭄ᬓᬃ᭞ᬧᬸᬢ᭄ᬭᬦᬾᬳ᭄ᬬᬂᬫᬳᬵᬬᬢᬶ᭟ᬳᬶᬗ᭄ᬲᬸᬦᬶᬓᬶᬕᬗ᭄ᬕᬵᬲ᭄ᬫᬭᬵ᭞ᬫᬶᬯᬄᬳᬶᬓᬶᬩ᭄ᬭᬸᬡᬵᬲ᭄ᬫᬭᬵᬓᬂᬦᬫᬶ᭞ᬭᬸᬲ᭄ᬢᬫ᭄ᬧᬺᬦᬄᬳᬶᬧᬾᬦ᭄ᬳᬶᬗ᭄ᬲᬸᬦ᭄
ᬲᬶᬭᬧᬢᬶᬄᬳᬗᬸᬘᬧ᭄᭞ᬮᬄᬢᬵᬕᬗ᭄ᬕᬵᬲ᭄ᬫᬭᬵᬩ᭄ᬭᬸᬡ᭄ᬦᬵᬲ᭄ᬫᬭᬾᬓᬸ᭞ᬳᬧᬕᬯᬾᬦᬾᬢᬵᬲᬶᬭᬵ᭞ᬓᬭᬦᬾ ᬧ᭄ᬭᬧ᭄ᬢᬦᬾᬂᬭᬶᬓᬶ᭟ᬕᬗ᭄ᬕᬵᬲ᭄ᬫᬭᬵᬩ᭄ᬭᬸᬡ᭄ᬦᬵᬲ᭄ᬫᬭᬵ᭞ᬓᬭᬤᬾᬦᬵᬕ᭄ᬲᬸᬦ᭄ᬯᬸ
ᬰᬶᬗ᭄ᬲᬸᬦ᭄ᬧ᭄ᬭᬧ᭄ᬢᬶ᭞ᬲᬸᬫᬤ᭄ᬬᬲᬸᬦ᭄ᬗᬫᬾᬢ᭄ᬫᬸᬲᬸᬄ᭞ᬯᭂᬃᬢ᭄ᬣᬶᬦᬾᬋᬓᬾᬓᬸᬧᬃ᭞ᬳᬗ᭄ᬮᬸᬭᬸᬕᬵ᭞ᬲᬶᬭᬵᬲᬂᬧᬺᬯᬶᬭᬾᬂᬲᬢ᭄ᬭᬸ᭞ᬩᬮᬶᬓ᭄ᬱᬶᬭᬵᬲᬧᬳᬭᬦ᭄᭞ᬯᬭᬳᭂᬦ᭄ᬲᬸᬦ᭄ᬤᬾᬦ᭄ᬳᬕ᭄ᬮᬶᬲ᭄᭟