[᭒᭔ 24B]
᭒᭔
ᬢᬗᬶᬲ᭄ᬭᬶᬂᬧᬸᬭᬶ᭞ᬰ᭄ᬭᬸᬲᬶᬭᬫᬜ᭄ᬚᬶᬗᬶᬂᬧᬸᬭ᭞ᬓᬢᭀᬦ᭄ᬯᬶᬥᬸᬭᬭᬶᬦᬸᬩᬸᬂ᭞ᬤᬾᬦᬶᬂᬧ᭄ᬭᬘᬾᬝ᭄ᬬᬧ᭄ᬭᬳᬶᬲ᭄ᬢ᭄ᬭ᭄ᬬ᭞ᬢᬶᬦᬗᬶᬲᬦ᭄᭞ᬯᬶᬥᬸᬭᬲᬶᬭᬓᬦ᭄ᬢᬸᬳᬶᬓᬶ᭞ᬭᬳᬶᬂᬳᬲ᭄ᬢᬢᬦ᭄ᬧᬧ᭄ᬕᬢᬦ᭄᭟᭑᭓᭟ᬤᬤᬶᬫᬸᬯᬸᬲᬶᬭᬂᬧ
ᬭᬫᬋᬱᬶ᭞ᬫᬦᬦ᭄ᬢ᭄ᬯᬦ᭞ᬳᬸᬤᬸᬄᬳᬦᬓᬶᬗ᭄ᬯᬂ᭞ᬳᬸᬯᬸᬲᬦᬚ᭄ᬯᬢᬶᬲᬾ᭞ᬢᬶᬗ᭄ᬳᬮᬦᬓᬸᬯᬸᬲ᭄ᬭᬯᬸᬄ᭞ᬓᬕ᭄ᬬᬢ᭄ᬲᬓᬢᬳᬶᬂᬦᬗᬶᬲ᭄᭞ᬢᭀᬦ᭄ᬲᬂᬋᬱᬶᬲᬶᬭᬵᬦ᭄ᬢ᭄ᬓᬵ᭞ᬳᬾᬕᬃᬲᬫᬦᭂᬫ᭄ᬩᬄᬫᬢᬸᬃ᭞ᬗ᭄ᬓᬫᬓᬤᬶᬤ᭄ᬬᬄᬰ᭄ᬭᬫ
ᬯᬢ᭄ᬬ᭞ᬳᬫ᭄ᬓᬸᬮ᭄ᬧᬵᬤ᭞ᬢᬶᬗ᭄ᬳᬮᬦᬵᬦᬓᬶᬭᬾᬓᬶ᭞ᬪᬕ᭄ᬦᬵᬦᬦ᭄ᬤᬂᬓᬚᬦ᭄ᬢᬓᬵ᭟᭑᭔᭟ᬲᬗᬪᬶᬓ᭄ᬱᬸᬯᬯᬂᬳᬫᬺᬢ᭄ᬢᬦᬶᬦ᭄᭞ᬲᬂᬓᬦ᭄ᬢᬓᬵ᭞ᬲᬶᬭᬵᬃᬬ᭄ᬬᬯᬶᬥᬸᬭ᭞ᬯᬭᬲ᭄ᬲᬵᬓ᭄ᬱᬡᬓᬦᬶᬦᬾ᭞ᬫᬾᬗᭂᬢ᭄ᬫᬸᬗᬸᬲᬶᬭᬵᬮᬸ
ᬗ᭄ᬕᬸᬄ᭞ᬳᬦᭂᬫ᭄ᬩᬄᬧᬵᬤᬲᬂᬋᬱᬶ᭞ᬲᬶᬗ᭄ᬕᬶᬄᬩᬕ᭄ᬬᬳᬸᬮᬸᬦ᭄ᬢᬸᬳᬦ᭄᭞ᬢᬦ᭄ᬧᬭᬯᬢ᭄ᬫᬢ᭄ᬭᬫ᭄ᬧᬸᬭ᭠ᬯᬸᬄ᭞ᬓᬕᬾᬢ᭄ᬥᬺᬢᬭᬵᬱ᭄ᬝ᭄ᬭᬢ᭄ᬓᬵ᭞ᬫᬢᬸᬦ᭄ᬢᬸᬦ᭞ᬦᭂᬫ᭄ᬩᬄᬫᬵᬢᬸᬃᬭᬶᬂᬲᬂᬋᬱᬶ᭞ᬫᬗ᭄ᬓᬾᬢᬸᬮᬸᬲ᭄ᬳᬭᬶᬧᬶᬗ᭄ᬯᬂ᭟᭑᭕᭟ᬳ
[᭒᭕ 25A]
ᬯᬲᬦᬪ᭄ᬯᬦᬲᬶᬭᬂᬋᬱᬶ᭞ᬯᬮᬶᬓᬩᬾᬄ᭞ᬲᬶᬭᬂᬫᬦᬭᬦᬵᬣ᭞ᬲᬶᬭᬢᬸᬭᬸᬢ᭄ᬦᬵᬣᬓᬩᬾᬄ᭞ᬓᬾᬯᬮᬧᬜ᭄ᬘᬮᬳᬶᬓᬸ᭞ᬯᬶᬭᬵᬝᬮᬦ᭄ᬫᬤ᭄ᬭᬯᬢᬶ᭞ᬓᬭᬶᬢᬗ᭄ᬕ᭄ᬯᬦᬾᬗᬲ᭄ᬢᬦ᭞ᬲᬫᬲᬵᬫ᭄ᬧᬸᬦᬧ᭄ᬭᬂᬳᬶᬓᬸ᭞ᬫ᭄ᬯᬂᬧᬵᬡ᭄ᬟᬸ
ᬓᬭᬶᬭᬶᬂᬭᬡᬵ᭞ᬬᬦ᭄ᬓᬓ᭄ᬬᬧ᭞ᬢᬦ᭄ᬳᬦᬕᬢ᭄ᬭᬦ᭄ᬬᬧ᭄ᬭᬵᬧ᭄ᬢᬶ᭞ᬋᬱᬶᬪᬶᬱ᭄ᬫᬵᬯᬯᬂᬫᭀᬚᬃ᭟᭑᭖᭟ᬳᬄᬳᬸᬫ᭄ᬳᬸᬫ᭄ᬩᬧᬢᬦᬬᬫᬫᬶ᭞ᬳᬬ᭄ᬯᬤᬸᬄᬓ᭞ᬫᬗ᭄ᬓᬾᬳᬸᬮᬸᬦ᭄ᬮᬸᬗ᭄ᬳᬵ᭞ᬗᬸᬭᬶᬧ᭄ᬲᬵᬦᬦᬶᬂᬫᬵᬢᬶᬦᬾ᭞ᬯᬯᬂᬲᬶᬭᬵᬤᬦ᭄ᬮᬸᬫ
ᬓᬸ᭞ᬯᬶᬥᬸᬭᬢᬸᬫᬹᬢ᭄ᬳᬗᬶᬭᬶᬂ᭞ᬢᬦ᭄ᬯᬃᬡ᭄ᬦᬲᬂᬳᬦᬾᬂᬧᬸᬭ᭞ᬋᬱᬶᬯᬶᬥᬸᬭᬯᬸᬲ᭄ᬭᬯᬸᬄ᭞ᬭᬶᬂᬢᬶᬭᬳᬶᬂᬭᬡᬗ᭄ᬕᬡ᭞ᬳᬯᬲ᭄ᬫᬸᬮᬢ᭄᭞ᬓᬢᭀᬦ᭄ᬲᬳᬦᬦᬶᬂᬫᬢᬶ᭞ᬮ᭄ᬯᬶᬃᬕᬸᬦᬸᬂᬯᬗ᭄ᬓᬾᬳᬧᬲᬶᬄᬭᬵᬄ᭟᭑᭗᭟ᬓᬯ᭄ᬮᬲ᭄ᬳ᭄ᬬᬸᬦ᭄ᬲᬂ
ᬫᬳᬵᬬᬢᬶ᭞ᬫᬦᭀᬦ᭄ᬰᬯ᭞ᬰ᭄ᬭᬸᬧᬶᬦᬲᬗᬦ᭞ᬧᬯᬾᬄᬲᬂᬳ᭄ᬬᬂᬪᬭᬸᬡᬦᬾ᭞ᬲᬫᬲᬶᬦᬶᬭᬢᬦᬫᬺᬢ᭄ᬢᬾᬓᬸ᭞ᬲᬵᬲᬶᬂᬰᬯᬧᬥᬳᬸᬭᬶᬧ᭄᭞ᬓᬢ᭄ᬓᬾᬂᬲᬵᬭᬣᬶᬓᬸᬤᬮᬶᬫᬦ᭄᭞ᬲᬯᬂᬧᬸᬧᬸᬗᬦ᭄ᬳᬯᬸᬗᬸ᭞ᬩᬸᬓ
Kaca:Bali-lontar-gaguritan-pandawa-dasa-01-300ppi.pdf/25
Kaca puniki sampun kauji-wacén
