Kaca:Bali-lontar-gaguritan-pandawa-dasa-01-300ppi.pdf/24

Saking Wikisource
Kaca puniki sampun kauji-wacén

[᭒᭓ 23B]
᭒᭓
ᬮᬳᬦ᭞ᬳ᭄ᬬᬂᬳᬭᬶᬫᬓᬓᬦ᭄ᬢᬶᬦᬾ᭞ᬫᬗ᭄ᬓᬾᬲᬵᬫ᭄ᬧᬦ᭄ᬧᬥᬢᬸᬭᬸᬦ᭄᭞ᬫᬸᬗ᭄ᬲ᭄ᬬᬾᬂᬲᬳᭂᬗ᭄ᬕᭀᬦ᭄ᬬᬦᬤᬶ᭞ᬬᬾᬓᬸᬓᬯ᭄ᬭᬸᬳᬦᬩᬧ᭞ᬭᬶᬂᬢᬢ᭄ᬯᬦᬶᬂᬫᬹᬂᬓ᭄ᬓᬲᬵᬥᬸ᭞ᬲᬂᬲᬵᬥᬸᬓᬶᬦᬶᬭᬓᬶᬭ᭞ᬦᬶᬳᭀᬮᬶᬄᬫᬹᬃᬓ᭄ᬓ᭞ᬬ᭠
ᬓ᭄ᬭᬡᬦᬶᬂᬳᬦᬓᬵᬮᬶ᭞ᬭᬶᬂᬢ᭄ᬗᬳᬶᬓᬂᬓᬸᬭᬸᬓ᭄ᬱᬾᬢ᭄ᬭ᭟᭘᭟ᬫᬵᬃᬕ᭄ᬕᬦᬾᬓᬸᬧᬭᬦᬵᬣᬲᬫᬶ᭞ᬲᬶᬭᬵᬦ᭄ᬢᬓ᭞ᬭᬶᬂᬢᬸᬂᬢᬸᬗᬶᬂᬰᬭᬵ᭞ᬬᬦ᭄ᬧᬸᬭᬸᬱᬭᬶᬂᬧᬢᬶᬦᬾ᭞ᬚᬵᬢᬶᬲ᭄ᬯᬃᬕ᭄ᬕᬓᬂᬢᬶᬦᬸᬚᬸ᭞ᬬᬦ᭄ᬫᬯᬶᬭᬸᬦ᭄ᬫᬗ᭄ᬕᬶᬄᬯᬾᬘᬶ᭞ᬩᬶᬦ
ᬡ᭄ᬟᬵᬂᬬᬫᬦᬶᬮᭀᬓᬵ᭞ᬓᬾᬯᬮᬲᬂᬧ᭄ᬭᬵᬕᬲᬵᬥᬸ᭞ᬢᬦ᭄ᬫᬶᬮ᭄ᬯᬬᬫᬢ᭄ᬬᬾᬂᬭᬡ᭞ᬫᬗ᭄ᬓᬩᬧ᭞ᬫᬸᬮᬶᬳᬓᬶᬢᬤᬾᬦ᭄ᬳᬕ᭄ᬮᬶᬲ᭄᭞ᬧᬳᬬ᭄ᬯᬦᬳᬶᬓᬂᬚᬕᬢ᭄᭟᭙᭟ᬦᬳᬦ᭄ᬯᬸᬯᬸᬲᬶᬭᬲᬂᬳ᭄ᬬᬂᬚᬮᬤᬶ᭞ᬲᬸᬂᬦᬸᬕ᭄ᬭᬳ᭞ᬲᬶᬭ
ᬋᬱᬶᬪᬶᬡ᭄ᬫ᭞ᬓᬤᬶᬫᬲᬮᬶᬦ᭄‌ᬩᬸᬤ᭄ᬟᬶᬦᬾ᭞ᬯᬯᬂᬲᬶᬭᬵᬦᭂᬫ᭄ᬩᬄᬫᬵᬢᬸᬃ᭞ᬲᬶᬗ᭄ᬕᬶᬳᬫ᭄ᬯᬶᬢᬶᬂᬳ᭄ᬬᬂᬫᬫᬶ᭞ᬗ᭄ᬳᬶᬂᬲᬦ᭄ᬫᬢᬦᬕ᭄ᬮᬶᬲᬯᬦ᭄᭞ᬳ᭄ᬬᬂᬩᬭᬸᬡᬵᬰ᭄ᬭᬸᬫᬲ᭄ᬢᬸ᭞ᬫᭀᬖᬲᬶᬭᬘᭂᬢ᭄ᬭᬶᬳᬸᬫᬄ᭞ᬯᬸᬲᬦᬸᬕ᭄ᬕ᭞ᬫᬹᬃᬫᬸᬗ᭄ᬲ᭄ᬬᬾᬂᬓ
[᭒᭔ 24A]
ᬩ᭄ᬭᬸᬡᬮᭀᬓᬶ᭞ᬪᬷᬱ᭄ᬫᬵᬳᬫ᭄ᬯᬶᬢᬶᬂᬧᬵᬃᬯ᭄ᬯᬢ᭟᭑᭐᭟ᬦ᭄ᬤᬦ᭄ᬮᬸᬫᬓᬸᬲᬶᬭᬂᬧᬭᬫᬋᬱᬶ᭞ᬯᬸᬲᬦᭂᬫ᭄ᬩᬄ᭞ᬳᬶᬓᬂᬕᬶᬭᬶᬫᬦᬭ᭞ᬳᬓ᭄ᬫᬸᬮ᭄ᬲᬗᬸᬩᬦᬶᬧᬶᬲᬾ᭞ᬲᬯᬂᬓᬤᬶᬳᬲ᭄ᬫᬸᬫᬗᬸ᭞ᬓᬢᬶᬗ᭄ᬕᬮᬦ᭄ᬳᬰ᭄ᬭᬫᬋᬱᬶ᭞ᬫ᭄ᬯᬂᬲᬵᬃᬯ᭄ᬯᬨᬮᬵ
ᬓ᭄ᬯᬾᬄᬢᬲᬓ᭄᭞ᬭᬱᬓᬤᬶᬳᬫ᭄ᬭᬶᬄᬢᬸᬭᬸᬦ᭄᭞ᬩᬸᬓᬫᬓᭀᬦ᭄‌ᬯᬄᬦ᭄ᬬᬵᬮᬧ᭞ᬰᬶᬮᬬᬦ᭞ᬓᬳᭂᬩᬦ᭄‌ᬳᬗ᭄ᬰᬦᬫᬢᬶᬲ᭄᭞ᬓᬬᬳᬢᬸᬃᬳᬭᬵᬃᬬ᭄ᬬᬦ᭟᭑᭑᭟ᬲᬓ᭄ᬯᬾᬳᬶᬓᬸᬲᬢ᭄ᬯᬳᬦᬾᬂᬕᬶᬭᬶ᭞ᬫᭂᬢ᭄ᬯᬾᬂᬗ᭄ᬕᭀᬦ᭄ᬬ᭞ᬩᬸ
ᬓᬫᬢᭂᬳᬦ᭞ᬲᬂᬮᬸᬗ᭄ᬳᬵᬲᬳᬶᬂᬕᬶᬭᬶᬦᬾ᭞ᬫᬭᬸᬢᬵᬮᭀᬦ᭄ᬓᬤ᭄ᬬᬦᬸᬗ᭄ᬲᬸᬂ᭞ᬲᬶᬕ᭄ᬭᭀᬂᬲᬶᬕ᭄ᬭᭀᬂᬓᭀᬦᬸᬦ᭄ᬟᬸᬗᬶ᭞ᬫᬦᬸᬓ᭄ᬳᬫᬶᬚᭃᬭᬶᬂᬓᬬ᭄ᬯᬦ᭄᭞ᬓᬤ᭄ᬬᬵᬯᬧᬲᬂᬮᬸᬫᬓᬸ᭞ᬢᬗᬾᬄᬮᬗᭃᬦ᭄ᬬᬓᬢᬓ᭄ᬦ᭞ᬭᬶᬓᬾᬂᬳᬯᬦ᭄᭞
ᬲᬂᬋᬱᬶᬢᬸᬭᬸᬦᬶᬂᬪᬹᬫᬶ᭞ᬮᬸᬫᬵᬲ᭄ᬢᬭᬶᬧ᭄ᬭᬵᬧ᭄ᬢᬗᬸᬫᬄ᭟᭑᭒᭟ᬰᬶᬖ᭄ᬭᬮᬸᬗ᭄ᬕᬸᬄᬲᬶᬭᬂᬪᬷᬱ᭄ᬫᬋᬱᬶ᭞ᬭᬶᬂᬧᬲᬾᬪᬦ᭄᭞ᬢᬦ᭄ᬳᬦᬓᬯ᭄ᬭᬸᬳᬦ᭄᭞ᬓᬢᭀᬦ᭄‌ᬲᬹᬦ᭄ᬬᬓᬂᬪᬹᬫᬶᬦᬾ᭞ᬤᬾᬦᬶᬂᬯᭀᬂᬓᬭᬶᬧ᭄ᬭᬗᬶᬓᬸ᭞ᬓᬋᬗᭃ᭠