[᭙᭖ 96B]
᭙᭖
ᬲᬂᬧᬵᬡ᭄ᬟᬯ᭞ᬯᬯᬂᬗᬪᬶᬯᬤ᭞ᬭᬶᬲᬂᬋᬱᬶᬫ᭄ᬯᬂᬲᬂᬳ᭄ᬯᬦᬾ᭞ᬲᬓ᭄ᬯᬾᬳᬶᬓᬂᬧᬭᬧ᭄ᬭᬪᬸ᭞ᬫᬶᬮᬸᬲᬶᬭᬧᬥᬦᬗ᭄ᬓᬶᬮ᭄᭞ᬲᬂᬋᬱᬶᬲᬶᬭᬵᬰᬩ᭄ᬤ᭞ᬤᬸᬄᬪᬕ᭄ᬬᬧᬸᬢᬸᬦᬶᬭᬶᬗ᭄ᬲᬸᬦ᭄᭞ᬓᬭᬶᬳᬸᬭᬶᬧ᭄ᬓᬶᬢᬲᬤᬬ᭞ᬫ᭄ᬯᬂᬲᬶᬧᬢᬄ᭞ᬳᬸᬦᬶᬲᬵᬫ᭄ᬧᬸᬦ᭄ᬓᭀ
ᬦ᭄ᬦᬶᬍᬫᬶ᭞ᬯᬭᬄᬪᬱ᭄ᬫ᭄ᬬᬾᬂᬚᬢᬸᬕᬺᬳ᭟᭑᭑᭟ᬓᬶᬢᬧᬸᬬᬸᬢ᭄ᬫᬗ᭄ᬓᬾᬬᬦ᭄ᬤᬸᬫᬸᬦᬸᬗᬶ᭞ᬭᬵᬚ᭄ᬬᬾᬂᬓᬸᬦ᭞ᬲᬧᬢᬶᬗ᭄ᬕᬮ᭄ᬓᬶᬢ᭞ᬢᬦ᭄ᬳᬦᬬᬦ᭄ᬫᬳᬬ᭄ᬯᬦᬶ᭞ᬫᬗ᭄ᬓᬾᬓᬶᬢᬳᬸᬯᬸᬲ᭄ᬭᬯᬸᬄ᭞ᬓᬓᬶᬫᬳᬬ᭄ᬯᬦᬶᬲᬫᬶ᭞ᬓᬢ᭄ᬓᬾᬂᬭᬵᬢ᭄ᬓᬶᬢᬫᬹᬓ᭄ᬢ᭄ᬬ᭞
ᬲᬧᬭ᭄ᬯᬦ᭄ᬧᬋᬂᬰ᭄ᬭᬷᬓᬸᬭᬸ᭞ᬲᬶᬭᬓᬭᬶᬦᬗᬸᬦ᭄ᬢᬧ᭞ᬲᬂᬓᭀᬭᬯ᭞ᬓᬶᬢᬳᬓᬺᬢᬦᬵᬕᬭᬶ᭞ᬳᬮᬳᬬᬸᬦᬶᬓᬂᬚᬕᬢ᭄᭟᭑᭒᭟ᬳᬦᬯᬸᬯᬸᬲ᭄ᬪᬷᬱ᭄ᬫᬳᬸᬫᬸᬤᬦᬶ᭞ᬲᬶᬄᬧᬵᬡ᭄ᬟᬯ᭞ᬤᬺᬱ᭄ᬝᬭᬱ᭄ᬝ᭄ᬭᬵᬗᬸᬘᬧ᭄᭞ᬩᬧᬭᬲᬦᬶᬭᬵᬢ᭄ᬫ
ᬗ᭄ᬓᬾ᭞ᬫ᭄ᬦᬾᬲᬸᬬᭀᬥᬦᬭᬯᬸᬄ᭞ᬭᬶᬓᬧᬵᬮᬶᬳᬦᬶᬂᬪᬹᬫᬶ᭞ᬲᬶᬦᬳᬸᬭᬦ᭄ᬤᬾᬲᬂᬓᬺᬱ᭄ᬡ᭞ᬬᬸᬓ᭄ᬢᬶᬮᬶᬂᬦᬭᬾᬦ᭄ᬤ᭄ᬭᬫ᭄ᬧᬸ᭞ᬧᬦ᭄ᬬᬲᬫᬲᬫᬵᬢ᭄ᬫᬚ᭞ᬪᬷᬱ᭄ᬱᬵᬗᬸᬘᬧ᭄᭞ᬩᬧᬧᬸᬬᬸᬢ᭄ᬦᬵᬣᬲᬫᬶ᭞ᬫᬓᬲᬵᬓ᭄ᬱ᭄ᬬᬦᬶᬓᬗᬸᬚᬃ᭟᭑᭓᭟
[᭙᭗ 97A]
ᬲᬳᬸᬃᬫᬦᬸᬓ᭄ᬯᬢᭂᬓ᭄ᬳᬥᬶᬥᬶᬧᬢᬶ᭞ᬲᬳᬲᭂᬫ᭄ᬩᬄ᭞ᬬᬾᬓᬸᬓᬂᬲᬶᬦᬥ᭄ᬬ᭞ᬬᬦ᭄ᬲᬵᬫ᭄ᬧᬸᬦ᭄ᬧᬢᬶᬧᬢᬶᬦᬾ᭞ᬧᬢᬶᬄᬲᬗᬧᬢᬶᬄᬧᬢᬸᬄ᭞ᬚᬵᬢᬶᬭᬳᬬᬸᬭᬵᬢ᭄ᬲᬂᬫᬶ᭞ᬳᬦᬧᬹᬃᬯ᭄ᬯᬦᬶᬓᬂᬳᬸᬘᬧ᭄᭞ᬤᬰᬦᬦᬍᬗ᭄ᬓᬧ᭄ᬭᬪᬸ᭞ᬲᬫ᭄ᬧᬾ
ᬮᬦ᭄ᬳᬭᬶᬪᬶᬱᬡ᭞ᬢᬶᬦᬶᬗ᭄ᬕᬮᬦ᭄᭞ᬲᬂᬲᬵᬥᬸᬕᬶᬦᬯᬾᬯᬭᬶ᭞ᬳ᭄ᬯᬭᬭᬸᬢᬶᬓᬂᬚᬕᬢ᭄᭟᭑᭔᭟ᬫᬗ᭄ᬓᬦᬵᬢᬸᬃᬯᬢᭂᬓ᭄ᬳᬥᬶᬧᬢᬶ᭞ᬲᬶᬭᬂᬭ᭄ᬯ᭞ᬳᬃᬱᬬᬦ᭄ᬭᬸᬫᭂᬗ᭄ᬯᬵ᭞ᬲᬶᬦᬗ᭄ᬕᬸᬄᬳᬬᬸᬤᬤᬶᬦᬾ᭞ᬧᬦ᭄ᬤᬸᬃᬬ᭄ᬬᭀᬥᬦᬓᭀᬭ
ᬯᬾᬓᬸ᭞ᬬᬰᬓ᭄ᬭᬲᬵᬗᬹᬢ᭄ᬧ᭄ᬢᬶᬬᬸᬓ᭄ᬢᬶ᭞ᬫᬗ᭄ᬓᬾᬲᬶᬭᬲᬂᬧᬵᬡ᭄ᬟᬯ᭞ᬧᬶᬦᬳᬬᬸᬤᬾᬦᬶᬭᬂᬫ᭄ᬧᬸ᭞ᬪᬶᬦᬶᬱᬾᬓᬧᬯᬭᬗᬦ᭄᭞ᬭᬶᬗᬲ᭄ᬢᬶᬦ᭞ᬧᬥᬭᬳᬱ᭄ᬬᬦᬶᬂᬓᬵᬧ᭄ᬢᬶ᭞ᬧᬵᬡ᭄ᬟᬳᬓᬺᬢᬪᬸᬯᬦ᭟᭑᭕᭟ᬧᬥᬮᬸᬮᬸᬢ᭄ᬯᬤ᭄ᬯᬦ᭄ᬬᬵ
ᬦᬶᬯᬶ᭞ᬲᬂᬧᬵᬡ᭄ᬟᬯ᭞ᬯᬗᬸᬦᭂᬦ᭄ᬲ᭄ᬯᬭᬵᬚ᭄ᬬ᭞ᬇᬦ᭄ᬤ᭄ᬭᬮᭀᬓᬢᬸᬮᬓ᭄ᬫᬗ᭄ᬓᬾ᭞ᬳᬦᬧ᭄ᬭᬲ᭄ᬢᬰ᭄ᬯᬓᬃᬫ᭄ᬫᬾᬓᬸ᭞ᬲᬶᬭᬵᬓᭀᬓᬵᬤᬶᬦᬶᬂᬧᬸᬭᬶ᭞ᬢᬦ᭄ᬓᬲ᭄ᬯᬾᬦ᭄ᬤᬾᬦᬶᬂᬲᬂᬘᬧ᭄᭞ᬓᬂᬭᬵᬚ᭄ᬬᬲᬫᬯᬸᬲ᭄ᬧᬸᬧᬸᬢ᭄᭞ᬳᬶᬦᬭᬦᬦ᭄᭠
Kaca:Bali-lontar-gaguritan-pandawa-dasa-01-300ppi.pdf/97
Kaca puniki sampun kauji-wacén
