[᭑᭔ 14B]
᭑᭔
ᬧᬦ᭄᭚ᬭᬳᬸᬭᬶᬂᬫᬃᬕ᭄ᬕᬵᬲᬗ᭄ᬳᬵ᭞ᬲᬂᬓᬵᬲᬶᬭᬚ᭄ᬚᬵᬫᬦᬫ᭄ᬧᬶ᭞ᬧᬜ᭄ᬚᬂᬗᬾᬲᬂᬳᬲᬸ᭠ᬳᬗ᭄ᬲᬂ᭞ᬫᬦᬵᬫ᭄ᬧᬶᬭᬭᬶᬲ᭄ᬫᬵᬫᬸᬓ᭄ᬢᬶ᭞ᬚᬸᬫᬄᬘ᭄ᬭᬶᬢ᭄ᬣᬫᬮᬶᬄ᭞ᬕᭂᬕᬾᬜ᭄ᬚᬾᬃᬮᬦ᭄ᬢᬸᬫ᭄ᬧᬂᬲᬮᬸ᭞᭠
ᬫᬕᬮᬓᭀᬘᬧ᭄ᬍᬮᬶᬫ᭄ᬫᬵ᭞ᬫᭂᬩᬤᬶᬂᬋᬓᬾᬳᬲᬶᬓᬶ᭞ᬓᭀᬘᬧ᭄ᬳᬶᬓᬸ᭞ᬧᭂᬲᬶᬦᬸᬢ᭠ᬦ᭄ᬲᬂᬳ᭄ᬬᬂᬧᬶᬢ᭄ᬭ᭚ᬫᬮᬶᬄᬫᬯᬱ᭄ᬝᬵᬕᭂᬕᬜ᭄ᬚᬭᬦ᭄᭞ᬩ᭄ᬮᬸᬄᬕᬤᬶᬂᬤᭀᬯᬂᬓᬢᬶᬄ᭞ᬫᬢᭂᬢᭀ᭠
ᬧᭀᬂᬳᬦ᭄ᬢᬸᬓ᭄ᬓᬱ᭞ᬫᬲᬸᬦ᭄ᬥᬸᬓ᭄ᬫᬵᬤᬕᬶᬂᬓ᭄ᬮᬵᬫ᭄ᬩᬶ᭞ᬫᬲ᭄ᬮᬶᬩᬄᬳᬦ᭄ᬢᬸᬓ᭄ᬕᭂᬭᬶᬗ᭄ᬲᬶᬂ᭞ᬫᬩᬸ᭠ᬗ᭄ᬲᭂᬮ᭄ᬘᬯᬦ᭄ᬓᬧᬸᬢ᭄᭞ᬢᬹᬃᬫᬤᬕᬶᬂᬕᬕᭂᬢ᭄ᬧᬦ᭄᭞ᬚᬶᬦᬄᬲᬢᬓ᭄ᬱ᭄ᬮᬳᬾᬲᬫᬶ᭞ᬦᬾ
ᬳᬓᬢᬶᬄ᭞ᬓᬭᬶᬓᬢᬸᬢᬶᬦ᭄ᬫᬸᬜ᭄ᬘᬸᬓᬵ᭚ᬲᬶᬬᭀᬲ᭄ᬫᬮᬶᬄᬭᬶᬂᬚᬩᬬᬦ᭄᭞ᬲᬗ᭄ᬕᬄᬳᬲᬕᬦ᭄ᬲᬲᬶᬓᬶ᭞ᬫ᭄ᬤᬵᬕᬶᬂᬲᬸᬦ᭄ᬤᬃᬫᬰ᭄ᬭᭀᬩᭀᬂ᭞ᬳᬦ᭄ᬢᬸᬓ᭄ᬓᬱᬵᬫᭂᬓᬧᬸᬢᬶᬦ᭄᭞ᬲᬸᬦ᭄ᬤᬃᬜᬦᬾ
[᭑᭕15A]
ᬧᬢᭂᬄᬲᬫᬶ᭞ᬘᬯᬦ᭄ᬕᬸᬮᬵᬓᬸᬮᬓ᭄ᬢᬮᬸᬄ᭞ᬫᬜᬓ᭄ᬱᬶᬕᬶᬫᬘᭂᬍᬧᬂ᭞ᬭᬶᬂᬩᭀᬯᭀᬂᬳᬶᬚᬶᬦᬄᬓᭀᬘᬶ᭞ᬢᬹᬃᬫᬳᭂᬜ᭄ᬚᬶᬢ᭄᭞ᬓᭀᬘᬧᬲᬗ᭄ᬕ᭄ᬭᬳᬦ᭄᭚ᬓᬼᬚᬶᬂᬲᬂᬳ᭄ᬬᬂᬳᬢ᭄ᬫᬵ
᭞ᬲ᭄ᬫᬳᬶᬧᭀᬮᬶᬄᬓᬵᬕ᭄ᬦᬄᬳᬶᬦ᭄᭞ᬲᬕᬾᬢ᭄ᬭᬯᬸᬄᬲᬕᬾᬢ᭄ᬩᬸᬤᬮ᭄᭞ᬬᬦ᭄ᬓᬵᬮᬵᬦᬃᬧ᭄ᬧᬡ᭄ᬦᬯ᭄ᬬᬓ᭄ᬢᬶ᭞ᬳᬋᬋᬄᬫᬗ᭄ᬤᬾᬦᬾ ᬧ᭄ᬭᬧ᭄ᬢᬶ᭞ᬧᬘᬂᬦᬗ᭄ᬕᬧ᭄ᬲᬚᬶᬳᬶᬓᬸ᭞ᬗ᭄ᬮᬶᬗ᭄ᬕᬦᬶᬦ᭄ᬧ᭄ᬭᬢᬶᬲᬦ᭄ᬢᬵᬦ᭞
ᬢᬹᬃᬦᬵᬫ᭄ᬧᬶᬢᬃᬧ᭄ᬧᬡ᭄ᬦᬲᬫᬶ᭞ᬲᬧᬸᬦᬶᬓᬵ᭞ᬲᬰ᭄ᬢ᭄ᬭᬧᬹᬃᬯ᭄ᬯᬓᬜ᭄ᬭᬶᬢᬬᬂ᭚ᬬᬦ᭄ᬫᬵᬮᬶᬄᬢᬷᬃᬢ᭄ᬣᬫᬸᬶᬧᬵᬫᬦᬄ᭞ᬫᬓ᭄ᬱᬸᬤ᭄ᬳᬶᬧᬸᬦ᭄ᬲᬧᬸᬦᬶᬓᬶ᭞ᬲᬂᬳ᭄ᬬᬂᬳᬢ᭄ᬫᬵᬓᬶᬘᬾᬦ᭄ᬫᬵᬦᬄᬫᬗ᭄ᬤᬾᬦ᭄ᬳᬾᬮᬶᬂᬓ᭠
ᬤᬶᬭᬶᬳᬶᬦ᭄᭞ᬓᬤᬶᬤᬯᭂᬕ᭄ᬜᬦᬾᬳᬸᬭᬶᬧ᭄᭞ᬧᬘᬂᬦᬫ᭄ᬧᬶᬲᬚᬶᬳᬶᬓᬸ᭞ᬬᬦᬶᬂᬢᬷᬃᬢ᭄ᬢᬵᬧᬩᬺᬰᬶᬳᬦ᭄᭞ᬫᬺᬰᬶᬳᬶᬦ᭄ᬘᬶᬢᬦ᭄ᬲᬂᬫᬢᬶ᭞ᬲᬳᬸᬦᬶᬓᬵ᭞ᬕᭂᬲ᭄ᬦᬶᬂᬫᬩᬺᬰᬶᬄᬓᬵᬧᬦᬄ᭚ᬯᬸᬲ᭄ᬦᬃᬧ᭄ᬧ
Kaca:Bali-lontar-gaguritan-panca-yajnya-350ppi.pdf/15
Kaca puniki sampun kauji-wacén
