[᭒᭘ 28B]
᭒᭘
ᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸᬭᬭᬶᬰᬫᬸᬯᬸᬲ᭄᭞ᬩ᭄ᬭᬳ᭄ᬫᬵᬡᬵᬓᬾᬦ᭄ᬓᬾᬦ᭄ᬫᭂᬮᬓ᭄᭞ᬓᬾᬦᬾᬩ᭄ᬗᬶᬮ᭄ᬫᬦ᭄ᬤᭂᬲᭂᬓ᭄ᬫᬗᬶᬤᬶᬄᬲᬗᬸ᭞ᬩ᭄ᬯᬶᬦ᭄ᬗᭀᬭᬳᬂᬤᬾᬯᬢ᭄ᬣᬵ᭞ᬓᬲᬶᬄᬭᬶᬂᬇᬰ᭄ᬭᬫᬵᬗᬸᬦᬶ᭟ᬭᬶᬂᬕᬸᬭᬸᬦ᭄ᬥᬦᬾᬭᬗᬲ᭄ᬭᬫᬵ᭞ᬜᬾᬦ᭄ᬫᬗᬸᬕᬸ
ᬓ᭄ᬫᬵᬚᬦᬶᬫᬕ᭄ᬥᬶ᭞ᬚ᭄ᬜᭂᬗᬾᬯᬶᬓᬹᬫᬗ᭄ᬭᬸᬲᬸᬄ᭞ᬫᬗᬗᬚᬓ᭄ᬧᬦᬓ᭄ᬩ᭄ᬗᬮ᭄᭞ᬤᬗ᭄ᬳ᭄ᬬᬂᬤ᭄ᬭᭀᬡᬵᬮᬶᬦ᭄ᬢᬂᬫᬾᬭᬗᬾᬭᬶᬂᬓᬬᬸᬦ᭄᭞ᬩᬸᬤᬮ᭄ᬗᭂᬫ᭄ᬩᭂᬂᬬᬾᬄᬧᬜᬶᬗᬓᬦ᭄᭞ᬓᬬᬸᬦᬾᬓᬮᬶᬦ᭄ᬢᬂᬭᬸᬦ᭄ᬢᬶᬓ᭄᭟ᬫᬫᬵᬃᬕ᭄ᬕᬶᬗ᭄ᬭᬭᬶᬲ᭄ᬓᬳᬱ᭄ᬝᬶᬦᬵ᭞ᬢ
ᬢᬦ᭄ᬓᭀᬘᬧᬮᬓᬸᬦᬾᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬗ᭄ᬳᬱ᭄ᬝᬶᬦᬵᬭᬭᬶᬲ᭄ᬜᬸᬚᬸᬃ᭞ᬧᬋᬓ᭄ᬭᬶᬂᬳᬶᬤᬲᬂᬦᬵᬣ᭞ᬲ᭄ᬥᭂᬓ᭄ᬢᬶᬦᬗ᭄ᬓᬶᬮ᭄ᬭᬶᬂᬩᬜ᭄ᬘᬶᬗᬄᬳᬮᬸᬗ᭄ᬕᬸᬄ᭞ᬳᬓ᭄ᬯᬾᬄᬧ᭄ᬭᬫᬦ᭄ᬢ᭄ᬭᬶᬪᬸᬚᬗ᭄ᬕᬵ᭞ᬪᬕᬯᬦ᭄ᬤ᭄ᬭᭀᬡᬫᬗ᭄ᬭᬭᬶᬲ᭄᭟ᬓᬲᬧᬭᬭᬶᬲ᭄ᬓᬢᬸᬭᬦ᭄᭞ᬫᬸᬗ᭄ᬕᬄ
ᬤᬗ᭄ᬳ᭄ᬬᬂᬤ᭄ᬭᭀᬡᬵᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬸᬕ᭄ᬮᬶᬲ᭄ᬫᬳᬢᬸᬃ᭞ᬬᬦ᭄ᬧᬸᬦᬧᬶᬰ᭄ᬯᬓᬵᬃᬬ᭄ᬬ᭞ᬓᬮᬶᬄᬲᬧᬲᬶᬭᬧᬲᬾᬗᬦ᭄ᬲᬂᬧᬸᬢᬸᬲ᭄᭞ᬢᭂᬫ᭄ᬩᬾᬓᬧᬗ᭄ᬕᬶᬄᬭᬶᬂᬢᬶᬢ᭄ᬬᬂ᭞ᬤᬗ᭄ᬳ᭄ᬬᬂᬤ᭄ᬭᭀᬡᬵᬫᬢᬸᬭᬭᬶᬲ᭄᭟ᬳᬶᬗ᭄ᬕᬶᬄᬲᬂᬧ᭄ᬭᬪᬸᬳᬱ᭄ᬝᬶᬦ᭠
[᭒᭙ 29A]
ᬩᬧᬵᬩ᭄ᬭᬳ᭄ᬫᬵᬡᬢᬧᬭᬯᬸᬄᬫᬭᬶᬓᬶ᭞ᬲᬤ᭄ᬬᬫᬫᬋᬓ᭄ᬳᬶᬭᬢᬸ᭞ᬫᬦᬸᬦᬲ᭄ᬧᬕ᭄ᬦᬳᬦ᭄᭞ᬤᬶᬦᬵᬕᬭᬩᬧᬫᬗᬶᬭᬶᬂᬭᬢᬸ᭞ᬤᬾᬦᬶᬂᬩᬧᬩ᭄ᬭᬳ᭄ᬫᬵᬡᬢᬧᬵ᭞ᬯ᭄ᬦᬂᬦᬫ᭄ᬧᭂᬓᬶᬦ᭄ᬲᬗ᭄ᬳᬚᬶ᭟ᬲᬗ᭄ᬤᬺᬢᬭᬲ᭄ᬢ᭄ᬭᬦᬸᬦᬲᬂ᭞ᬭᬶᬂᬪᬕᬯᬦ᭄ᬩᬶᬱ᭄ᬫᬵ
ᬭᬶᬂᬩ᭄ᬯᬢ᭄ᬦᬶᬂᬗᬚᬶ᭞ᬪᬕᬯᬦ᭄ᬩᬶᬱ᭄ᬫᬵᬫᬫᬢᬸᬢ᭄᭞ᬢᬶᬗ᭄ᬓᬳᬶᬂᬲᬂᬉᬢ᭄ᬢᬫᬵ᭞ᬜ᭄ᬚᭂᬦᭂᬂᬭᬢᬸᬫᬕᭂᬳᬂᬓᬤᬃᬫ᭄ᬫᬦ᭄ᬲᬤᬸ᭞ᬳᬧᬦ᭄ᬢᭀᬂᬤᬤᬶᬧᬲᬳᬂ᭞ᬭᬶᬂᬲᬂᬫᬳᬵᬤ᭄ᬯᬶᬚᬍᬯᬶᬄ᭟ᬳᬸᬧᬫᬶᬜᬓᬤᬶᬳᬮᬲ᭄᭞ᬬᬾᬜᬢ᭄ᬯ
ᬭᬫᬶᬲᬶᬫ᭄ᬭᬕ᭄ᬕᬵᬧᬢᬶ᭞ᬧ᭄ᬤᬲ᭄ᬮᬶᬬᬸᬧᬘᬂᬗ᭄ᬭᬸᬩᬸᬄ᭞ᬬᬾᬜᬫᬳᬶᬲᬶᬫᬘᬦ᭄᭞ᬤᬤᬶᬧᬸᬗᭂᬢ᭄ᬢᬶᬍᬄᬲᬮ᭄ᬯᬶᬭᬶᬂᬢᬸᬫᬸᬯᬸᬄ᭞ᬬᬤᬶᬦ᭄ᬢ᭄ᬯᬄᬩᬸᬓᬳᬶᬫᬘᬦ᭄᭞ᬬᬾᬦ᭄ᬢᬦ᭄ᬳᬮᬲᬾᬫᬗᬸᬭᬶᬧ᭄᭟ᬤᬾᬦᬶᬂᬬᬭᬓ᭄ᬱᬭᬸᬫᬓ᭄ᬱᬵ᭞
ᬢ᭄ᬯᬭᬤᬤᬶᬩ᭄ᬮᬲᬂᬗ᭄ᬲᬶᬓ᭄ᬩᭂᬲᬶᬓ᭄᭞ᬓᬾᬢᭀᬳᬸᬧᬫᬶᬜᬭᬢᬸ᭞ᬬᬦ᭄ᬓᬬᬸᬦ᭄ᬫᬫᬕᭂᬳᬂ᭞ᬓᬳᬕᬸᬗᬦ᭄ᬫᬗ᭄ᬤᬾᬦᬾᬫᬮᬶᬄᬓᬯᬸᬯᬸᬲ᭄᭞ᬳᬧᬂᬫᬲᬸᬮᬸᬄᬩ᭄ᬭᬳ᭄ᬫᬵᬡ᭞ᬲᬂᬯᬺᬥᬧᬸᬢᬸᬲᬶᬗ᭄ᬳᬚᬶ᭟ᬯᬦ᭄ᬢᬄᬜᬦ᭄ᬤᬂᬤᬗ᭄ᬳ᭄ᬬᬂ
Kaca:Bali-lontar-gaguritan-pandawa-rare-300ppi.pdf/29
Kaca puniki sampun kauji-wacén
