[᭓᭔ 34B]
᭓᭔
᭞ᬧ᭄ᬬᬦᬓᬾᬓᬭᬡᬦᬾᬢ᭄ᬓᬫᬳᬶ᭞ᬫᬦᬕᬶᬄᬫᬶᬮᬸᬫᬯᬸᬭᬸᬓ᭄ᬢᬶᬗ᭄ᬓᬄᬫᬤᬦᬸᬃᬥᬭᬵ᭞ᬳᬧᬯᬗ᭄ᬰᬦᬾᬤᬾᬦᬶᬂᬬ᭄ᬦᬾᬫᬯᬸᬭᬸᬓ᭄᭞ᬲᭀᬭᭀᬄᬯᬢᭂᬓᬶᬂᬲᬢ᭄ᬭᬶᬬᬵ᭞ᬢᭀᬂᬤᬤᬶᬳ᭄ᬮᬾᬦ᭄ᬫ᭄ᬩᬋᬗᬶᬦ᭄᭟ᬲᬂᬓᬵᬃᬡ᭄ᬦ
ᬫᬾᬭᬗᬾᬮᬶᬯᬢ᭄᭞ᬩᬸᬓᬢ᭄ᬯᬭᬧ᭄ᬲᬸᬫᬸᬜᬶᬳᬓ᭄ᬧᬶᬢ᭄᭞ᬲᬫ᭄ᬩᬸᬮ᭄ᬗᬸᬦ᭄ᬢᬸᬓ᭄ᬫᬧᬶᬢᬦ᭄ᬤ᭄ᬭᬸᬄ᭞ᬩᬳᬦᬾᬓᬢᬓᭀᬦᬂ᭞ᬧᬦᬗ᭄ᬓᬦ᭄ᬢᭂᬋᬳᬾᬫᬾᬭᬗᬾᬓᬤᬸᬭᬸᬲ᭄᭞ᬤᬾᬯᬸᬓᬸᬦ᭄ᬢᬶᬓᬘᬭᬶᬢ᭞ᬫᬾᬮᬶᬂᬭᬶᬂᬧᬸᬢ᭄ᬭᬦᬾᬗᬹᬦᬶ᭟ᬤ
ᬤᬶᬲ᭄ᬫᬸᬓᬫᬵᬦᬸᬱᬦ᭄ᬧᬓᬬᬸᬦᬦᬾᬳᬯᬦᬦᬾᬫᬦᬗᬶᬲ᭄᭞ᬳᬗ᭄ᬳᬶᬂᬢᬾᬓᬲᬭᬸᬲᬭᬸ᭞ᬓᭀᬘᬧ᭄ᬲᬂᬤᬹᬃᬬ᭄ᬬᭀᬥᬦ᭞ᬫᬗ᭄ᬯᬮᬢᬂᬲᬂᬓᬵᬃᬡ᭄ᬦᬭᬭᬶᬲ᭄ᬓᬲᬯᬸᬢ᭄᭞ᬢᬭᬕ᭄ᬬᬫᬗᬩᭂᬢ᭄ᬕᬥ᭞ᬲᬂᬯᬺᬓᭀᬥᬭ
ᬓᬋᬧᬶᬦ᭄᭟ᬳᬶᬄᬓᬾᬦ᭄ᬓᬾᬦ᭄ᬲᬂᬋᬓᭀᬥᬭ᭞ᬧ᭄ᬮᬮ᭄ᬬᬦ᭄ᬲᬢ᭄ᬭ᭄ᬬᬵᬢᭀᬂᬤᬲᬶᬓᬩᬋᬗᬶᬦ᭄᭞ᬳᬧᬦ᭄ᬢ᭄ᬯᬭᬢᬸᬲ᭄ᬦᬶᬂᬭᬢᬸ᭞ᬳᭂᬗ᭄ᬓᬾᬦ᭄ᬫᬦ᭄ᬫᬤᬦ᭄ᬲᬢ᭄ᬭᬶᬬᬵ᭞ᬧᬦ᭄ᬢᬢ᭄ᬮᬸᬳᬸᬘᬧᬂᬲᬢ᭄ᬭᬶᬬᬮᬫᬸᬦ᭄᭞ᬲᬸᬩᬵ
[᭓᭕ 35A]
ᬮ᭄ᬬᬸᬗ᭄ᬮᬄᬧᬜ᭄ᬚᬓ᭄᭞ᬫᬶᬯᬄᬳᭀᬓᬦ᭄ᬭᬢᬸᬍᬯᬶᬄ᭟ᬢ᭄ᬓᬾᬦ᭄ᬳᬦᬓᬾᬫᬕᭂᬳᬂ᭞ᬓᬧᬸᬭᬸᬱᬵᬦᬾᬢ᭄ᬯᬭᬵᬤ᭄ᬥᬩᬶᬱᬧᬶᬳᬶᬤ᭄᭞ᬳᭂᬦ᭄ᬢᭀᬢ᭄ᬯᬄᬲᬢ᭄ᬭᬶᬬᬵᬢᬸᬳᬸ᭞ᬚᬦᬶᬩ᭄ᬮᬶᬲᬂᬓᬵᬃᬡ᭄ᬦ᭞ᬢᬶᬢ᭄ᬬᬂᬫ᭄ᬩᬳᬂᬩ᭄ᬮᬶᬧᬜ᭄ᬚᬓ᭄ᬳᬧᬂᬮᬶᬬᬸ᭞ᬤᬾ
ᬱᬦᬾᬤᬶᬳᬯᬗ᭄ᬕᬵ᭞ᬩ᭄ᬮᬶᬫᬗᭀᬤᬕᬂᬲᬫᬶ᭟ᬳᬧᬂᬩ᭄ᬮᬶᬤᬤᬶᬲᬢ᭄ᬭᬶᬬᬵ᭞ᬚᬦᬶᬢᬶᬢ᭄ᬬᬂᬧᬕᬯᬾᬦᬗᬵᬩ᭄ᬮᬶ᭞ᬳᬧᬂᬓᬪᬶᬱᬾᬓᬭᬢᬸ᭞ᬫᬗ᭄ᬤᬾᬩ᭄ᬮᬶᬦᬾᬯ᭄ᬦᬂ᭞ᬫᬤᬦᬹᬃᬥᬭᬵᬫᬢᬦ᭄ᬤᬶᬗᬦ᭄ᬧᬗᬯ᭄ᬭᬸᬄ᭞ᬫᬗ᭄ᬮᬯᬦ᭄ᬲᬗᬵᬃᬚ᭄ᬚᬸᬦ᭞
ᬭᬭᬶᬲ᭄ᬓᬯᬗᬸᬦ᭄ᬧᬺᬫᬗ᭄ᬓᬶᬦ᭄᭟ᬓᬃᬬ᭄ᬬᬧᬫ᭄ᬩᬶᬰᬾᬓᬦᬵᬣ᭞ᬲᬂᬩ᭄ᬭᬳ᭄ᬫᬵᬡᬰᬶᬯᬩᬸᬤ᭄ᬥᬵᬗᬚᭂᬗᬶᬦ᭄᭞ᬲᬯᬢᭂᬓ᭄ᬭᬢᬸᬦᬾᬭᬯᬸᬄ᭞ᬓᬘᬭᬶᬢᬲᬂᬓᬵᬃᬡ᭄ᬦ᭞ᬫᬧᬮᬶᬗ᭄ᬕ᭄ᬬᬦ᭄ᬲᬶᬗ᭄ᬳᬵᬰᬡᬵᬓᬱ᭄ᬝᬸᬗ᭄ᬓᬸ᭞ᬤᬤᬶᬯᬺᬢ
ᬦᬾᬮᬸᬫ᭄ᬩ᭄ᬭᬄ᭞ᬲᬗᬤᬶᬭᬣᬵᬫᬶᬭᬕᬶ᭟ᬬᬦ᭄ᬧ᭄ᬬᬦᬓᬾᬓᬩᬶᬱᬾᬓ᭞ᬫᬤᭂᬕ᭄ᬭᬢᬸᬓ᭄ᬭᬡᬦᬾᬤᬤᬶᬕ᭄ᬮᬶᬲ᭄᭞ᬫᬜ᭄ᬚᬕ᭄ᬚᬕ᭄ᬫᬩᬸᬤ᭄ᬥᬶᬢᬯᬸ᭞ᬩᬋᬂᬫᬗᬚᬓ᭄ᬲᭀᬫᬄ᭞ᬢᬦ᭄ᬓᭀᬘᬧ᭄ᬤᬶᬚᬮᬦ᭄ᬲᬸᬩᬵᬢ᭄ᬓᭂᬤᬶᬢᬸ᭞ᬤᬶ
Kaca:Bali-lontar-gaguritan-pandawa-rare-300ppi.pdf/35
Kaca puniki sampun kauji-wacén
