[᭙᭗ 97B]
᭙᭗
ᬇᬦ᭄ᬤ᭄ᬭᬧ᭄ᬭᬲ᭄ᬢ᭞ᬧᬸᬦᬂᬭᬵᬚ᭄ᬬ᭞ᬳᬬᬸᬦ᭄ᬬᬢᬦ᭄ᬲᬫᬾᬂᬪᬹᬫᬶ᭞ᬢᬸᬮ᭄ᬬᬲ᭄ᬯᬃᬕ᭄ᬕᬬᬦ᭄ᬧᭀᬧᬫ᭟᭑᭖᭟ᬓ᭄ᬭᬫ᭠ᬳᬬᬸᬳᬶᬓᬂᬦᬭᬲᬫᬶ᭞ᬧ᭄ᬭᬲᬫᬲᬸᬓ᭞ᬋᬦ᭄ᬤᬄᬳᬶᬓᬂᬚᬕᬢ᭄᭞ᬳᬸᬫᬤᭂᬕ᭄ᬲᬧᬜ᭄ᬘᬫᬗ᭄ᬓᬾ᭞ᬯᬃᬡ᭄ᬦᬦ᭄ᬫᬗ᭄ᬓᬾᬤᬾᬯᬶᬳᬶ᭠
ᬩᬸ᭞ᬫᬾᬗᭂᬢ᭄ᬭᬶᬂᬪᬶᬱᬫᬾᬂᬗᬹᬦᬶ᭞ᬧ᭄ᬭᬬᬵᬦᬗᬸᬦᬓᭂᬦ᭄ᬬᬚ᭄ᬜᬵ᭞ᬤ᭄ᬯᬶᬤᬰᬫᬵᬤ᭄ᬭᬶᬮᬦ᭄ᬧᬵᬡ᭄ᬟᬸ᭞ᬲᬵ᭠ᬫ᭄ᬧᬸᬦ᭄ᬓᬮᬸᬫ᭄ᬩ᭄ᬭᬳᬾᬂᬮᭀᬓ᭞ᬲᬧ᭄ᬭᬡᬯ᭞ᬧᬥᬓᬧᬶᬜ᭄ᬘᬫᬦ᭄ᬲᬫᬶ᭞ᬰᬮ᭄ᬯᬦᬶᬓᬂᬪᬵᬭᬢᬯᬃᬱ᭟᭑᭗᭟ᬢᬗᬾᬄᬳᬶᬓᬸ
ᬬᬜ᭄ᬘᬭᬶᬢᬫᬗ᭄ᬓᬶᬦ᭄᭞ᬮᬓᬸᬦᬶᬭᬂ᭞ᬕᬦ᭄ᬢᬷᬲᬂᬧᬵᬡ᭄ᬟᬯ᭞ᬳᬾᬫᭂᬂᬧᬗᬸᬘᬧ᭄ᬓᬯᬶᬦᬾ᭞ᬧᬦ᭄ᬬᬤᬸᬭᬦ᭄ᬢᬲ᭄ᬬᬯ᭄ᬭᬸᬄ᭞ᬭᬶᬂᬧᬹᬃᬯ᭄ᬯᬦᬶᬂᬳᬤᬶᬲᬫᬶ᭞ᬬᬾᬓᬸᬓ᭄ᬭᬡᬫᭂᬢ᭄ᬫᭂᬢ᭄ᬫᭂᬢᬦ᭄᭞ᬳᬶᬦᬸᬗ᭄ᬕᬸᬳᬓᭂᬦ᭄ᬭᬶᬂᬓᬶᬤᬸᬂ᭞ᬓᬲᬦ᭄ᬢᬯ᭄ᬬᬲᬲᬶᬂᬳᬃ
ᬱ᭞ᬬᬭᬸᬫᭂᬗ᭄ᬯᬵ᭞ᬳᬦᬮᬸᬧᬸᬢ᭄ᬓᬸᬭᬂᬍᬯᬶᬄ᭞ᬳᬦᬬᬦ᭄ᬤᬺᬫᬦ᭄ᬗᬸᬘᬧ᭄᭛᭜᭛ᬧᬸᬄᬅᬤ᭄ᬭᬶ᭟᭑᭟ᬓᬮᬲᬂᬧᬵᬡ᭄ᬟᬯᬲᬫᬕᬸᬯᬸᬕ᭄᭞ᬭᬶᬂᬧᬲᬾᬪᬵᬦ᭄ᬋᬓᬾ᭞ᬲᬫᬂᬚᬸᬭᬸᬦ᭄ᬬᬵᬓ᭄ᬯᬾᬄᬦᬗ᭄ᬓᬶᬮ᭄᭞ᬋᬱᬶᬰᬾᬯ
[᭙᭘ 98A]
ᬲᭀᬕᬢ᭞ᬲᬂᬰ᭄ᬭᬷᬓᬸᬦ᭄ᬢᬷᬮᭀᬦᬯᬸᬯᬸᬲ᭄᭞ᬩᬧᬭᬜ᭄ᬘᬗᬦᬬᬚ᭄ᬜᬵ᭞ᬲᬗᬧᬬᬾᬕ᭄ᬬᬳᬶᬦᬸᬢᬸᬲ᭄᭞ᬗᬸᬮᬢᬶᬓᬾᬲ᭄ᬬᬦᬶᬂᬯᬦ᭞ᬯᭃᬓ᭄ᬓᬲ᭄ᬢᬸᬭᬶᬩᬸᬭ᭄ᬯᬦ᭄ᬢᬸᬓᬂ᭟᭒᭟ᬢᬦ᭄ᬮᬾᬦ᭄ᬫᬗ᭄ᬓᬾᬲᬂᬪᬷᬫᬳᬶᬦᬸᬢᬸᬲ᭄᭞ᬧᬭᬾᬂᬯᬦᬋᬓᬾ᭞ᬗᬸ
ᬮᬢᬶᬓᬾᬲ᭄ᬬᬦᬶᬂᬲᬸᬘᬶ᭞ᬧᬦ᭄ᬲᬶᬭᬯᬸᬲ᭄ᬓᬢᭀᬦ᭄᭞ᬳᬓᬲᬕᬜ᭄ᬘᬂᬳᬓᬸᬓᬸᬄ᭞ᬲᬂᬪᬷᬫᬵᬤᬦ᭄ᬲᬶᬭᬮᬫ᭄ᬧᬄ᭞ᬯᬸᬲᬫ᭄ᬯᬶᬢᬶᬂᬚᭃᬂᬲᬂᬳᬶᬩᬸ᭞ᬫ᭄ᬯᬂᬲᬂᬓᬓᬬᬸᬥᬶᬱ᭄ᬝᬶᬭ᭞ᬲᬫᬳᬓᭀᬦ᭄ᬮᬸᬫᬫ᭄ᬧᬳ᭟᭓᭟ᬳᬶᬦᬶᬭᬶᬂᬤᬾᬓᬤᬾ
ᬳᬦ᭄ᬓᬃᬭ᭄ᬯᬾᬓᬸ᭞ᬯᬺᬥᬶᬩᬶᬦᬭᬦᬾ᭞ᬕᬕᬓᬫ᭄ᬧ᭄ᬯᬦᬭᬦ᭄ᬬᬲᬶᬓᬶ᭞ᬢᬦ᭄ᬓᬾᬢᬸᬂᬲᬂᬳᬦᬾᬂᬓᬥ᭠ᬢᭀᬦ᭄᭞ᬢᬸᬘᬧᬦ᭄ᬲᬂᬪᬶᬫᬵᬮᬓᬸ᭞ᬮᬶᬯᬃᬤᬾᬰᬧ᭄ᬭᬵᬧ᭄ᬢᬾᬂᬯ᭞ᬫᬶᬤᭂᬃᬲᬶᬭᬳᬦᬦᬸᬲᬸᬧ᭄᭞ᬢ᭄ᬗᬳᬶᬂᬯᬦᬲᬶᬓᬕᬭ᭞ᬢ
ᬦ᭄ᬓᬢᭀᬦ᭄ᬓᬗᬶᬦᬸᬮᬢᬦ᭄᭟᭔᭟ᬳᬦᬲᬶᬭᬧᬓ᭄ᬱᬶᬭᬵᬚᬭᬯᬸᬄ᭞ᬧᬓ᭄ᬖᬶᬳᬫᬭᬦᬾ᭞ᬘᬸᬘᬸᬓ᭄ᬘᬸᬭᬶᬕᬳ᭄ᬮᬃᬕᬗ᭄ᬲᬶ᭞ᬕᭃᬂᬓ᭄ᬭᬸᬭᬭᬹᬧᬓᬢᭀᬦ᭄᭞ᬓᬤᬶᬕᬸᬦᬸᬂᬯᭃᬃᬓᬤᬸᬮᬸ᭞ᬫᬶᬤᭂᬃᬫᬗᬸᬮᬢᬶᬫᬗ᭄ᬲ᭞ᬲᬵᬲᬶᬂᬘᬸᬘᬸᬓ᭄ᬦ᭄ᬬ
Kaca:Bali-lontar-gaguritan-pandawa-dasa-01-300ppi.pdf/98
Kaca puniki sampun kauji-wacén
