Kaca puniki sampun kauji-wacén
[᭑᭔᭒ 142B]
᭑᭔᭒
ᬜ᭄ᬚᬸᬂᬜᬚᬫᬪᬱ᭄ᬫᬶ᭞ᬯ᭄ᬗᬶᬦ᭄ᬜᬦᬾᬫᬧᬶᬦᬸᬦᬲ᭄᭞ᬓᬾᬢᭀᬘ᭄ᬦᬶᬂᬳᬧᬂᬗᬃᬣᬶ᭞ᬧᬶᬢ᭄ᬭᬦᬾᬫᬗ᭄ᬓᬶᬦ᭄ᬓᬯᬶᬢᬂ᭞ᬳᬬᬩᬶᬦ᭄ᬩᭂᬓᭂᬮ᭄ᬫᬩᬱ᭄ᬫᬶ᭟ᬳᬗ᭄ᬓᭂᬩ᭄ᬦᬲᬶᬲᬗᬸᬦᬶᬧᬸᬦ᭄᭞ᬫᬓᬫᬶᬯᬄᬕᭂᬦ᭄ᬤᬃᬧᬶᬢ᭄ᬭᬶ᭞ᬲᬦ᭄ᬢᬦᬦᬾᬲᬫᬶᬜᬸᬫ᭄ᬩᬄ᭞ᬮᬦᬂᬇᬲ᭄ᬢ᭄ᬭᬶᬘ᭄ᬭᬶᬓ᭄ᬓᭂᬮᬶᬄ
᭞ᬓ᭄ᬯᬗᬾᬦᬾᬚ᭄ᬯᬳᬋᬧᬂ᭞ᬳᬗ᭄ᬕᬾᬦ᭄ᬫᬜᭂᬫ᭄ᬩᬄᬧᬾᬢ᭄ᬭᬶ᭟ᬲᬓᬶᬂᬲ᭄ᬮᬦᬶᬂᬯᬶᬚᬂᬫᬸᬗ᭄ᬕᬸᬄ᭞ᬢᬸᬢᬸᬗᬶᬂᬕ᭄ᬓᬡᬚ᭄ᬯᬧᬢᬶᬢᬶᬲ᭄᭞ᬇ
ᬥᭂᬧ᭄ᬕᬮᬂᬫ᭄ᬮᭂᬗᬶᬂᬧᬶᬢ᭄ᬭ᭞ᬓᬶᬤᬸᬂᬓᬓᬯᬶᬦ᭄ᬦᬸᬮᬸᬭᬶᬦ᭄᭞ᬯᬾᬦ᭄ᬢᭂᬦ᭄ᬓᭂᬢᬄᬫᬗᬸᬘᬧᬂ᭞ᬫᬗᬓ᭄ᬱᬫᬫᬵᬢᬹᬃᬭᬶᬂᬧᬶᬢ᭄ᬭᬶ᭟
[᭑᭔᭓ 143A]
ᬲᬶᬗ᭄ᬕᬶᬄᬯᬬᬄᬮᬦᬂᬯᬤᬹ᭞ᬲ᭄ᬓᭂᬦ᭄ᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬧᬸᬧᬸᬢ᭄ᬫᬵᬢᬹᬃᬭᬶᬂᬯᬬᬄ᭞ᬦᬸᬦᬲ᭄ᬲᬶᬦᬵᬫ᭄ᬧᬸᬭᬫᬗ᭄ᬓᬶᬦ᭄᭞ᬗ᭄ᬯᬍ
ᬲᬂᬇᬘ᭄ᬙᬦ᭄ᬳᬶᬯᬬᬄ᭞ᬳᬦ᭄ᬢᬸᬓ᭄ᬲᭂᬫ᭄ᬩᬄᬚᬕᬫᬪᬱ᭄ᬫᬶ᭟ᬫᬸᬕᬶᬫᬸᬕᬶᬦ᭄ᬫᬭᬳᬬᬸ᭞ᬫᬦ᭄ᬢᬸᬓ᭄ᬓᬲ᭄ᬯᬃᬕ᭄ᬕᬦ᭄ᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬲᬫᬶᬤᬫᬸᬄ
ᬯᬾᬬᬄ᭞ᬦᬸᬦᬲ᭄ᬲᬶᬦᬵᬫ᭄ᬧᬸᬭᬫᬗ᭄ᬓᬶᬦ᭄᭞ᬋᬗᭃᬅᬓ᭄ᬱᬶᬳᬢᬹᬃᬢᬶᬢ᭄ᬬᬂ᭞ᬦᭀᬯᬮ᭄ᬳᬶᬘᬦ᭄ᬯᬬᬄᬮᬦᬂᬇᬲ᭄ᬢ᭄ᬭᬶ᭟ᬇᬦ᭄ᬤᬶᬓ᭄ᬳᬶ
ᬯᬂᬲᬓᬶᬂᬤᬸᬫᬸᬦ᭄᭞ᬲᬓᬶᬂᬳᬮᬶᬢ᭄ᬭᬯᬸᬄᬫᬗ᭄ᬓᬶᬦ᭄᭞ᬲᬮ᭄ᬯᬶᬃᬳᬶᬧᬸᬦ᭄ᬢᬸᬦᬲ᭄ᬢᬶᬢ᭄ᬬᬂ᭞ᬮᬸᬗ᭄ᬲᬸᬃᬢᬶᬢ᭄ᬬᬂᬫᬓᬲᬫᬶ᭞ᬢᬶᬗ᭄ᬓ
