Kaca puniki sampun kauji-wacén
[᭑᭔᭓ 143B]
᭑᭔᭓
ᬳᬾᬦᬾᬲᬗᭂᬢ᭄ᬳᬶᬯᬂ᭞ᬫᬶᬯᬄᬫᬸᬜᬶᬲ᭄ᬭᬶᬗᬦ᭄ᬧ᭄ᬮᬶᬄ᭟ᬲᬓᬶᬂᬇᬥᭂᬧ᭄ᬳᬶᬯᬂᬫ᭄ᬢᬸ᭞ᬕᬸᬂᬅᬫ᭄ᬧᬹᬭᬫᬓᬲᬫᬶ᭞ᬧᬸᬧᬸᬢ᭄ᬲᬫᬶᬢᬸ
ᬦᬲ᭄ᬢᬶᬢ᭄ᬬᬂ᭞ᬯᬾᬦ᭄ᬢᭂᬦ᭄ᬳᬸᬢᬂᬢᬶᬢ᭄ᬬᬂᬫᬮᬶᬄ᭞ᬫᬾᬫᬾᬩᬧᬗ᭄ᬭᬾᬓᬢᬶᬢ᭄ᬬᬃ᭞ᬳᬸᬮᬶᬫᬶᬚᬶᬮ᭄ᬫᬕᬤᬗᬶᬦ᭄᭟ᬳᬦᭂᬫ᭄ᬢᬳᬸᬦ᭄ᬮ
ᬯᬲ᭄ᬡᭂᬫ᭄ᬧᬸ᭞ᬢᬸᬬᬸᬄᬗᭂᬫ᭄ᬩᬦ᭄ᬫᬕᬤᬚᬗᬶᬦ᭄᭞ᬚᬶᬦᬄᬩᬦ᭄ᬢᭂᬦ᭄ᬳᬓᬸᬤᬂᬓᬸᬤᬂ᭞ᬫᬶᬯᬄᬤᬳᬃᬫᬗᬗ᭄ᬕᭀᬳᬶᬦ᭄᭞
ᬫᬕᬤᬗᬶᬦ᭄ᬓᬮᬲᬸᬗ᭄ᬓᬦ᭄᭞ᬢᭀᬂᬲᬶᬤ᭄ᬥᬢᬶᬢ᭄ᬬᬂᬦᬯᬸᬭᬶᬦ᭄᭟ᬳᬦ᭄ᬢᬸᬓ᭄ᬲᭂᬫ᭄ᬩᬄᬢᬶᬢ᭄ᬬᬂᬦᬯᬸᬃ᭞ᬓᬓᬭᬾᬦᬾ
[᭑᭔᭔ 144A]
ᬫᬓᬲᬫᬶ᭞ᬧᬸᬧᬸᬢ᭄ᬯᬦ᭄ᬢᬄᬢᬸᬦᬲ᭄ᬢᬶᬢ᭄ᬬᬂ᭞ᬲᬶᬥᬦᬾᬯᬦ᭄ᬢᬄᬫᬫᬱ᭄ᬫᬶ᭞ᬳᬫᬸᬦᬶᬓᬯᬬᬄᬢᬶᬢ᭄ᬬᬂ᭞ᬳᬫᬢ᭄ᬭᬳᬫ᭄ᬧᬸ
ᬭᬳᬸᬕᬶ᭟ᬳᬦ᭄ᬢᬸᬓ᭄ᬳᬸᬧᬓᬭᬧᬸᬧᬸᬢ᭄᭞ᬥᬺᬤ᭄ᬥᬪᬓ᭄ᬢᬶᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬶᬮᬾᬦᬂᬯᬬᬄ᭞ᬫᬗᬭᬦ᭄ᬗᬩᬾᬦ᭄ᬰᬸ
ᬘᬶ᭞ᬗᬃᬘ᭄ᬙᬥᬦᬦᬶᬓᬯᬦ᭄ᬢᬄ᭞ᬗᬭᬦᬶᬂᬧᬍᬩᬸᬫᬗ᭄ᬓᬶᬦ᭄᭟ᬫᬗ᭄ᬓᬶᬦ᭄ᬗᬋᬧ᭄ᬭᬶᬂᬬᬬᬄᬇᬩᬸ᭞ᬲᭀᬮᬄᬲᬸᬫ᭄ᬩᬄᬓ
ᬕᭂᬦ᭄ᬢᭀᬲᬶᬦ᭄᭞ᬲᬓᬶᬂᬲ᭄ᬮᬦᬶᬂᬍᬮᬝ᭞ᬲᬳᬓ᭄ᬯᬗᬾᬦ᭄ᬗᬶᬗ᭄ᬓᬸᬧ᭄ᬚᬭᬶ᭞ᬲᬶᬗ᭄ᬕᬶᬄᬇᬩᬸᬬᬬᬄᬢᬶᬢ᭄ᬬᬂ᭞ᬢᬢ᭄ᬯᬶᬬᬦ᭄ᬲᬓᬶᬂ᭠
