[᭑ 1B]
᭑
᭚᭐᭚ᬒᬁᬅᬯᬶᬖ᭄ᬦᬫᬱ᭄ᬝᬸ᭚᭐᭚ᬧᬗ᭄ᬓᬸᬃᬳᬗ᭄ᬕᬾᬦ᭄ᬓᬯᬶᬢ᭄ᬩᬂ᭞ᬗᬶᬭᬶᬂᬳᬶᬤ᭄ᬥᬵᬧᬸᬢᬸᬲᬶᬂᬇᬰ᭄ᬯᬭᬬᭀᬕᬶᬯᬶᬩᬸᬳᬶᬂᬳᬚ᭄ᬜᬵᬡᬢᬸᬢᬹᬭ᭄᭞ᬧᬵᬳᬗ᭄ᬕᬦᬶᬂᬰᬭᬰ᭄ᬯᬢ᭄ᬬ᭞ᬯᬶᬘᬵᬓ᭄ᬱᬡ᭞ᬲᬸ
ᬢᬶᬮᬳᬾᬩᭂᬓᬶᬂᬯᭂᬭᬸᬄ᭞ᬥᬃᬫ᭄ᬫᬵᬥᬷᬧᬺᬢᬫ᭄ᬫᬾᬂᬕᬶᬢ᭄ᬣ᭞ᬲᬸᬕᬸᬡ᭄ᬦᬵᬲᬶᬗ᭄ᬳᬶᬢᬶᬂᬓᬯᬶ᭚ᬢᬦ᭄ᬮᬸᬧᬵᬭᬶᬂᬳᬚ᭄ᬚᬶᬲᬰ᭄ᬢ᭄ᬭ᭞ᬲ᭄ᬬᬂᬮᬢ᭄ᬭᬶᬫᬃᬡ᭄ᬦᬳᬗ᭄ᬭᬭᬲᬦᬶᬦ᭄᭞ᬳᬚ᭄ᬚᬶᬢᬃᬓ᭄ᬓᬯᬾᬤ᭄ᬬᬲᬵᬫ᭄ᬧᬸᬦ᭄᭞
ᬯ᭄ᬬᬓᬵᬭᬡᬫ᭄ᬯᬂᬦᬶᬢ᭄ᬣ᭞ᬮ᭄ᬬᬦ᭄ᬳᬵᬕᬫ᭄ᬫᬵ᭞ᬲᬫᬶᬓᬲᬶᬗᬶᬢᬶᬕ᭄ᬢᬦᬸ᭞ᬳᬲ᭄ᬢᬶᬬᬶᬫᬵᬭᬶᬂᬦᬶᬱ᭄ᬓᬮᬵ᭞ᬢᬃᬫᭀᬮᬄᬧᬭᬦᬶᬂᬮᬓ᭄ᬯᬶ᭚ᬫᭀᬭᬶᬂᬘᬶᬦ᭄ᬢ᭄ᬬᬪᬵᬯᬡ᭞ᬲᬧᬮᬸᬗ᭄ᬕᬸᬄᬭᬶᬂᬳᬶ
ᬤ᭄ᬥᬳ᭄ᬬᬂᬚᬕᬢ᭄ᬧᬢᬶ᭞ᬳᬼᬢᬦ᭄ᬓ᭄ᬮᬶᬃᬲᬢᬸᬳᬸ᭞ᬫᬮᬶᬗ᭄ᬕᬵᬲᬚ᭄ᬭᭀᬦᬶᬂᬧᬥ᭄ᬫᬵ᭞ᬳᬦᬶᬭᬫᬶᬦ᭄ᬲᬜ᭄ᬚᬶᬯᬦᬶᬗ᭄ᬯᬂᬳᬚᬸᬕᬸᬮ᭄᭞ᬳᬸᬱ᭄ᬡᬶᬱᬗ᭄ᬓ᭄ᬯᬶᬧᬤᬦ᭄ᬦᬶᬭ᭞ᬬᭀᬕ᭄ᬬᬫᬗ᭄ᬕᬮᬦᬶᬂᬕᬸᬭᬶᬢ᭄
[᭒ 2A]
᭚ᬭᬶᬓᬮᬧᬵᬦ᭄ᬤᬶᬭᬶᬦ᭄ᬳᬶᬤ᭞ᬭᬢᬸᬳᬃᬚ᭄ᬚᬵᬉᬥᬓᬵᬗ᭄ᬮᬸᬂᬧᬵᬧᬰᬶᬄ᭞ᬭᬶᬂᬳᬫ᭄ᬮᬵᬧᬸᬭᬦᬵᬕᬦ᭄ᬢᬸᬦ᭄᭞ᬯᬶᬃᬬ᭄ᬬᬕᬸᬡᬩᬸᬤ᭄ᬥᬷᬫᬦ᭄᭞ᬲᬦ᭄ᬫᬵᬢᬦᬶᬂᬤᬭᬶᬦᬺᬳᬫ᭄ᬩᭂᬔᬤᬸᬲᬸᬦ᭄᭞ᬲ᭄ᬯᬕ
ᬝᬭᬶᬂᬧᬡ᭄ᬥᬶᬢ᭄ᬣ᭞ᬲᬫ᭄ᬫᬭᬶᬂᬯᬶᬩᬸᬄᬫ᭄ᬯᬂᬫᬶᬲ᭄ᬓᬶᬦ᭄᭚ᬢᬦ᭄ᬓᬸᬭᬂᬭᬶᬂᬳᬚ᭄ᬚᬶᬲᬰ᭄ᬢ᭄ᬭ᭞ᬭᬚ᭄ᬚᬵᬦᬶᬭᬶᬳᬕᬫ᭄ᬫᬵᬫ᭄ᬯᬂᬲᬭᭀᬤᬺᬢ᭄ᬢᬶ᭞ᬢᬢ᭄ᬯᬧᬺᬮᬫ᭄ᬩᬗᬾᬲᬫ᭄ᬧᬸᬦ᭄᭞ᬭᭀᬯᬗᬶᬂᬳᬭᬵᬭᬱ
ᬦ᭄᭞ᬦᬶᬬᬳᬶᬦᭂᬫ᭄᭞ᬢᬦᬵᬦᬦᬶᬂᬩᬬᬳᬾᬯᬸᬄ᭞ᬳᬶᬓᬂᬯ᭄ᬯᬗ᭄ᬳᬶᬂᬳᬫ᭄ᬮᬵᬧᬸᬭ᭞ᬲᬸᬓᬲᬤ᭄ᬥᬲᬶᬬᬂᬮᬢ᭄ᬭᬶ᭚ᬦᬵᬳᬳᬦ᭄ᬤᭀᬦᬶᬂᬲᬧᬢᬸᬃᬯᬦ᭄᭞ᬭᬶᬂᬯᬾᬘᭀᬫᬵᬯᬕᬾ
ᬯᬭᬚᬸᬮᬸᬂᬯᬗᬶ᭞ᬭᬶᬂᬰᬰᬶᬄᬓ᭄ᬦᭂᬫ᭄ᬫᬦᬸᬚᬸ᭞ᬧᬜ᭄ᬘᬫᬶᬲᬹᬓ᭄ᬮᬵᬧᬓ᭄ᬱ᭞ᬭᬶᬂᬇᬰᬓᬵ᭞ᬓᬮᬵᬪᬱᬶᬲᬦ᭄ᬕ᭄ᬦᬶᬓᬸ᭞ᬢ᭄ᬭᬶᬫᬹᬃᬥ᭄ᬥᬵᬲᬤ᭄ᬫᬱ᭄ᬝᬓᬵ᭞ᬤᬶᬯᬰᬵᬗᬗᬯᬶᬢ᭄ᬫᭂᬗᬯᬶ᭚ᬢᬸ
Kaca:Bali-lontar-gaguritan-panca-yajnya-350ppi.pdf/2
Kaca puniki sampun kauji-wacén
