[᭑ 1B]
᭑
᭛᭜᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸᬦᬵᬫᬲᬶᬤ᭄ᬟᬀ᭛᭜᭛ᬧᬸᬄᬲᬶᬦᭀᬫ᭄᭟᭑᭟ᬧᬸᬓᬸᬮᬸᬦ᭄ᬳ᭄ᬬᬂ᭠ᬲᬶᬦᭂᬫ᭄ᬩᬄ᭞ᬲᬂᬳ᭄ᬬᬂᬮᬶᬗ᭄ᬕᬦᬶᬂᬧᬗᬯᬶ᭞ᬲᬂᬳ᭄ᬬᬂᬢᬚᬵᬗᬬ᭄ᬯᬵᬓᬰᬵ᭞ᬳ᭄ᬬᬂᬕᬸᬭᬸᬭᬾᬓᬳ᭄ᬬᬂᬫᬳ᭄ᬦᬶᬂ᭞ᬫᬓᬵᬤᬶᬩᬲᬸᬡ᭄ᬟᬭᬶ᭞ᬳ᭄ᬬᬂᬦ᭠
ᬦ᭄ᬢᬰᬡᬳ᭄ᬬᬂᬢᬸᬥᬸᬄ᭞ᬳᬪᬾᬳᬶᬤᬳ᭄ᬬᬂᬅᬢᬫ᭞ᬲᬂᬳ᭄ᬬᬂᬢ᭄ᬭᬶᬧᬸᬭᬸᬱᬫᬮᬶᬄ᭞ᬩ᭄ᬭᬵᬳ᭄ᬫᬯᬶᬱ᭄ᬡᬸ᭞ᬇᬰ᭄ᬯᬭᬳ᭄ᬬᬂᬚᬕᬢ᭄ᬦᬵᬣ᭟᭒᭟ᬲᬳᬦᬦᬦᬶᬓᬂᬤᬾᬯᬢᬵ᭞ᬫᬓᬵᬤᬶᬳ᭄ᬬᬂᬦᬯᬋᬱᬶ᭞ᬲᬧ᭄ᬢᬋᬱᬶᬘᬢᬸᬃᬮᭀᬓᬵ᭞ᬳ᭄ᬬᬂᬲᬹᬃᬬ᭄ᬬᬘᬦ᭄ᬤ᭄ᬭ
ᬳ᭄ᬬᬂᬳᬵᬕ᭄ᬦᬶ᭞ᬳ᭄ᬬᬂᬩᬲᬸᬓᬶᬄᬳ᭄ᬬᬂᬤᬋᬱᬶ᭞ᬲᬂᬢᬩᬾᬲᬸᬦ᭄ᬚ᭄ᬯᬧᬸᬓᬸᬮᬸᬦ᭄᭞ᬮᬸᬧᬸᬢᬭᬶᬂᬳᬶᬮᬳᬶᬮ᭞᭠ᬢᬦ᭄ᬓ᭄ᬦᬭᬶᬂᬢᬮᬄᬧᬢᬶ᭞ᬪᬕ᭄ᬦᬮᬸᬧᬸᬢ᭄᭞ᬦᬶᬗ᭄ᬯᬂᬳᬫᬗᬸᬦ᭄ᬧ᭄ᬭᬮᬫ᭄ᬩᬂ᭟᭓᭟ᬳᬸᬫᬶᬓᭂᬢ᭄ᬮᬫ᭄ᬩᬂᬤᬤᬓᬦ᭄᭞ᬫᬓᬧᬫᬹᬃᬡ᭄ᬦᬦᬶᬂ
ᬳᬢᬶ᭞ᬓᬫ᭄ᬩᬳᬦ᭄ᬮᬭᬯᬶᬭᬗ᭄ᬭᭀᬂ᭞ᬳᬶᬦᬸᬤᬦᬦ᭄ᬤᬾᬦᬶᬂᬓᬶᬗ᭄ᬓᬶᬂ᭞ᬓᬲᬸᬭᬸᬕᬦ᭄ᬓᬰ᭄ᬫᬮᬾᬓᬶ᭞ᬲᬶᬦᬸᬲᬸᬧᬦ᭄ᬫᬦᬄᬲᬸᬗ᭄ᬲᬸᬢ᭄᭞ᬲᬶᬦᬓᬶᬢᬦ᭄ᬭᬚᬄᬢᬫᬄ᭞ᬓᬬᬵᬩᬶᬦᬱ᭄ᬫᬶᬢᬦ᭄ᬧᬧᬸᬬ᭄᭞ᬦᬶᬓᬂᬢᬦᬸ᭞ᬲᬢᬢᬦᬫ᭄ᬬᬓᭂᬦ᭄ᬤᬸᬄ᭠
[᭒ 2A]
ᬓ᭟᭔᭟ᬫᬗ᭄ᬓ᭄ᬬᬳᬫᬹᬃᬡ᭄ᬦᬓᭂᬦ᭄ᬘᬶᬢ᭄ᬢ᭞ᬳᬦᬧᬸᬄᬫᬦᬄᬯ᭄ᬭᬶᬳᬢᬶᬦ᭄᭞ᬳᬶᬮᬗᬦᬶᬂᬮᬭᬓᬯᭀᬢ᭄᭞ᬲᬓ᭄ᬭᬳᬶᬂᬤᬸᬄᬓᬩᬸᬩᬸᬭ᭄ᬯᬶ᭞᭞ᬲᬳᬦᬦᬶᬂᬫᬹᬃᬓ᭄ᬓᬾᬂᬳᬢᬶ᭞ᬢᬸᬦ᭄ᬤᬸᬗᭂᬦ᭄ᬤᬾᬦᬶᬂᬓᬯᬶᬓᬸᬦ᭄᭞ᬥᬃᬫ᭄ᬫᬬᬸᬓ᭄ᬢᬶᬦᬶᬂᬲ᭄ᬯᬘᬶᬢ᭄ᬢ᭞ᬳᬗ᭄ᬕᭀ
ᬦ᭄ᬳᬗᬮᬧᬶᬓᬶᬗ᭄ᬓᬶᬂ᭞ᬲᬵᬦᬦᬶᬧᬸᬦ᭄᭞ᬩᬱ᭄ᬫ᭄ᬬᬦᬤᬾᬤᬺᬓᬾᬂᬘᬶᬢ᭄ᬢ᭟᭕᭟ᬢᭂᬫ᭄ᬩᬾᬦᬶᬳᬫᬗᬸᬦ᭄ᬧ᭄ᬭ᭠ᬮᬫ᭄ᬩᬂ᭞ᬚᬶᬦᬯᬶᬱ᭄ᬡᬸᬦᬯᬰᬰᬶᬄ᭞ᬯᬸᬓᬸᬫᬵᬋᬧ᭄ᬯᬭᬶᬕᬥ᭄ᬬᬦ᭄᭞ᬫ᭄ᬗᬵᬢ᭄ᬭᬶᬯᬬᬘᬢᬹᬃᬰ᭄ᬭᬷ᭞ᬲᬤ᭄ᬯᬲ᭄ᬢᬮᬸᬤ᭄ᬭᬾᬯᭂᬕᬦ᭄
ᬫᬮᬶᬄ᭞ᬤᬰᬯᬢᭂᬓ᭄ᬧᬢᬶᬦᬸᬚᬸ᭞ᬲᬸᬓ᭄ᬮᬲᬧ᭄ᬢᬢ᭄ᬭᬶᬫᬲ᭄ᬢᬓ᭞ᬭᬵᬄᬲᬧ᭄ᬢᬬᬸᬰᬦᬶᬂᬪᬸᬫᬶ᭞ᬏᬓ᭠ᬦ᭄ᬧᬶᬢᬸ᭞ᬧᬸᬮᬸᬄᬢ᭄ᬭᬶᬤᭀᬫ᭄ᬬᬲ᭄ᬲᬳᬵᬲ᭄ᬭ᭟᭖᭟ᬳᬶᬤᬤᬦᬾᬳᬶᬧᬸᬦ᭄ᬲᬫ᭄ᬬᬦ᭄᭞ᬲᬂᬲᬸᬥᬶᬧᬘᬂᬫᬯᭀᬲᬶᬦ᭄᭞ᬫᬗ᭄ᬤ
ᬲᬫᬶᬳᬸᬦᬶᬂᬦᬯᬂ᭞ᬭᬶᬂᬲᬦᬾᬫᬗᬧᬸᬲᬶᬓᬶ᭞ᬩ᭄ᬭᬵᬳ᭄ᬫᬓᬸᬮᬯᬗ᭄ᬰᬚᬵᬢᬶ᭞ᬧᭀᬢ᭄ᬭᬓᬩᬧᬚᬚᬸᬮᬸᬓ᭄᭞ᬳᬶᬓᬦᬬᬢᬦ᭄ᬳᬪᬵᬯ᭞ᬧᬓ᭄ᬱᬫᬥᬾᬂᬓᬢ᭄ᬬᬍᬯᬶᬄ᭞ᬧᬫᭀᬲᬸᬲᬸᬮ᭄᭞ᬩᬸᬤ᭄ᬟᬶᬳᬗᬲᬳᬶᬂᬕᭀᬡ᭄ᬟᬂ᭟
Kaca:Bali-lontar-gaguritan-pandawa-dasa-01-300ppi.pdf/2
Kaca puniki sampun kauji-wacén
