[᭓᭗ 37B]
᭓᭗
ᬗ᭄ᬰᬬᬾᬗ᭄ᬳᬢᬶ᭞ᬧᬶᬲᬦ᭄ᬢᬹᬢ᭄ᬧᬭᬦ᭄ᬬ᭞ᬤᬸᬮᬸᬭᬦᬤᬾᬦᬶᬂᬲᬸᬭᬓ᭄᭞ᬕᬯᬾᬳᬾᬯᬧᬓ᭄ᬱᬶᬧᬓ᭄ᬱᬶ᭞ᬯᬯᬂᬮᬸᬫᬭᬧ᭄᭞ᬫᬲᬸᬭᬓ᭄ᬳᬯᬦ᭄ᬢᬶᬯᬦ᭄ᬢᬶ᭟᭑᭔᭟ᬤᬤᬶᬓᬕ᭄ᬬᬢ᭄ᬧᬓ᭄ᬱᬶᬓᬭ᭄ᬯᬵᬗ᭄ᬮᬶᬄᬓᬗᬾᬮᬦ᭄᭞ᬳᬗᬫᭂᬃᬲᬂ
ᬦᬺᬧᬓᬮᬶᬄ᭞ᬲᬭᬢ᭄ᬮ᭄ᬯᬶᬃᬧᬶᬃᬯ᭄ᬯᬢ᭞ᬲᬬᬦ᭄ᬕᬸᬦ᭄ᬢᬸᬃᬧᬗ᭄ᬮᬬᬂᬦ᭄ᬬ᭞ᬯᬸᬲ᭄ᬤᭀᬄᬳᬦᬄᬲᬓᬶᬂᬮᬗᬶᬢ᭄᭞ᬓᬺᬱ᭄ᬡᬓᬓᬵᬃᬱᬡ᭞ᬬᬢ᭄ᬦᬵᬫᬍᬲ᭄ᬧ᭄ᬭᬬᬵᬂᬕᬶᬢᬶᬓ᭄᭟᭑᭕᭟ᬢᬗᬦ᭄ᬓᬶᬯᬦ᭄ᬓᬸᬂᬩᬵᬳᬸᬦᬶᬓᬂᬧ᭄ᬱ᭄ᬬ᭞ᬓᬂᬢ᭄ᬗᭂᬦᬰ᭄ᬭᬸᬫᬸ
ᬓᬸᬮᬶ᭞ᬧᬋᬗᬦᬓᬭᬾ᭞ᬫᬹᬃᬘ᭄ᬘᬲᬂᬧᬶᬦᬮ᭄ᬯᬦ᭄᭞ᬢᬂᬭᬵᬄᬮ᭄ᬯᬶᬃᬳᬸᬤᬦ᭄ᬤᬺᬲ᭄ᬫᬶᬚᬶᬮ᭄᭞ᬢᬶᬩᬵᬭᬶᬂᬮ᭄ᬫᬄ᭞ᬮᬸᬗ᭄ᬳᬵᬚᬶᬯᬧᬓ᭄ᬱᬶᬓᬵᬮᬶᬄ᭟᭑᭖᭟ᬫᬸᬦ᭄ᬤᬸᬃᬢᬂᬩᬮᬬᬥᬸᬢᬦ᭄ᬧᬦᭀᬮ᭄ᬬᬢᬦ᭄ᬓᬾᬢᬂᬚᬸᬭᬂᬫ᭄ᬯᬂᬯᬸᬓᬶᬃ᭞ᬳᬢ᭄ᬤᬶᬓ
ᬢᬶᬢᬶᬳᬦ᭄᭞ᬭᬶᬂᬕᬸᬦ᭄ᬢᬸᬭᬶᬂᬧᬓ᭄ᬱᬶᬓᬭᭀ᭞ᬓᬤᬶᬕᬺᬄᬢᬸᬫᬶᬩᬾᬂᬮᬗᬶᬢ᭄᭞ᬮ᭄ᬯᬶᬃᬕᬶᬭᬶᬋᬩᬄ᭞ᬰᬯᬦᬶᬓᬂᬧᬓ᭄ᬱᬶᬓᬵᬮᬶᬄ᭟᭑᭗᭟ᬓᬗ᭄ᬕᭂᬓ᭄ᬫᬸᬮᬢ᭄ᬭ᭄ᬯᬓᬾᬢᬸᬋᬱᬶᬭ᭄ᬯᬚᬬ᭞ᬭᬶᬂᬧᬢᬶᬦᬶᬂᬧᬓ᭄ᬱᬶᬓᬮᬶᬄ᭞ᬳᬦ᭄ᬢ᭄ᬬᬦ᭄
[᭓᭘ 38A]
ᬩ᭄ᬭᬵᬳ᭄ᬫᬦ᭄ᬢ᭄ᬬᬘᬶᬢ᭄ᬢ᭞ᬢᬶᬦᭂᬫ᭄ᬩᬗᬶᬓᬂᬧᬃᬯ᭄ᬯᬢ᭞ᬫᬶᬚᬶᬮ᭄ᬤᬿᬢ᭄ᬬᬵᬲᬸᬭᬓᬮᬶᬄ᭞ᬬᬵᬓ᭄ᬱᬭᬵᬓ᭄ᬱᬲ᭞ᬯᬺᬓ᭄ᬱᬦ᭄ᬬᬫᭂᬢ᭄ᬯᬂᬪᬹᬢᬯ᭄ᬯᬶᬮ᭄᭟᭑᭘᭟ᬬᬢᬓᬶᬦᭀᬦ᭄ᬫᬗ᭄ᬰᬚᬦ᭄ᬫᬭᬭᬾᬭᭀᬭᭀ᭞ᬲᬸᬓᬢᬵᬫ᭄ᬩᭂᬓ᭄ᬳᬗ᭄ᬭᬫ᭄ᬧᬕᬶ᭞ᬳᬸ
ᬫᬸᬂᬲᬫᬕᬮᬓ᭄᭞ᬧᬥᬬᬗᬤᬸᬓᬰᬹᬭᬦ᭄᭞ᬲᬂᬓᬭᭀᬲᬶᬭᬳᬶᬦᬸᬗ᭄ᬲᬶ᭞ᬰ᭄ᬭᬹᬳᬶᬦᬶᬤᭂᬭᬦ᭄᭞ᬭᬶᬦᭂᬩᬸᬢ᭄ᬲᬂᬦᬺᬧᬓᬵᬮᬶᬄ᭟᭑᭙᭟ᬳᬦᬦᭂᬫ᭄ᬧᬮ᭄ᬫᬗ᭄ᬤᬸᬓ᭄ᬦᬶᬢᬶᬃᬫᬦᬸᬚᬄ᭞ᬳᬗ᭄ᬭᬶᬫ᭄ᬧᬲ᭄ᬫᬜᬸᬮᬶᬕᬶ᭞ᬳᬗ᭄ᬯᬢᬂᬳ
ᬫᬲᬃ᭞ᬳᬦᬜᬓ᭄ᬭᬫᬮ᭄ᬯᬾᬂᬕᬤᬵ᭞ᬳᬦᬳᬗ᭄ᬮᭂᬧᬲ᭄ᬲᬭᬾᬓᬶ᭞ᬮᬾᬦ᭄ᬩᬸᬤ᭄ᬟᬶᬫᬓ᭄ᬧᬓ᭄᭞ᬜᬸᬤᬶᬗᬧᬸᬲ᭄ᬧ᭄ᬭᬬᬫᬦ᭄ᬢᬶᬂ᭟᭒᭐᭟ᬳᬲ᭄ᬫᬸᬕᬶᬭᬂᬲᬂᬓᬭᭀᬬᬭᬶᬦᭂᬩᬸᬢᬦ᭄᭞ᬓᬬᬕᬸᬬᬸᬕᬸᬬᬸᬲᭂᬗᬶᬢ᭄᭞ᬧᭀᬮᬄᬦ᭄ᬬ
ᬭᬶᬂᬭᬡ᭞ᬓᬾᬯᬮᬢᬗᬦ᭄ᬲᬂᬓᬭᭀ᭞ᬫᬮᬗᬦᬶᬂᬰᬢ᭄ᬭᬸᬲᬫᬶ᭞ᬲᬶᬂᬓ᭄ᬦᬾᬦᬩᭂᬢᬦ᭄᭞ᬲᬭᬢᬶᬓᭂᬮ᭄ᬤᬿᬢ᭄ᬬᬵᬗ᭄ᬫᬲᬶᬦ᭄᭟᭒᭑᭟ᬭᬶᬢ᭄ᬮᬲᬶᬓᬂᬤᬿᬢ᭄ᬬᬵᬲᬸᬭᬢᬦ᭄ᬧᬩᬶᬱ᭞ᬓ᭄ᬭᭀᬥᬲᬶᬭᬂᬋᬱᬶᬓᬮᬶᬄ᭞ᬫᬦᭀ
Kaca:Bali-lontar-gaguritan-pandawa-dasa-01-300ppi.pdf/38
Kaca puniki sampun kauji-wacén
