Kaca:Bali-lontar-gaguritan-papaka-350ppi.pdf/34

Saking Wikisource
Kaca puniki sampun kauji-wacén

[᭓᭓ 33 B]
᭓᭓᭟
ᬦ᭄ᬢᬄ᭞ᬢᬶᬢᬶᬦᬾᬓᬵᬮᬓᬳᭂᬦ᭄ᬢᬲ᭄᭟᭐᭟ᬬᬾᬦᬶᬂᬕᬩᬄᬫᬗᭀᬦ᭄ᬢᬮᬂ᭞ᬓᬢᬄᬫᭂᬤᬮ᭄ᬩᬯᭀᬲ᭄ᬲᭂᬮᬶᬲ᭄᭞ᬫᬫᬶᬲᬸᬄᬫᬶᬯᬄᬫᬶᬲᬸᬦ᭞
ᬢᬦ᭄ᬫᬭᬶᬜᬓᬶᬢᬶᬫ᭄ᬓᬸᬧᬶᬂ᭞ᬤᭀᬍᬕ᭄ᬓᬬᬸᬦ᭄ᬲᬂᬫᬶᬭᬕᬶ᭞ᬭᬾᬄᬩᬯᭀᬲᬾᬮᬶᬦ᭄ᬢᬂᬲᬶᬕᬸᬕ᭄᭞ᬲᬶᬦᬄᬧᬘᬂᬢᬢᬦ᭄ᬲᬶᬰ᭄ᬰ᭞ᬦᬸᬯᬸᬢ᭄ᬢᬶᬢᬶᬦᬾᬧᬸᬦᬶᬓᬶ᭞
ᬚᬦ᭄ᬢᭂᬦ᭄ᬭᬸᬦ᭄ᬢᬸᬄ᭞ᬢᬧᬘᬂᬲᬶᬤ᭄ᬥᬫᬸᬶᬂᬗᬮᬶᬦ᭄ᬢᬂ᭟᭐᭟ᬫᬗ᭄ᬓᬶᬦ᭄ᬢᬶᬢ᭄ᬬᬲᬗ᭄ᬕᬸᬧ᭄ᬗᭂᬫ᭄ᬩᬦ᭄᭞ᬦᬸᬯᬸᬢ᭄ᬢᬶᬢᬶᬦᬾᬧᬸᬦᬶᬓᬶ᭞ᬫᬸᬕᬶᬳᬶᬤᬲᬂᬳ᭄ᬬᬂᬢᬶᬢᬄ᭞ᬰᬺ
ᬤ᭄ᬥᬳᬲᬸᬂᬫᬯᬾᬄᬢᬺᬧ᭄ᬢᬶ᭞ᬗᬶᬭᬶᬂᬚ᭄ᬯᬩᭂᬮᬶᬫᬫᬃᬕ᭄ᬕᬶ᭞ᬲᬵᬫ᭄ᬧᬸ᭠ᬦᬂᬚᬩᭂᬮᬶᬢᬓᬸᬢ᭄᭞ᬳᬶᬓᬸᬄᬢᬶᬢ᭄ᬬᬗᬾᬕᬫ᭄ᬩᭂᬮᬂ᭞ᬘᬶᬗᬓᬾᬩᭂᬦᭂ᭠
[᭓᭔ 34 A]
ᬗᬂᬧᬲ᭄ᬢᬶ᭞ᬳᭂᬤᬗᬸᬦ᭄ᬢᬸᬓ᭄᭞ᬦᬸᬮᬾᬗᬾᬓ᭄ᬫᬶᬯᬄᬦᬸᬭᬾᬗᬂ᭟᭐᭟ᬢᬶᬢᬶᬦᬾᬭᬭᬶᬲ᭄ᬓᬳᭂᬦ᭄ᬢᬲ᭄᭞ᬲᬂᬧᬧᬓᬗᭂᬢᭀᬃᬗᬶᬮ᭄ᬕᬶᬮ᭄᭞ᬳᬶᬓᬸᬄᬯᬦᬭᬷ
ᬓᬕᬶᬲ᭄ᬬᬂ᭞ᬫᬳᬗ᭄ᬓᬶᬦ᭄ᬕᬶᬕᬶᬲ᭄᭞ᬫ᭄ᬯᬓᭂᬘᬸᬢ᭄ᬩᬶᬩᬶᬄᬓᭂᬧᬶᬂ᭞ᬤᬾᬦᬶᬂᬚ᭄ᬭᬶᬄᬜᬓᬮᬗ᭄ᬓᬸᬂ᭞ᬲᬂᬯᬦᬭᬷᬓᭂᬜᭂᬫ᭄ᬓᭂᬜᭂᬫ᭄ᬜᬶᬗᬓ᭄᭞ᬗᭂᬢᭀᬦᬶᬧᬧ᭠
ᬓᬚᭂᬗᬶᬲ᭄᭞ᬲᬵᬫ᭄ᬧᬸᬂᬮᬗ᭄ᬓᬸᬂ᭞ᬭᬶᬂᬯᬾᬢᬦ᭄ᬢᬸᬓᬤ᭄ᬲᬦ᭄ᬢᭀᬱ᭟᭐᭟ᬫᬗ᭄ᬓᬶᬦ᭄ᬯᬯᬸᬳᬶᬧᬸᬦ᭄ᬩᬶᬗᬃ᭞ᬲᬂᬘᬢᬸᬃᬮᬦ᭄ᬢᬸᬃᬫᬫᬃᬕ᭄ᬕᬶ᭞ᬓᬜ᭄ᬘᬶᬢ᭄ᬫᬗ᭄ᬓᬶᬦ᭄ᬓᬓᬦ᭄ᬢᭂᬦᬂ᭞
ᬳᬦᬓ᭄ᬓᬚᬫ᭄ᬩᬓ᭄ᬓᬢᬶᬢᬶᬕ᭄᭞ᬓᬘᬓ᭄ᬘᬓ᭄ᬓᬧᬸᬦ᭄ᬢᬂᬧᬦ᭄ᬢᬶᬂ᭞ᬯᬦ᭄ᬢᬄᬭᬶᬬᬕᭂᬮᬃᬕᭂᬮᬸᬃ᭞ᬲᬂᬧᬧᬓᬓᬗᭂᬦ᭄ᬜᬶᬗᬓ᭄᭞ᬯᬶᬭᬾᬄᬳᬶᬧᬸᬦ᭄ᬢᬢᬲᬸᬦᬶᬂ᭞ᬢᬸ