[᭘᭒ 82B]
᭘᭒
ᬲᬶᬭᬧᬦᬮᬭᬦ᭄᭞ᬤᬤᬷᬓᬓ᭄ᬭᭀᬥᬵᬫᬍᬲᬦ᭄ᬓᬸᬂ᭟᭗᭟ᬦᬫᬾᬢ᭄ᬲᬸᬓᬸᬦ᭄ᬤᬿᬢ᭄ᬬᬓᬮᬶᬄᬧᬶᬦᬦ᭄ᬢᬶᬗᬦ᭄᭞ᬢᬶᬩᬵᬗᬦ᭄ᬢᭂᬧᬶᬂᬯᬢᬸ᭞ᬚᬶᬦᬫ᭄ᬩᬓᬶᬂᬕᬹᬮᬹ᭞ᬩᬢᬸᬦ᭄ᬦ᭄ᬬᬓᬢ᭄ᬯᭂᬓᬶᬂᬦᬓᬶ᭞ᬫᬢᬶᬓᬧᬶᬲᬦᬦ᭄᭞ᬭᬄᬦ᭄ᬬᬳᬫᬸᬮᬓᬦ᭄ᬫᭂ᭠
ᬢᬸ᭞ᬩᬓᬯᬸᬲ᭄ᬓᬯ᭄ᬦᬂ᭞ᬤᬾᬪᬷᬫᬢᬦ᭄ᬧᬗᬸᬦ᭄ᬤᬶᬮᬶ᭞ᬭᬫᬾᬲᬸᬭᬓᬶᬂᬯ᭄ᬯᬂᬫᬸᬮᬢ᭄᭞ᬯᬢᭂᬓᬶᬭᬓᬧᬮ᭠ᬬᬹ᭟᭘᭟ᬭᬶᬢ᭄ᬮᬲᬶᬓᬂᬫᬸᬃᬓ᭄ᬓᬫᬸᬮᬶᬄᬲᬶᬭᬂᬪᬶᬫ᭞ᬢᭂᬫ᭄ᬬᬾᬂᬲᬦᬓᬶᬩᬸ᭞ᬲᬂᬫ᭄ᬧᬸᬳᬚᬭᬚᬭᬶᬧᬸᬦ᭄᭞ᬯᬸᬲ᭄ᬳᬶᬮᬂᬕ᭄ᬮᭂᬂᬦᬶᬂᬪᬹᬫᬶ᭞ᬲᬸᬓ
ᬲᬫᬲᬂᬭᬸᬫᭂᬗ᭄ᬯᬵ᭞ᬫᬓᬤᬶᬲᬂᬫᬳᬵᬪᬶᬓ᭄ᬱᬸ᭞ᬳᬦ᭄ᬢ᭄ᬬᬦ᭄ᬮᬸᬮᬸᬢᬶᬭ᭞ᬫᬸᬮᬢᬶᬲᬂᬳᬜᬃᬧ᭄ᬭᬵᬧ᭄ᬢᬶ᭞ᬲᬓᬲᬚ᭄ᬜᬳᬶᬦᬸᬮᬸᬭᬦ᭄᭞ᬓᬶᬦᬲᬶᬳᬦ᭄ᬤᬾᬦᬶᬓᬂᬪᬹᬄ᭟᭙᭟ᬧᬶᬭᬓᬸᬦᬂᬮᬯᬲ᭄ᬫᬭᬶᬂᬏᬓᬘᬓ᭄ᬭ᭞ᬳᬦ᭄ᬢ᭄ᬬᬦ᭄ᬲᬸᬓᬭᬫ᭄ᬬᬦᬶᬂᬪᬹᬄ᭞
ᬯ᭄ᬮᭂᬢᬶᬓ᭄ᬲᬃᬯ᭄ᬯᬢᬦ᭄ᬤᬸᬃ᭞ᬩᬸᬤ᭄ᬟᬶᬦᬶᬂᬯ᭄ᬯᬧᬥᬯ᭄ᬮᬲ᭄ᬲᬶᬄ᭞ᬫᬦᬸᬗ᭄ᬲᬸᬂᬲᬂᬧᬵᬡ᭄ᬟᬯ᭞ᬲᬕᬸᬯᬸᬲᬤᬶᬦᬳᬢᬸᬃ᭞ᬢᬥᬄᬧᬲᬚᬶᬪᭀᬕ᭞ᬲᬤ᭄ᬭᬲᬫ᭄ᬯᬂᬲᬶᬂᬓᬪᬹᬓ᭄ᬢᬶ᭞ᬫᬗ᭄ᬓᬾᬲᬶᬭᬲᬂᬧᬵᬡ᭄ᬟᬯ᭞ᬭᬸᬫᭂᬗ᭄ᬯᬳᬸᬚᬃᬯ᭄ᬯᬂᬤᬸᬲᬸᬦ᭄᭟᭑᭐᭟ᬳᬦᬭ
[᭘᭓ 83A]
ᬓ᭄ᬯᬬᬚ᭄ᬜᬫᬭᬶᬂᬭᬵᬢ᭄ᬧᬵᬜ᭄ᬘᬮ᭞ᬤ᭄ᬭᬸᬤᬳᬓᬺᬢᬶᬳᬬᬸ᭞ᬜᬾᬯᬫ᭄ᬩᬭᬲᬹᬦᬸ᭞ᬫᬗᬭᬦ᭄ᬭᬵᬢ᭄ᬦᬤ᭄ᬭᭀᬧᬤᬶ᭞ᬲᬶᬭᬢᬳᬕ᭄ᬭᬶᬬᬲᬵᬭ᭞ᬫᬓᬲᬤᬦᬫ᭄ᬭᬶᬄᬮᬸᬮᬸᬢ᭄᭞ᬲ᭄ᬬᬧᬲᬶᬤ᭄ᬟᬵᬗ᭄ᬮᭂᬧᬲ᭄᭞ᬬᬾᬓᬸᬓᬵᬃᬫ᭄ᬫᬦᬶᬭᬲᬂᬤᬾᬯᬶ᭞ᬳᬧᬃᬯ᭄ᬯᬵ
ᬫ᭄ᬩᭂᬓ᭄ᬲᬗᬃᬚ᭄ᬚᬸᬦ᭞ᬲᬚ᭄ᬜᬲᬶᬤ᭄ᬟᬫᭀᬮᬶᬳᬦ᭄ᬤᬸᬮᬸ᭟᭑᭑᭟ᬓᬮᬲᬂᬧᬵᬡ᭄ᬟᬯᬲᬫᬶᬳᬕᬸᬡᬶᬢ᭞ᬧ᭄ᬭᬬᬳᬫ᭄ᬯᬶᬢᬶᬂᬲᬂᬫ᭄ᬧᬸ᭞ᬮᬸᬗ᭄ᬳᬳᬦ᭄ᬤᬸᬤᬸᬮᬸ᭞ᬫᬭᬶᬂᬧᬵᬜ᭄ᬘᬮᬦᬵᬕᬭᬶ᭞ᬧ᭄ᬭᬵᬧ᭄ᬢᬂᬩ᭄ᬬᬵᬲᬵᬯᬘᬦ᭞ᬢᬦ᭄ᬲᬗ᭄ᬕᬳᭂᬦ᭄ᬤᬾᬦ᭄ᬬᬮᬓᬸ᭞ᬓᬶ
ᬦᭀᬦ᭄ᬧ᭄ᬯᬲᬶᬭ᭞ᬭᬶᬂᬓᬸᬫ᭄ᬩ᭄ᬭᬓᬲᬮᬵᬰ᭄ᬭᬫᬶ᭞ᬳᬦᬲᬶᬭᬂᬋᬱᬤᭀᬫ᭄ᬬ᭞ᬬᭀᬕ᭄ᬬᬵᬧᬶᬦ᭄ᬢᬓᬲᬶᬄᬢᬸᬢ᭄ᬮᬓᬸ᭟᭑᭒᭟ᬭᬶᬯᬸᬲᬶᬭᬂᬩ᭄ᬬᬲᬋᬱᬶᬳᬯᬘᬦ᭞ᬧᬵᬡ᭄ᬟᬯᬵᬢᬸᬃᬯᭀᬢ᭄ᬲᬵᬦ᭄ᬢᬸᬦ᭄᭞ᬘᭂᬢ᭄ᬩ᭄ᬬᬲᬢᬦ᭄ᬓᬦ᭄ᬢᬸᬦ᭄᭞ᬧᬵᬡ᭄ᬟᬯᬰ᭄ᬭᬸᬭᬵ
ᬫ᭄ᬯᬶᬢ᭄᭞ᬭᬶᬓᬾᬂᬋᬱᬶᬪᬶᬓ᭄ᬱᬓᬃᬫ᭄ᬫ᭞ᬢ᭄ᬳᭂᬃᬲᬶᬭᬵᬓᭀᬦ᭄ᬮᬸᬫᬓᬸ᭞ᬫᬸᬗ᭄ᬲ᭄ᬬᬾᬂᬤᭀᬫ᭄ᬬᬵᬰ᭄ᬭᬫ᭞ᬲᬶᬭᬬᭀ᭠ᬕ᭄ᬬᬰ᭄ᬭᬬᬓᬦ᭄ᬢᬶ᭞ᬳᬶᬦᬸᬜ᭄ᬘᬭᬦ᭄ᬚᬬᬚᬬ᭞ᬲᬂᬧᬵᬡ᭄ᬟᬯᬵᬦᬫ᭄ᬩᬄᬢᬸᬃᬮᬓᬸ᭟᭑᭓᭟ᬭᬶᬢ᭄ᬮᬲᬶᬭᬂᬲᬗᬮᬭᬶᬲ᭄᭞ᬲᬂ᭠
Kaca:Bali-lontar-gaguritan-pandawa-dasa-01-300ppi.pdf/83
Kaca puniki sampun kauji-wacén
