[᭒᭙ 29B]
᭒᭙
ᬤ᭄ᬭᭀᬡᬵ᭞ᬳᬗ᭄ᬕᬾᬦ᭄ᬓᬦ᭄ᬢᬶᬫᬫᬢᭂᬕᭂᬳᬂᬳᬶᬭᬶᬓᬶ᭞ᬓᬳᬕᬸᬗᬦᬾᬲᬂᬧ᭄ᬭᬪᬸ᭞ᬳᬧᬦ᭄ᬲᬂᬫᬳᬵᬧᬡ᭄ᬥ᭄ᬬ᭞ᬧᬸᬢᬸᬲᬶᬗ᭄ᬳᬚᬶᬯ᭄ᬭᬸᬳᬶᬂᬘᬾᬱ᭄ᬝᬓᬭᬵᬦᬸᬮᬸᬲ᭄᭞ᬫᬓᬤᬶᬩ᭄ᬯᬢ᭄ᬤᬦᬸᬃᬥᬭᬵ᭞ᬲᬵᬫ᭄ᬧᬸᬦ᭄ᬓᬧᭂᬢ᭄ᬬᬓ᭄ᬱᬾᬂᬲᬫᬶ᭟ᬲᬧᬸᬦᬶᬓᬓᬧᬸ
ᬧᬸᬢᬦ᭄᭞ᬧᬗ᭄ᬭᬯᭀᬲᬾᬲᬂᬤᬺᬢ᭄ᬣᬭᬲ᭄ᬢ᭄ᬭᬗᬶᬭᬶᬂ᭞ᬪᬕᬯᬦ᭄ᬩᬶᬱ᭄ᬫᬵᬲᬂᬧᬸᬢᬸᬲ᭄᭞ᬓᭀᬘᬧᬤᬗ᭄ᬳ᭄ᬬᬂᬤ᭄ᬭᭀᬡᬵ᭞ᬲᬵᬫ᭄ᬧᬸᬦ᭄ᬓᬳᬢᬸᬭᬦ᭄ᬧᬲᬗ᭄ᬕ᭄ᬭᬳᬦ᭄ᬮᬸᬳᬸᬂ᭞ᬤᬶᬦᬵᬕᬭᬳᬱ᭄ᬝᬶᬦᬵ᭞ᬫᬓᬧᬢᬶᬃᬢ᭄ᬢᬦ᭄ᬲᬗ᭄ᬳᬚᬶ᭟ᬲᬵᬫ᭄ᬧᬸᬦ᭄ᬮᬫᬶᬤᬶᬦ
ᬕᬭᬵ᭞ᬤᬗ᭄ᬳ᭄ᬬᬂᬤ᭄ᬭᭀᬡᬵᬲᬂᬭᬵᬚᬧᬸᬢ᭄ᬭᬲᬫᬶ᭞ᬓᭀᬭᬯᬧᬡ᭄ᬥᬯᬤᬸᬭᬸᬂ᭞ᬯᬶᬓᬦᬶᬂᬤᬦᬸᬃᬥᬭᬵ᭞ᬭᬭᬶᬲ᭄ᬓᬧᬗᬦ᭄ᬤᬶᬓᬬᬂᬲᬫᬶᬫᬸᬭᬸᬓ᭄᭞ᬫᬫᬦᬄᬫᬕᬕᬤᬬᬦ᭄᭞ᬤᬗ᭄ᬳ᭄ᬬᬂᬤ᭄ᬭᭀᬡᬫᬫᬶᬤᬾᬦᬶᬦ᭄᭟ᬭᬭᬶᬲ᭄ᬫᬓᬵᬃᬬ᭄ᬬᬧ᭄ᬭᬘᬶᬳ᭄ᬦᬵ᭞
ᬢᬢᬶᬗ᭄ᬓᬳᬦ᭄ᬫᬳᬤᬦ᭄ᬥᬮᬶᬤᬮᬶ᭞ᬫᬦᭀᬗᭀᬲ᭄ᬤᬶᬧᬸᬜᬦ᭄ᬓᬬᬸ᭞ᬧᬸᬦᬶᬓᬵᬳᬗ᭄ᬕᬾᬦ᭄ᬗᭂᬭᬂ᭞ᬓᬯᬶᬤᬕ᭄ᬥᬦᬾᬫᬢᬶᬢᬶᬲ᭄ᬫᬗ᭄ᬮᬾᬩᬂᬳ᭄ᬭᬸ᭞ᬳᬲᬶᬂᬲᬶᬤ᭄ᬥᬓᬢ᭄ᬓᬦ᭄᭞ᬫᬗᭂᬦᬬᬂᬤᬮᬶᬤᬮᬶ᭟ᬩᬸᬓᬢ᭄ᬯᬭ
[᭓᭐ 30A]
ᬲᬮᬄᬢᬸᬗ᭄ᬕᬮ᭄᭞ᬫᬗᭂᬦᬬᬂᬫᬫᬦᬄᬤᬮᬶᬤᬮᬶ᭞ᬲᬗᬃᬚ᭄ᬚᬸᬦᬵᬧᬮᬶᬂᬧᬸᬗ᭄ᬓᬸᬃ᭞ᬩᬯᬸᬗᭂᬫ᭄ᬩᬢᬂᬧᬦᬄ᭞ᬫᬫᬢᬶᬢᬶᬲ᭄ᬫᬫ᭄ᬢᬢ᭄ᬫᬗ᭄ᬮᬾᬩᬂᬳ᭄ᬭᬸ᭞ᬤᬤ᭄ᬬᬜᬓᬧᬶᬲᬦᬦ᭄᭞ᬫᬗᭂᬦᬬᬂᬤᬮᬶᬤᬮᬶ᭟ᬩᬸᬓᬢ᭄ᬯᬭ
ᬲᬮᬄᬢᬸᬗ᭄ᬕᬮ᭄᭟ᬭᬭᬶᬰᬶᬤᬵᬤᬗ᭄ᬳ᭄ᬬᬂᬤ᭄ᬭᭀᬡᬵ᭞ᬮᬶᬦ᭄ᬢᬂᬲ᭄ᬯᬾᬘ᭄ᬙᬵᬧᬓᬳ᭄ᬬᬸᬦᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓᬾᬲᬵᬫ᭄ᬧᬸᬦ᭄ᬲᬧᬳᬸᬢ᭄᭞ᬢᬶᬗ᭄ᬓᬳᬾᬲᬗᬃᬚ᭄ᬚᬸᬦᬵ᭞ᬫᬦᬶᬗ᭄ᬓᬳᬂᬧᬢᬶᬢᬶᬲᬾᬫᬗ᭄ᬮᬾᬩᬂᬳ᭄ᬭᬸ᭞ᬳᬯᬶᬦ
ᬦ᭄ᬓᬦᬸᬕ᭄ᬭᬳᬦ᭄᭞ᬧᬸᬧᬸᬢᬶᬂᬤᬶᬯ᭄ᬬᬲ᭄ᬢ᭄ᬭᬰᬓ᭄ᬢᬶ᭟ᬲᬵᬫ᭄ᬧᬸᬦ᭄ᬢᭂᬮᬲ᭄ᬓᬦᬸᬕ᭄ᬭᬳᬦ᭄᭞ᬲᬗᬃᬚ᭄ᬚᬸᬦᬵᬩ᭄ᬯᬢ᭄ᬦᬶᬂᬯᬾᬥᬲ᭄ᬢ᭄ᬭᬲᬫᬶ᭞ᬳᬯᬶᬦᬦ᭄ᬰᬓ᭄ᬢᬶᬦᬾᬦᬸᬮᬸᬲ᭄᭞ᬢ᭄ᬯᬭᬤᬫᬢᬦ᭄ᬤᬶᬗᬦ᭄᭞ᬤᬗ᭄ᬳ᭄ᬬᬂᬤ᭄ᬭᭀᬡᬵᬲᬵᬫ᭄ᬧᬸᬦ᭄
ᬧᬃᬘ᭄ᬙᬬᬵᬭᬶᬂᬓᬳ᭄ᬬᬸᬦ᭄᭞ᬤᬤᬶᬫ᭄ᬢᬸᬧᬓᬳ᭄ᬬᬸᬦᬦ᭄᭞ᬭᬸᬧᬓᬤᬶᬫᬫᬶᬦ᭄ᬤᬸᬯᬶᬦ᭄᭟ᬧᬘᬂᬗᭂᬦ᭄ᬤᭀᬦᬂᬫᬬᬸᬤ᭄ᬥᬵ᭞ᬭᬭᬶᬲ᭄ᬳᬶᬤᬵᬗᬦ᭄ᬤᬶᬓᬬᬂᬧᬺᬫᬗ᭄ᬓᬶᬦ᭄᭞ᬓᬧ᭄ᬘᬮᬫᬕᭂᬕᭂᬩᬸᬕ᭄᭞ᬓᬯᬶᬤ᭄ᬥᬶᬫᬵ
Kaca:Bali-lontar-gaguritan-pandawa-rare-300ppi.pdf/30
Kaca puniki sampun kauji-wacén
