[᭒ 2B]
᭒
ᬳᬸᬢ᭄ᬯᬲᬶᬂᬳᬓᬵᬓᬯ᭄ᬬᬦ᭄᭞ᬩ᭄ᬭᬦ᭄ᬢᬾᬂᬘᬶᬢ᭄ᬢᬵᬫᬗ᭄ᬓᬾᬮᬚᬸᬳᬦᬸᬦᬸᬮᬶᬲ᭄᭞ᬳᬓᬭᬲ᭄ᬤᬂᬗ᭄ᬤᬗ᭄ᬳᬾᬋᬫ᭄ᬧᬄ᭞ᬧᬦᬶᬤ᭄ᬥᬵᬳᬓᬶᬂᬕᬭᬸᬜ᭞ᬦ᭄ᬤᬶᬦ᭄ᬓᬘᭂᬧᬾᬂᬘᬶᬢᬲᬸᬤᬶᬃᬬ᭄ᬬᬳᬗ᭄ᬭᬸᬗᬸ
᭞ᬰ᭄ᬯᬭᬢᬦᬶᬭᬹᬓ᭄ᬢ᭄ᬬᬂᬓᬝ᭞ᬢᬦ᭄ᬳᬦᬸᬢ᭄ᬢᬾᬂᬭᬸᬧᬾᬦᬵᬕ᭄ᬳᬚ᭄ᬚᬶ᭚ᬬᬦᬸᬂᬧ᭄ᬯᬓᬓᬵᬱᬦᬬᬂ᭞ᬧᬸᬦᬂᬓᬝᬫᬦᬵᬯᬓ᭄ᬯᬶᬳᬸᬂᬯ᭄ᬬᬓ᭄ᬢᬸ᭞ᬩᬶᬱᬗᬸᬘᬧ᭄ᬢᬦ᭄ᬧᬳᬸᬦ᭄ᬥᬸᬓ᭄᭞ᬮᬸᬫᬓᬸᬢᬦ᭄ᬧᬳᬶ
ᬥ᭄ᬧ᭞ᬓᬤ᭄ᬬᬗ᭄ᬕᬦᬶᬂᬘᬩᭀᬮ᭄ᬫᬓ᭄ᬩᭂᬃᬫᬦᬵᬭᬸᬂ᭞ᬫᬗᬸᬗ᭄ᬲᬶᬧᬸᬦᬂᬖᬖᬡ᭄ᬦᬵᬓᬸᬦᬂᬓᬸᬦᬕ᭄ᬦᬭᬸᬂᬰᬰᬶᬄ᭚ᬫᬗ᭄ᬓᬾᬓ᭄ᬱ᭄ᬫᬵᬓ᭄ᬦᬢᬗ᭄ᬯᬂ᭞ᬗ᭄ᬯᬂᬯᬶᬫᬸᬤ᭄ᬥᬵᬧᬸᬦᬦᬵᬓ᭄ᬦᬲᬶᬗ᭄ᬕᬶᬄ᭞ᬲᬢ᭄ᬯ᭠
ᬦᬾᬓᭀᬮᬸᬕ᭄ᬳᬓᬾᬓᬸᬓ᭄᭞ᬢᬦ᭄ᬢᬳᬸᬭᬶᬂᬳᬮᬗ᭄ᬯᬦ᭄᭞ᬢᬦ᭄ᬯ᭄ᬭᬶᬂᬳᬶᬭᬂ᭞ᬫᬗᬸᬜ᭄ᬘᬭᬡᬢᬦ᭄ᬯᭂᬭᬸᬄ᭞ᬫᬦᬸᬢᬸᬭᬂᬳᬚᬶᬲᬰ᭄ᬢ᭄ᬭ᭞ᬫ᭄ᬕᬢ᭄ᬜᬫ᭄ᬩᬸᬂᬢᬦ᭄ᬧᬳᬶᬦ᭄ᬤᬶᬓ᭄᭚ᬳᬶᬗ᭄ᬕᬶᬄᬫᬦ᭄ᬓᬶᬦ᭄ᬳ᭠
[᭓ 3A]
ᬫ᭄ᬧᬸᬭᬬᬂ᭞ᬗ᭄ᬯᬂᬗᬸᬗ᭄ᬕᬸᬳᬂᬓᬘᬧ᭄ᬭᬭᬾᬘᬶᬮᬷ᭞ᬮᬦ᭄ᬭᬭᬾᬳᬗᭀᬦ᭄ᬫᬢ᭄ᬫᬸ᭞ᬧᬺᬥᬡ᭄ᬦᬮᬦ᭄ᬧᬸᬭᬹᬱ᭞ᬓᬢᬢ᭄ᬯᬦᬶᬂᬫᬦᬸᬱᬵᬦᬸᬃᬦ᭄ᬩᬶᬦᬸᬭᬸᬦ᭄᭞ᬗᬯᬶᬢ᭄ᬫᬗᬯᬾᬫᬵ
ᬦᬸᬱ᭞ᬲᬓᬶᬂᬩᬳᬸᬫᬋᬓᬵᬰᬶᬄ᭚ᬲᬓᬶᬂᬯᬳᬸᬫᬓᬸᬋᬡᬦ᭄᭞ᬧᬸᬧᬸᬢ᭄ᬗᬦ᭄ᬢᬾᬦ᭄ᬯ᭄ᬦᬂᬲ᭄ᬫᬵᬬᬸᬢᬶᬦ᭄᭞ᬫᬓᬮᬵᬓᬵᬮᬬᬦ᭄ᬥᬸᬫᬸᬦ᭄᭞ᬫᬯᬱ᭄ᬝᬵᬫᬩᬾ
ᬳᬵᬓᬮᬵ᭞ᬮᬸᬄᬫᬯᬦᬶ᭞ᬗᬶᬘᬮᬂᬫᬮᬦ᭄ᬧᬢ᭄ᬫᬸ᭞ᬢᬹᬃᬫᬵᬳᬸᬭᬶᬦ᭄ᬭᬶᬂᬓᬵᬫᬸᬮᬦ᭄᭞ᬜᬓ᭄ᬱᬶᬬᬂᬪᬓ᭄ᬢᬶᬭᬶᬂᬯᬶᬤ᭄ᬥᬶ᭚ᬬᬦ᭄ᬢᬦ᭄ᬫᬲᬓ᭄ᬱᬶᬪᬝᬭ᭞ᬫ᭄ᬯᬂᬧᬡ᭄ᬥᬶᬢᬧᬵᬯᬶᬯᬳᬦᬾᬓᬵ
ᬤᬦᬶᬦ᭄ᬳᬶᬦᬸᬘᬧ᭄ᬫᬵᬲ᭄ᬫᬭᬤᬸᬤᬸ᭞ᬬᬦᬶᬂᬧᬢᬸᬢ᭄ᬫᬓᬸᬋᬡᬦ᭄᭞ᬯ᭄ᬦᬂᬗᬃᬬ᭄ᬬᬦᬶᬦ᭄ᬲᬗ᭄ᬕᬄᬓ᭄ᬫᬸᬮᬦ᭄ᬤᬸᬫᬸᬦ᭄᭞ᬗᬭᬦ᭄ᬲᬗ᭄ᬕᬄᬧᬦᭂᬕ᭄ᬢᭂᬕᬦ᭄ᬧᬢ᭄ᬫᬸᬳᬶᬲ᭄ᬫᬵᬭᬭᬵᬢ᭄ᬢᬶᬄ᭚
Kaca:Bali-lontar-gaguritan-panca-yajnya-350ppi.pdf/3
Kaca puniki sampun kauji-wacén
