[᭓᭔ 34 B]
᭓᭔᭟
ᬭᬫᬸᬯᬸᬲ᭄᭞ᬭᬶᬂᬲᬂᬯᬦᬭᬷᬗᬸᬦᬶᬗᬂ᭟᭐᭟ᬳᬸᬥᬸᬄᬤᬾᬯᬲᬂᬯᬦᬭ᭄ᬬ᭞ᬩᭂᬮᬶᬚᬵᬢᬶᬢᬢᬲᬸᬦᬶᬂ᭞ᬳᬦᬦᬾᬲᬦᬾᬓᬲᬶᬓ᭄ᬱ᭞ᬲᬯᬶᬢ᭄ᬭᬦ᭄ᬩᭂᬮᬶᬦᬾ᭠
ᬗᬹᬦᬷ᭞ᬳᬚᬓ᭄ᬩᬋᬂᬬᬫᬫᬮᬶᬂ᭞ᬫᬫᬳᬓ᭄ᬓᬵᬮᬦᬶᬂᬤᬗᬸ᭞ᬳᬶᬧᬸᬦ᭄ᬢᭂᬕᬸᬄᬮᬶᬦ᭄ᬢᬂᬓᬸᬯᬢ᭄᭞ᬮᬭᬱᬦ᭄ᬓᬶᬫᬸᬤᬶᬗᬸᬫᬶ᭞ᬗᬸᬤᬧᬸᬭᬸᬦ᭄᭞ᬳᬦᬓᬾᬤᬶᬦᬶᬫᬜᬶᬓ᭄ᬱ᭟
᭐᭟ᬩᭂᬮᬶᬫᬳᬶᬥᭂᬧ᭄ᬫᬩᬾᬮ᭞ᬭᬾᬄᬩᭂᬮᬶᬢᬶᬦ᭄ᬤᬶᬄᬫᬓᬦ᭄ᬢᬶ᭞ᬲᬂᬧᬧᬓᬫᬦᬩ᭄ᬤᬩᬂ᭞ᬧᬘᬂᬫᬢᬸᬮᬸᬂᬭᬶᬂᬓᬦ᭄ᬢᬶ᭞ᬚᬕᬤᬯᭀᬂᬳᬕᬸᬂᬧ᭄ᬭᬧ᭄ᬢᬶ᭞ᬲᬂᬧᬧᬓᬲ
ᬩ᭄ᬮᬸᬓ᭄ᬭᬸᬦ᭄ᬢᬸᬄ᭞ᬓᬚᬫ᭄ᬩᬓ᭄ᬫᬶᬯᬄᬓᬘᬓ᭄ᬘᬮ᭄᭞ᬲᬂᬲᬸᬶᬂᬧᬧᬓᬕ᭄ᬮᬮᬂᬕ᭄ᬮᬶᬮᬶᬂ᭞ᬢᬸᬮᬸᬂᬢᬸᬮᬸᬂ᭞ᬲᬂᬯᬦᬭᬷᬧᬸᬦᬗᬸᬘᬧ᭄᭟᭐᭟ᬧᬸᬧᬸᬄᬕᬶᬦᬥ᭟᭐᭟ᬕᬶᬦᬥ᭟
[᭓᭕ 35 A]
ᬳᬫ᭄ᬧᬸᬭᬬᬂᬩᭂᬮᬶᬲᬂᬧᬧᬓ᭞ᬢᬦ᭄ᬲᬶᬤ᭄ᬥᬢᬶᬢ᭄ᬬᬂᬦᬸᬮᬸᬗᬶᬦ᭄᭞ᬲᬓᬵᬤᬶᬓᬦ᭄ᬢᬸᬦ᭄ᬤᬶᬚᬕᬢ᭄᭞ᬭᬾᬄᬤᬶᬦᬶᬫᬪᬷᬦᬢᬸᬳᬸ᭞ᬳᬦᬓ᭄ᬮᬶᬬᬦ᭄ᬢᬦ᭄ᬜᬶᬤ᭄ᬥᬬᬂ᭞
ᬫᬦᬸᬮᬸᬗᬶᬦ᭄᭞ᬧᬘᬂᬯᬾᬳᬂᬲᬦ᭄ᬢᭀᬱ᭟᭐᭟ᬬᬦ᭄ᬚᬵᬢᬶᬯᬦ᭄ᬢᬄᬜᬶᬤᬬᬂ᭞ᬢᬶᬢ᭄ᬬᬂᬲᬗ᭄ᬕᬸᬧ᭄ᬫᬦᬸᬮᬸᬗᬶᬦ᭄᭞ᬬᬤᬶᬦ᭄ᬩᭂᬮᬶᬢᬯᬂᬢᬶᬢ᭄ᬬᬂ᭞ᬫᬍ
ᬲ᭄ᬧᬶᬢᬺᬱ᭄ᬡᬢᬦ᭄ᬯ᭄ᬭᬸᬄ᭞ᬢᬦ᭄ᬓᬳᬦᬦᬭᬶᬫ᭄ᬩᬯ᭞ᬗᬮᬶᬄᬪᬸᬓ᭄ᬢᬶ᭞ᬢᬦ᭄ᬲᬬᬂᬭᬶᬂᬲᬯᬶᬢ᭄ᬭ᭟᭐᭟ᬩᭂᬮᬶᬫᬗ᭄ᬓᬶᬦ᭄ᬤᬶᬦᬶᬗᬮᬧ᭄᭞ᬦᬧᬶᬢᬦ᭄ᬤᬸᬃᬩᭂᬮᬶᬗᬹᬦᬷ
᭞ᬤᬸᬓ᭄ᬩᭂᬮᬶᬳᬶᬤᬸᬧ᭄ᬤᬶᬚᬕᬢ᭄᭞ᬳᬶᬭᬶᬓᬶᬯᬦ᭄ᬢᬄᬓᬧᬸᬧᬸ᭞ᬳᬬᬸᬶᬂᬮᬳᬬᬸᬦᬶᬂᬲ᭄ᬯᬓᬃᬫ᭄ᬫ᭞ᬦᬄᬢᬫ᭄ᬧᬾᬦᬶᬦ᭄᭞ᬨᬮᬓᬃᬫ᭄ᬫᬦᬾᬤᬶᬚᬕᬢ᭄᭟᭐
Kaca:Bali-lontar-gaguritan-papaka-350ppi.pdf/35
Kaca puniki sampun kauji-wacén
