[᭓᭘ 38B]
᭓᭘
ᬦ᭄ᬭᬭᬾᬭᭀᬭᭀ᭞ᬲᬳᬲᬳᬦᬭᬶᬓ᭄ᬮᬭᬲ᭄᭞ᬩᬵᬬᬸᬩᬚ᭄ᬭᬓᬍᬧᬲ᭄ᬫᬗ᭄ᬓᬶᬦ᭄᭞ᬲᬶᬤ᭄ᬟᬶᬫᬶᬦᬦ᭄ᬢ᭄ᬭᬦ᭄᭞ᬲᬾᬦ᭄ᬤᬸᬂᬭᬶᬯᬸᬢ᭄ᬧᬯᬦᬕᬢᬶ᭟᭒᭒᭟ᬳᬶᬦᬫ᭄ᬧᭂᬳᬦ᭄ᬲᬂᬓᬺᬱ᭄ᬡᬓᬓᬃᬱᬡᬮᬕ᭞ᬢᬶᬩᬵᬓᬦ᭄ᬢᭂᬧ᭄ᬤᭀᬄᬭᬶᬂ
ᬕᬶᬭᬶᬂ᭞ᬗ᭄ᬳᬶᬂᬢᬦ᭄ᬩᬶᬲᬮᬭ᭞ᬓᬭ᭄ᬯᬢᬶᬦᬫ᭄ᬧ᭄ᬬᬮ᭄ᬭᬶᬂᬰᬾᬮ᭞ᬰᬾᬮᬋᬫᭂᬓ᭄ᬤᬤᬶᬳᬲ᭄ᬢᬶ᭞ᬓᬺᬱ᭄ᬡᬓ᭠ᬓᬃᬱᬡ᭞ᬫᬤᭂᬕ᭄ᬓ᭄ᬭᭀᬥᬢᬦᬕᬶᬕᬶᬲ᭄᭟᭒᭓᭟ᬲᬚ᭄ᬜᬧᬗ᭄ᬕᬶᬳᬦᬲᬂᬫᬓ᭄ᬭᬫᬤᬸᬱ᭄ᬝ᭞ᬳᬾᬗ᭄ᬕᬮ᭄ᬢᬸᬫ᭄ᬭᬧᬶᬓᬂᬕᬶᬭᬶ᭞
ᬧ᭄ᬭᬵᬧ᭄ᬢᬭᬶᬂᬩᬜ᭄ᬘᬂᬦ᭄ᬬ᭞ᬓᬢᭀᬦᬶᬭᬂᬋᬱᬶᬭᭀᬭᭀ᭞ᬧᬥᬳᬗᬕᭂᬫ᭄ᬰᬬᬓᬶ᭞ᬲᬂᬓᬺᬱ᭄ᬡᬵᬗᬸᬘᬧ᭄᭞ᬓᬓᬬᬾᬓᬶᬫᬶᬖ᭄ᬦᬦᬶᬦ᭄᭟᭒᭔᭟ᬦᬵᬮᬶᬂᬓᬺᬱ᭄ᬡᬲᬳᬸᬭᬶᬭᬂᬓᬃᬱᬡ᭞ᬢᬸᬳᬸᬓᬬᬮᬶᬂᬢᬬᬬᬶ᭞ᬧᬋᬂᬧ
ᬋᬓᬦ᭞ᬢᬦ᭄ᬢ᭄ᬯᬦᬲᬧᬓ᭄ᬱᬦ᭄ᬬ᭞ᬬᬦ᭄ᬯᬶᬓᬸᬥᬃᬫ᭄ᬫᬲᬸᬚᬵᬢᬶ᭞ᬓᬰᬦ᭄ᬢᬦᬶᬗᬸᬮᬄ᭞ᬯᬶᬓᬸᬫᬹᬃᬓ᭄ᬓᬯ᭄ᬦᬂᬧᬢ᭄ᬯᬦᬶ᭟᭒᭕᭟ᬦ᭄ᬤᬦ᭄ᬫᬗ᭄ᬓᬦᬮᬶᬗᬶᬭᬓᬓᬃᬱᬡ᭞ᬲᬂᬓᬺᬱ᭄ᬡᬯᬯᬂᬫᬺᬧᭂᬓᬶ᭞ᬓᬕ᭄ᬬᬢ᭄ᬲᬂᬧᬶᬦᬭᬦ᭄᭞ᬫᬸᬘᬧ᭄
[᭓᭙ 39A]
ᬫ᭄ᬯᬄᬲᬶᬭᬬᬦ᭄ᬧ᭄ᬭᬵᬧ᭄ᬢ᭞ᬳᬮᬶᬩ᭄ᬯᬸᬯᬸᬦᬦ᭄ᬢᬓᬮᬶᬄ᭞ᬢᬦ᭄ᬢᬺᬱ᭄ᬡᬾᬂᬚᬶᬯ᭞ᬲᭂᬗ᭄ᬕᬸᬄᬢᬰᬸᬦ᭄ᬬᬭᬶᬂᬕᭂᬭᬶ᭟᭒᭖᭟ᬓᬫᬶᬫᬗ᭄ᬓᬾᬫᬮᬗᬦᬮᬫ᭄ᬧᬄᬓᬶᬢ᭞ᬤᭀᬄᬧᬭᬓᬶᬢᬵᬦ᭄ᬫᬸᬬᬸᬓ᭄ᬢᬶ᭞ᬬᬦ᭄ᬧᬵᬓ᭄ᬱᬳᬸᬭᬶᬧ᭞ᬦ᭄ᬤᬯᭂᬕ᭄ᬧᬫᬸᬮᬶ
ᬳᬓᬶᬢ᭞ᬳᬾᬫᬦ᭄ᬭᬸᬧᬦ᭄ᬢᬢ᭄ᬓᬾᬂᬧᬢᬶ᭞ᬬᬦ᭄ᬧᬓ᭄ᬱᬵᬮᬕ᭞ᬲᬫ᭄ᬩᬯᬤᬵᬢ᭄ᬓᬶᬢᬫ᭄ᬦᬗᬶ᭟᭒᭗᭟ᬓᬶᬢᬭᬭᬾᬫᬸᬤᬓᬭᭀᬓᬸᬫᬧ᭄ᬭᬚ᭄ᬜᬦ᭄᭞ᬢᬶᬫ᭄ᬩᬂᬢᬶᬫ᭄ᬩᬗᬦᬓᬫᬶ᭞ᬓᬬᬧᬸᬦ᭄ᬲᭀᬤᬫ᭞ᬲᬥ᭄ᬬᬵᬦᬭᬸᬂᬲ᭄ᬦᬵᬦᬶᬂᬘᬦ᭄ᬤ᭄ᬭ᭞
ᬮ᭄ᬯᬶᬃᬘᬩᭀᬮ᭄ᬳᬦᬸᬗ᭄ᬓᬧ᭄ᬕᬶᬭᬶ᭞ᬓᬧᬦᬂᬲᬶᬤ᭄ᬟᬵ᭞ᬓᬶᬢᬫᬦ᭄ᬤᬸᬓᬦᬓᬫᬶ᭟᭒᭘᭟ᬦᬳᬦ᭄ᬮᬶᬂᬲᬂᬋᬱᬶᬓᬭᭀᬲᬶᬦᬳᬸᬭᬦ᭄᭞ᬳᬾᬄᬓᬶᬢᬯᬶᬓᬸᬫ᭄ᬩᭃᬓ᭄ᬚᬸᬢᬶ᭞ᬢᬦ᭄ᬢᬹᬢ᭄ᬓ᭄ᬭᬫᬋᬱ᭄ᬬ᭞ᬋᬱᬶᬧᬭᬦ᭄ᬩᬸᬤ᭄ᬟᬶᬫᬹᬃᬓ᭄ᬓ᭞ᬦᬯ᭄ᬬᬯᬶᬓᬸ
ᬢᬦ᭄ᬧᬳᬚᬶ᭞ᬢᬦ᭄ᬫᬯᬥᬃᬫ᭄ᬫ᭞ᬯᬶᬓᬸᬦᬶᬘ᭄ᬙᬓᬸᬭᬂᬓᬾᬃᬣᬶ᭟᭒᭙᭟ᬤᬤᬶᬓᬶᬢᬳᬫᬮᬗᬦᬓᬸᬳᬮᬫ᭄ᬧᬄ᭞ᬢᬦ᭄ᬋᬗᭃᬕᬢ᭄ᬭᬦ᭄ᬬᬗᬹᬦᬶ᭞ᬦᬵᬫᬓᬗ᭄ᬰᬭᬵᬚ᭞ᬓᬲᬸᬫ᭄ᬩᬸᬗᬾᬂᬮᭀᬓᬾᬂᬲ᭄ᬯᬃᬕ᭄ᬕ᭞ᬓᬧᬢ᭄ᬫᬦ᭄ᬢ᭄ᬭᬶᬦ᭄ᬬᬲᬸ᭠
Kaca:Bali-lontar-gaguritan-pandawa-dasa-01-300ppi.pdf/39
Kaca puniki sampun kauji-wacén
