[᭓᭓ 33B]
᭓᭓
ᬲ᭄᭞ᬧᬢᬶᬲᬳᬶᬮᬶᬩᬄᬩᬗᬸᬦ᭄᭞ᬲᭀᬭᭀᬄᬦᬾᬫᬗᬗ᭄ᬕᭀᬦ᭄ᬧᬦᬄ᭞ᬢ᭄ᬯᬭᬮᬾᬦ᭄ᬢᭂᬓᬾᬦ᭄ᬲᬗᬃᬚ᭄ᬚᬸᬦᬵᬓᬲᬸᬩ᭄᭞ᬢ᭄ᬯᬭᬳᬤᬭᬚᬵᬧᬸᬢᬺ᭞ᬩᬦᬶᬫᬗ᭄ᬮᬯᬦ᭄ᬫᬢᬦ᭄ᬤᬶᬂ᭟ᬳᬫ᭄ᬩᬸᬮ᭄ᬢᭀᬩᬳᬦ᭄ᬗᬸᬘᬧᬂ᭞ᬢᬶᬗ᭄ᬓᬄᬥᬦᬸᬃᬤᬭᬦᬾ
ᬲᬳᬶᬲᬳᬶ᭞ᬧᬜ᭄ᬘᬧᬡ᭄ᬥᬯᬦᬾᬓᬲᬸᬩ᭄᭞ᬢᬶᬗ᭄ᬓᬄᬫᬕᬕᬤᬬᬦ᭄᭞ᬬᬤᬶᬦ᭄ᬫᬧᬧᬦᬳᬦ᭄ᬢᬦ᭄ᬮ᭄ᬬᬦᬺᬓᬾᬓᬯᬸᬯᬸᬲ᭄᭞ᬲᬗᬃᬚ᭄ᬚᬸᬦᬵᬚᬦᬶᬓᭀᬘᬧ᭄᭞ᬢ᭄ᬯᬭᬳᬤᬫᬦᬦ᭄ᬤᬶᬗᬶᬦ᭄᭟ᬤᬤᬶᬯᬺᬢᬦᬾᬓᬮᬸᬫ᭄ᬩ᭄ᬭᬄ᭞ᬢᬦ᭄ᬩᬶᬦᬯᬵᬢ᭄ᬓᭂ
ᬤ᭄ᬓᬢ᭄ᬧᬶᬲᬶᬭᬶᬂ᭞ᬬᬦ᭄ᬓᭀᬘᬧᬺᬓᬾᬲᬂᬧ᭄ᬭᬪᬸ᭞ᬗᬸᬭᬸᬓᬂᬭᬚᬵᬧᬸᬢᬺ᭞ᬤᬦᬸᬃᬥᬭᬵᬢᬦ᭄ᬮ᭄ᬬᬦᬺᬓᬾᬦᬾᬓᬲᬸᬩ᭄᭞ᬲᬂᬪᬶᬫᬵᬫ᭄ᬯᬂᬲᬗᬃᬚ᭄ᬚᬸᬦᬵ᭞ᬓᭀᬘᬧ᭄ᬢᭀᬗᬤᬦᬦ᭄ᬤᬶᬗᬶᬦ᭄᭟ᬤᬤᬶᬓᬧ᭄ᬬᬲᭂᬫ᭄ᬲᬂᬓᬵᬃᬡ᭄ᬦ᭞ᬫᬫᬶᬭᬕᬶᬲᬗᬃᬚ᭄ᬚᬸ
ᬓᬵᬓᬧᬸᬚᬶ᭞ᬭᬭᬶᬲ᭄ᬧ᭄ᬭᬫᬗ᭄ᬓᬶᬦ᭄ᬓᬢ᭄ᬧᬸᬓ᭄᭞ᬢ᭄ᬓᬾᬦ᭄ᬲᬗᬤᬶᬭᬢᬵ᭞ᬫᬫᬚᬭᬂᬮᬸᬗ᭄ᬳᬵᬓᬦᬕᬭᬗ᭄ᬮᬯᬸᬢ᭄᭞ᬫᬩᬮᬶᬄᬤᬦᬸᬃᬥᬭ᭞ᬲᬗ᭄ᬳᬤᬶᬭᬢᬫᬶᬲᬶᬗ᭄ᬕᬶᬄ᭟ᬲᬂᬓᬵᬃᬡ᭄ᬦᬮᬦ᭄ᬢᬲ᭄ᬫᬚᬮᬦ᭄᭞ᬢᬦ᭄ᬘᬭᬶᬢᬮᬓᬸᬦᬾᬲᬕᬾᬢ᭄ᬕᭂᬮᬶᬲ᭄
[᭓᭔ 34A]
᭞ᬭᬯᬸᬄᬤᬶᬦᬵᬕᬭᬜ᭄ᬚᬸᬚᬸᬃ᭞ᬮᬶᬗ᭄ᬕᬶᬄᬲᬶᬸᬗᬶᬃᬸᬚ᭄ᬚᬶᬸᬦᬵᬶᬸᬲᬂᬤᬸᬃᬬᭀᬥᬦᬵ᭞ᬲ᭄ᬤᭂᬓ᭄ᬧᬳᬶᬗᬦᬦ᭄ᬧᬦ᭄ᬥᭂᬂᬫᬯᬸᬭᬸᬓ᭄᭞ᬧᭂᬧᭂᬓ᭄ᬧ᭄ᬭᬭᬢᬸᬲᬂᬧᬡ᭄ᬥ᭄ᬬ᭞ᬫᬓᬤᬶᬜᬤᬾᬯᬶᬓᬸᬦ᭄ᬢᬶ᭟ᬲᬂᬓᬵᬃᬡ᭄ᬦᬦ᭄ᬤᭂᬲᭂᬓᬂᬦ᭄ᬕᬓ᭄᭞ᬧᬸᬗ᭄ᬓᬸᬃᬳᬶᬤᬵᬲᬂᬤᬸᬃᬬᭀᬥᬦᬵᬫᬶᬭᬶᬢ᭄᭞ᬢᬶ
ᬢᬶᬗ᭄ᬓᬄᬧᬋᬓᬦ᭄ᬓᬕᬸᬕᬸ᭞ᬓᭀᬘᬧ᭄ᬲᬂᬭᬚᬵᬧᬸᬢᬺ᭞ᬭᬭᬶᬲ᭄ᬫᬧ᭄ᬧᬧᬦᬳᬦ᭄ᬧᬲ᭄ᬮᬾᬂᬲᬸᬦ᭄ᬤᬸᬮ᭄᭞ᬳᬤᬫᬕᬕᬥᬬᬦ᭄᭞ᬤᬗ᭄ᬳ᭄ᬬᬂᬤ᭄ᬭᭀᬡᬵᬫᬗᬚᭂᬗᬶᬦ᭄᭟ᬮᬯᬸᬢ᭄ᬗᬤᭂᬕ᭄ᬲᬗᬃᬚ᭄ᬚᬸᬦ᭞ᬜᬫ᭄ᬩᬸᬢ᭄ᬮᬗ᭄ᬓᬧ᭄ᬲᬂᬭᬚ᭄ᬚᬧᬸᬢᬺᬱᬫᬶ᭞᭠
ᬲ᭄ᬬᭂᬧ᭄ᬢ᭄ᬯᬭᬳᬤᬩᬗᬸᬦ᭄᭞ᬤᬤᬶᬫᬾᬭᬂᬲᬂᬓᬵᬃᬡ᭄ᬦ᭞ᬮᬦ᭄ᬢᬲ᭄ᬜᬕ᭄ᬚᬕ᭄ᬓᬓᬮᬗᬦᬾᬜᬫ᭄ᬩᬸᬢ᭄᭞ᬮᬭᬲ᭄ᬢᬗ᭄ᬓᭂᬧᬾᬢᬭᬕ᭄ᬬ᭞ᬲᬗᬃᬚ᭄ᬚᬸᬦᬵᬳᬋᬧᬶᬦ᭄᭟ᬤᬤᬶᬓᬕ᭄ᬬᬢ᭄ᬤᬗ᭄ᬳ᭄ᬬᬂᬤ᭄ᬭᭀᬡᬵ᭞ᬩᬦᬾᬳᬦᬓ᭄ᬢ
ᬯᬄᬫᬶᬮᬸᬫ᭄ᬩᬋᬗᬶᬦ᭄᭞ᬲᬂᬯᬺᬓᭀᬥᬭᬫᬶᬢᬦ᭄ᬤ᭄ᬭᬸᬄ᭞ᬭᬭᬶᬲ᭄ᬕ᭄ᬮᬶᬲ᭄ᬫᬜ᭄ᬚᬕ᭄ᬚᬕ᭄᭞ᬫᬦᬓᬾᬦᬶᬦ᭄ᬓᬾᬦ᭄ᬓᬾᬦ᭄ᬓ᭄ᬭᬡᬤᬤᬶᬮᬚᬸ᭞ᬫᬶᬮᬸᬫᬜᬫ᭄ᬩᬸᬢ᭄ᬮᬭᬲ᭄᭞ᬦᬦᬶᬯᬂᬗᬧᬵᬚᬫᬳᬶ᭟ᬓᬮᬶᬄᬳ᭄ᬜᬾᬦ᭄ᬫᬗ᭄ᬕᭂᬮᬳᬂ
Kaca:Bali-lontar-gaguritan-pandawa-rare-300ppi.pdf/34
Kaca puniki sampun kauji-wacén
