Kaca:Bali-lontar-gaguritan-pandawa-dasa-01-300ppi.pdf/3

Saking Wikisource
Kaca puniki sampun kauji-wacén

[᭒ 2B]

᭗᭟ᬧᬲᬂᬢᬩ᭄ᬬᬳᬶᬗ᭄ᬲᬸᬦ᭄ᬢᬸᬯᬦ᭄᭞ᬮᬗ᭄ᬕ᭄ᬬᬳᬗᬺᬜ᭄ᬘᬦᬓᬯᬶ᭞ᬢᬃᬯ᭄ᬭᬸᬳᬶᬂᬰᬭᬷᬭᬩᭀᬤᭀᬄ᭞ᬢᬦ᭄ᬳᬦᬯᬶᬨᬮᬾᬂᬪᬹᬓ᭄ᬢᬶ᭞ᬢᬦ᭄ᬧᬦᬗ᭄ᬕᬢᬦ᭄ᬧᬓᬾᬃᬣᬶ᭞ᬮ᭄ᬯᬶᬃᬲᭀᬤᬫᬳᬧ᭄ᬢ᭄ᬬᬵᬦᬭᬸᬂ᭞ᬲᬵᬦᬦᬶᬂᬳ᭄ᬬᬂᬰᬰᬗ᭄ᬓ᭞ᬲᬫ᭄ᬩ
ᬯᬓᬲᬶᬤ᭄ᬟᬾᬂᬓᬵᬧ᭄ᬢᬶ᭞ᬲᭀᬓ᭄ᬓᬤᬸᬭᬸᬲ᭄᭞ᬓᬲᬹᬓ᭄ᬱᬾᬂᬩᬸᬤ᭄ᬟᬶᬢᬸᬗ᭄ᬕᬮ᭄᭟᭘᭟ᬧᬹᬃᬯ᭄ᬯᬓᬦ᭄ᬤᬦᬶᬂᬘᬭᬶᬢ᭞ᬪᬕᬯᬵᬦ᭄ᬤᬓ᭄ᬱ᭄ᬬᬫᬹᬃᬯ᭄ᬯᬦᬶ᭞ᬗ᭄ᬯᬗᬸᬦ᭄ᬳᭀᬫᬵᬕ᭄ᬦᬶᬳᭀᬢ᭄ᬭ᭞ᬦᬸᬭᬸᬦᬂᬧᬭᬫᬦ᭄ᬢ᭄ᬯᬾᬓᬶ᭞ᬫᬗ᭄ᬕᬮᬪᬕᬯᬵᬦ᭄ᬭᬸᬘᬶ᭞ᬥᬂᬳ᭄ᬬᬂᬪᬺ
ᬕᬸᬅᬗ᭄ᬕᬶᬭᬾᬓᬸ᭞ᬥᬂᬳ᭄ᬬᬂᬧᬸᬮᬱ᭄ᬝ᭄ᬬᬧᬸᬮᬳ᭞ᬋᬱᬶᬯᬲ᭄ᬢᬶᬢᬮᬦ᭄ᬳᬢ᭄ᬭᬶ᭞ᬋᬱᬶᬢᬺᬢᬸ᭞ᬫᬓᬵᬤᬶᬥᬂᬳ᭄ᬬᬂᬓᬱ᭄ᬬᬧᬵ᭟᭙᭟ᬫᬓᬵᬤᬶᬯᬢᭂᬓ᭄ᬤᬾᬯᬢ᭞ᬳ᭄ᬬᬂᬥᬃᬫ᭄ᬫᬳ᭄ᬬᬂᬧ᭄ᬭᬵᬚᬧᬢᬶ᭞ᬲᬂᬳ᭄ᬬᬂᬯᬸᬮᬦ᭄‌ᬳ᭄ᬬᬗᬵᬤᬶᬢ᭄ᬬ᭞ᬲᬂᬳ᭄ᬬᬂ
ᬳᬭᬶᬧᬤ᭄ᬫᬬᭀᬦᬶ᭞ᬲᬫᬶᬧᬥᬳᬦᬸᬭᭀᬦᬶᬦ᭄᭞ᬫᬶᬮᬸᬭᬶᬂᬬᬚ᭄ᬜᬵᬲᬂᬫ᭄ᬧᬸ᭞ᬓᬢ᭄ᬓᬾᬂᬲᬸᬢᬦᬶᬭᬲᬥᬬ᭞ᬚ᭄ᬯᬾᬱ᭄ᬝᬧᬸᬢ᭄ᬭᬶᬪᬝᬭᬶᬰ᭄ᬭᬷ᭞ᬲᬓ᭄ᬯᬾᬳᬶᬓᬸ᭞ᬲᬚ᭄ᬜᬵᬦᬗ᭄ᬓᬶᬮ᭄ᬭᬶᬂᬲᬂᬩᬧᬵ᭟᭑᭐᭟ᬓᬾᬯᬮᬳ᭄ᬬᬂᬦᬷᬮᬮ᭄ᬯᬶᬢ᭞᭠
[᭓ 3A]
ᬢᬦ᭄ᬳᬶᬦᬢᬕ᭄ᬤᬾᬲᬂᬋᬱᬶ᭞ᬤᬫ᭄ᬧᬢᬶᬢ᭄ᬬᬶᬸᬂᬳ᭄ᬬᬂᬦᬶᬮᬮ᭄ᬯᬶᬢ᭞ᬧᬧᬲᬶᬄᬳ᭄ᬬᬂᬫᬳᬵᬤᬾᬯᬶ᭞ᬫᬗᬺᬗᭃᬳᭀᬃᬣᬲᬸᬚᬢᬶ᭞ᬬᬾᬦ᭄ᬲᬂᬩᬧᬳᬓᬃᬬ᭄ᬬᬾᬓᬸ᭞ᬰᬶᬖ᭄ᬭᬳᬫ᭄ᬯᬶᬢᬶᬂᬪᬝᬭ᭞ᬦᬶᬗ᭄ᬯᬂᬮᬸᬗ᭄ᬳᬵᬳᬫ᭄ᬮᬸᬗ᭄ᬕᬸᬳᬶᬦ᭄᭞ᬓ᭄ᬭᬡᬭ᭠
ᬢᬸ᭞ᬢᬦ᭄ᬧᬶᬦᬂᬤᬾᬲᬂᬩᬧᬵ᭟᭑᭑᭟ᬫᬗ᭄ᬓᬦᬵᬢᬸᬃᬳ᭄ᬬᬂᬫᬳᬵᬤᬾᬯ᭄ᬬ᭞ᬳ᭄ᬬᬂᬦᬶᬮᬮ᭄ᬯᬶᬢᬵᬦᬳᬸᬭᬶ᭞ᬥᬸᬄᬭᬭᬶᬫᬵᬲ᭄ᬫᬳᬵᬤᬾᬢ᭄ᬬ᭞ᬧᬂᬳ᭄ᬬᬂᬦᬶᬂᬚᬶᬯᬫᬵᬲ᭄ᬓ᭄ᬭᬶᬓᬶ᭞ᬭᬭᬶᬧᬗᭂᬦ᭄ᬤᬢᬶᬂᬮᬶᬭᬶᬂ᭞ᬫᬓᬢᬮ᭄ᬬᬦᬶᬓᬂᬢᬦᬸ᭞ᬬᬦ᭄ᬲᬶᬭᬵ
ᬧᬓ᭄ᬱᬫᬸᬮᬶᬳ᭞ᬢᬦ᭄ᬯ᭄ᬭᬸᬦ᭄ᬳᬫᬗ᭄ᬕᬶᬄᬯᬶᬪᭀᬕᬶ᭞ᬗ᭄ᬕᬯᬾᬋᬤᬸᬢ᭄᭞ᬤᬾᬦᬶᬂᬲᬶᬭᬢᬦ᭄ᬳᬶᬦᬢᬕ᭄‌᭟᭑᭒᭟ᬦᬳᬦ᭄ᬮᬶᬂᬳ᭄ᬬᬂᬦᬶᬮᬮ᭄ᬯᬶᬢ᭞ᬳ᭄ᬬᬂᬫᬳᬵᬤᬾᬯᬶᬢᬸᬫᬸᬮᬶ᭞ᬳᬫ᭄ᬯᬶᬢᬶᬂᬧᬵᬤᬪᬝᬭ᭞ᬫᬳᬵᬲ᭄ᬫᬶᬢᬫᬗᬜ᭄ᬚᬮᬶ᭞ᬯᬸ
ᬲ᭄ᬳᬳ᭄ᬬᬲᬶᬭᬮᬸᬫᬭᬶᬲ᭄᭞ᬢᬢᬦ᭄ᬓᬯᬃᬡ᭄ᬦᬳᬾᬂᬮᬓᬸ᭞ᬰᬷᬖ᭄ᬭᬧ᭄ᬭᬵᬧ᭄ᬢᬶᬭᬶᬂᬧᬰ᭄ᬭᬫᬦ᭄᭞ᬓᬢᭀᬦ᭄ᬧᬳᬦᬦᬶᬂᬋᬱᬶ᭞ᬳᬦᬓ᭄ᬢᬸᬳᬸ᭞ᬫᬓᬤᬶᬧᬭᬳ᭄ᬬᬗᬶᬓᬸ᭟᭑᭓᭟ᬲᬫᬶᬧᬥᬫᬧ᭄ᬭᬬᭀᬕ᭞ᬗᬸᬜ᭄ᬘᬭᬓᭂᬦ᭄ᬬᭀᬕ᭠