[᭘᭓ 83B]
᭘᭓
ᬯᬶᬦᬶᬗ᭄ᬕᬮ᭄᭞ᬲᬓ᭄ᬯᬾᬄᬳᬶᬂᬯ᭄ᬯᬗᬲ᭄ᬫᬸᬫᬗᬸ᭞ᬭᬲᬢᬦ᭄ᬧᬩᬵᬬᬸ᭞ᬗᬸᬗᬸᬦ᭄ᬲᬫᬲ᭄ᬫᬸᬓᬶᬗ᭄ᬓᬶᬂ᭞ᬧᬥᬦ᭄ᬬᬓᬧ᭄ᬕᬢᬶᬗᬫᬺᬢ᭞ᬓᬬᬢᬶᬗ᭄ᬕᬮ᭄ᬳ᭄ᬬᬂᬦᬶᬓᬂᬪᬹᬄ᭞ᬳᬶᬥᭂᬧᬶᬥᭂᬧᬶᬂᬯ᭄ᬯᬂ᭞ᬲᬫᬗᬲ᭄ᬢᬸᬢ᭄ᬬᬾᬂᬯᬶᬥᬶ᭞ᬳᬗ᭄ᬤᬾᬲᬂᬧᬵᬡ᭄ᬟᬯᬚᬬ᭞ᬲ
ᬧᬮᬓ᭄ᬯᬦ᭄ᬳᬦ᭄ᬫᬸᬳᬬᬸ᭟᭑᭔᭟ᬢᬦᬸᬘᬧᭂᬦᬶᬓᬂᬪᬹᬫᬶᬏᬓᬘᬓ᭄ᬭ᭞ᬮᬫ᭄ᬧᬄᬲᬂᬧᬵᬡ᭄ᬟᬯᬓᬾᬢᬸᬂ᭞ᬳᬤᭀᬄᬤᬾᬦ᭄ᬬᬮᬓᬸ᭞ᬮᬶᬯᬢ᭄ᬧᬤᬸᬦᬶᬓᬂᬪᬹᬫᬶ᭞ᬥᬢᭂᬂᬫᬥ᭄ᬬᬦᬶᬂᬓᬦᬦ᭞ᬲᬂᬳ᭄ᬬᬗᬃᬓ᭄ᬓᬫᬾᬄᬲᬸᬫᬸᬭᬸᬧ᭄᭞ᬥᬃᬫ᭄ᬫᬫᬹᬃᬢ᭄ᬢᬶᬗᬸ᭠
ᬘᬧ᭄᭞ᬳᬃᬚ᭄ᬚᬸᬦᬓᭀᬦ᭄ᬮᬸᬫᬓᬸᬭᬶᬳᬶᬦ᭄᭞ᬫᬓᬧᬤ᭄ᬬᬸᬢ᭄ᬩ᭄ᬭᬵᬳ᭄ᬫᬰᬶᬭᬄ᭞ᬲᬶᬗ᭄ᬳᬫᬦ᭄ᬢ᭄ᬭᬶᬗᭂᬫ᭄ᬩᬦ᭄ᬲ᭠ᬗᬶᬩᬸ᭟᭑᭕᭟ᬓᬓᬘᭂᬦ᭄ᬤᭂᬓᬦᬶᬗᬶᬩᬸᬬᬬᬶᬓᬭᭀ᭞ᬓᬶᬢᬧᬫᬸᬦ᭄ᬢᬢᬶᬂᬮᬓᬸ᭞ᬬᬵᬢ᭄ᬦᬲᬫᬵᬦᬸᬲᬸᬧ᭄᭞ᬳᬧᬦᬓ᭄ᬯᬾᬄ
ᬪᬾᬤᬦ᭄ᬬᬬᬬᬶ᭞ᬲᬗᬃᬚ᭄ᬚᬸᬦᬯᬯᬂᬮᬫ᭄ᬧᬄ᭞ᬫᬸᬱ᭄ᬝᬶᬩ᭄ᬭᬵᬳ᭄ᬫᬰᬶᬭᬄᬫᬸᬭᬸᬩ᭄᭞ᬮ᭄ᬯᬶᬃᬩᬸᬮᬦ᭄ᬧᬹᬃᬡ᭄ᬦᬫ᭞ᬳᬗᬮᬂᬦᬶᬓᬂᬫᬃᬕ᭄ᬕᬶ᭞ᬢᬦ᭄ᬮᬶᬗᭂᬦ᭄ᬲᬂᬳᬦᬾᬂᬳᬯᬦ᭄᭞ᬳᬦᬤᬾᬯᬳᬓ᭄ᬭᬫᬾᬂᬢᬸᬭᬸᬦ᭄᭟᭑᭖᭟ᬧᬲᬫ᭄ᬯᬦᬶᬂᬳᬭᬦ᭄ᬓᬮᬶᬄ
[᭘᭔ 84A]
ᬤ᭄ᬬᬄᬭᬶᬡᬸᬓ᭞ᬳᬗ᭄ᬕᬭᬓ᭄ᬭᬡᬲᬂᬚᬮᬸ᭞ᬲᬚ᭄ᬜᬵᬧᬸᬮᬂᬮᬸᬮᬸᬢ᭄᭞ᬭᬶᬂᬯᬦᬳᬲᬶᬮᬶᬳᬲᬶᬄ᭞ᬢᬦ᭄ᬳᬦᬲᬗ᭄ᬰᬬᬾᬂᬘᬶᬢ᭄ᬢ᭞ᬦᭂᬗ᭄ᬕᬾᬄᬢᬦᬦᬯ᭄ᬯᬗᬮᬓᬸ᭞ᬤᬤᬶᬓᬶᬦᭂᬢᬶᬲᬦ᭄᭞ᬤᬾᬳᬵᬃᬚ᭄ᬚᬸᬦᬳᬦᬸᬮᬸᬳᬶ᭞ᬓᬕ᭄ᬬᬢ᭄ᬲᬶᬭᬲᬂᬫᬓ᭄ᬭᬶᬥ᭞
ᬯᬗᬸᬦ᭄ᬓ᭄ᬭᭀᬥᬳᬲ᭄ᬯ᭄ᬭᬵᬫᬸᬯᬸᬲ᭄᭟᭑᭗᭟ᬳᬶᬄᬯ᭄ᬯᬂᬘᬶᬢ᭄ᬢᬩᬸᬤ᭄ᬟᬶᬦ᭄ᬢᬧᬗᬧ᭞ᬮᬗ᭄ᬖ᭄ᬬᬾᬗᬸᬮᬄᬳᬵᬫ᭄ᬩᭂᬓ᭄ᬤᬸᬤᬹ᭞ᬢᬦ᭄ᬓᬘᬶᬃᬬ᭄ᬬᬦ᭄ᬮᬓᬸ᭞ᬲᭂᬗ᭄ᬕᬄᬓᬸᬲᬶᬦᬳᬶᬂᬰᬰᬶᬄ᭞ᬦᬯ᭄ᬬᬓᬶᬢᬤᬸᬤᬹᬦᬶᬂᬯ᭄ᬯᬂ᭞ᬚᬢᬶᬧ᭄ᬭᬘᬦ᭄ᬤᬭᬾᬓᬫᬸ᭞ᬢᬦ᭄ᬢᬸᬳᬸᬭᬶᬗᬸᬮᬄ᭞ᬢᬸ
ᬯ᭄ᬬᬩᬸᬲ᭄ᬬᬢ᭄ᬓᬶᬢᬵᬚᬦ᭄ᬫᬶ᭞ᬲᬗᬃᬚ᭄ᬚᬸᬦᬵᬫᭂᬡ᭄ᬟᭂᬫ᭄ᬓᬸᬮ᭞ᬫᬶᬦ᭄ᬢᬓᬲᬶᬄᬮᬸᬧᬸᬢᬶᬂᬮᬓᬸ᭟᭑᭘᭟ᬲᬺᬗᭂᬦ᭄ᬲᬶᬭᬲᬂᬕᬦ᭄ᬟᬃᬯ᭄ᬯᬭᬵᬚᬵᬫᬂᬧᬂ᭞ᬤᬾᬦᬶᬂᬓᬵᬕᬸᬗᬦᬶᬂᬯᬸᬬᬸᬂ᭞ᬲᬵᬳᬲᬵᬫᬸᬓᬸᬮ᭄᭞ᬢᬦᬮᬂᬤᬾᬦᬶᬭᬂᬗ᭄ᬕᬶᬢᬶᬓ᭄᭞ᬲᬗᬃᬚ᭄ᬚᬸᬦᬵᬭᬲ
ᬭᬲ᭞ᬮ᭄ᬯᬶᬃᬲᬢᬦᬫᬾᬢᬶᬂᬚᬕᬸᬢ᭄᭞ᬯᭂᬢ᭄ᬯᬕᬮᬓᬶᬭ᭞ᬓᬸᬫ᭄ᬢᭂᬃᬢᬗᬦ᭄ᬬᬓᬮᬶᬄᬫᬸᬓᬮ᭄ᬯᬶᬃᬭᬦ᭄ᬤᬯᬦᬮ᭞ᬯᭂᬢ᭄ᬯᬓ᭄ᬭᭀᬥᬤᬾᬦᬶᬭᬵᬯᬸᬯᬸᬲ᭄᭟᭑᭙᭟ᬳᬾᬄᬓᬶᬢᬤᬾᬯᬵᬫ᭄ᬩᭂᬓ᭄ᬚᬸᬢᬶᬧ᭄ᬭᬵᬧ᭄ᬢᬾᬂᬚᬕᬢ᭄᭞ᬢᬦᬮᬂᬤᬾᬦ᭄ᬢᬵᬯᬸ
Kaca:Bali-lontar-gaguritan-pandawa-dasa-01-300ppi.pdf/84
Kaca puniki sampun kauji-wacén
