[᭑᭓ 13B]
᭑᭓
ᬫ᭄ᬧᭀᬓ᭄ᬳᬫ᭄ᬧᭀᬓ᭄ᬢᬸᬳᬸᬂᬩᭀᬮ᭞ᬤᬯᬦ᭄ᬧᬤ᭄ᬫᬵᬳᬦᬶᬂᬳᬶᬲ᭄ᬢ᭄ᬭᬷ᭞ᬫ᭄ᬦᬸᬄᬘᬮᬶᬂᬓ᭄ᬯᬕᬶᬭᬾᬓᬵ᭞ᬳᬦᬹᬢ᭄ᬳᬸᬓᬹᬃᬓᬚᬂᬲᬫᬶ᭞ᬳᬗᭂᬦᬦ᭄ᬫᬶᬦᬵᬓᬵᬤᬶ᭞ᬘᬯᬦ᭄ᬕᬸᬮᬵᬓᬸᬮᬓ᭄ᬢᬮᬸᬄ᭞ᬬᬦ᭄ᬚᬶᬦᬄᬓᭀᬘᬶ᭠
ᬳᬩᬶᬤᬂ᭞ᬘ᭄ᬮᬸᬧᬶᬦ᭄ᬲᬶᬕᬶᬫᬶᬲᬶᬍᬗᬶᬲ᭄᭞ᬜ᭄ᬚᬶᬢᬶᬦ᭄ᬳᬧᬶ᭞ᬲᬶᬦᬗ᭄ᬕᬄᬲᬧ᭄ᬢᬵᬤᬾᬯᬢ᭄ᬣᬵ᭚ᬫ᭄ᬢᬵᬢᬓᬦ᭄ᬩᬩ᭄ᬓᭀᬭᬦ᭄᭞ᬩ᭄ᬭᬲ᭄ᬚᬶᬦᬄᬓᭂᬓᬵᬲᬂᬫᬮᬶᬄ᭞ᬳᭂᬜᬸᬄᬘᬵᬫᬦᬶᬂᬢᬫ᭄ᬩᬂᬜ᭞ᬫ᭄ᬤᬕᬶᬂᬳ
ᬭᬹᬫᬳᭂᬩᭂᬓᬶᬦ᭄᭞ᬧᬘᭂᬓᬶᬦ᭄ᬳᬗᭂᬦᬦ᭄ᬫᬮᬶᬄ᭞ᬩᬸᬗ᭄ᬲᬶᬮ᭄ᬫᬢᬵᬦᭂᬫ᭄ᬭᬶᬂᬳᬭᬹ᭞ᬫᬕ᭄ᬦᬄᬭᬶᬂᬳᬸᬳᬸᬭᬶᬂᬰᬯ᭄ᬯᬵ᭞ᬬᬦ᭄ᬢᭂᬕᭂᬲᬂᬫᬓᭂᬲᬵᬫᬶ᭞ᬓᭀᬘᬧ᭄ᬳᬶᬓᬸ᭞ᬧᬳᬬᬸᬩᬦ᭄ᬲᬂᬳ᭄ᬬᬂᬳᬢ᭄ᬫ᭄ᬫᬵ᭚
ᬫᬮᬶᬄᬯᬾᬦᬵᬢᭂᬦ᭄ᬮᬶᬗ᭄ᬕᬦ᭄ᬲᬗ᭄ᬕᬄ᭞ᬭᬶᬂᬢ᭄ᬗᭂᬦ᭄ᬫᬕ᭄ᬦᬄᬩ᭄ᬘᬶᬓ᭄᭞ᬓᭀᬘᬧ᭄ᬲᬗ᭄ᬕᬄᬧ᭄ᬭᬚ᭄ᬤᬵᬧᬢ᭄ᬬ᭞ᬫᬶᬯᬄᬧᬗᬯᬓ᭄ᬳ᭄ᬬᬫᬮᬶᬄ᭞ᬮᭀᬦ᭄ᬢᬃᬫ᭄ᬭᬶᬗ᭄ᬕᬶᬢ᭄ᬫᬚ᭄ᬧᬶᬢ᭄᭞ᬫᬰ᭄ᬭᭀᬩᭀᬂᬫᬯᬵᬤᬄᬯᬓᬸᬮ᭄᭞ᬧ
[᭑᭔ 14A]
ᬦᬓ᭄ᬩ᭄ᬬᬸᬓᬬᬸᬤᬕᬶᬂᬜ᭞ᬩᭀᬮᬯᬾᬋᬂᬫᬶᬲᬶᬧᬶᬧᬶᬲ᭄᭞ᬦᬾᬭᬶᬂᬯᬓᬸᬮ᭄᭞ᬩᭂ᭠ᬭᬲ᭄ᬚᬶᬦᬄᬩ᭄ᬬᬸᬳᬶᬚᬲᬦ᭄᭚ᬓᭀᬘᬧ᭄ᬫᬯᬱ᭄ᬝᬵᬫᬗᬯᬓ᭄᭞ᬫ᭄ᬤᬕᬶᬂᬘᬦ᭄ᬤᬦᬵᬯᬗᬶ᭞ᬫ
ᬲᬸᬭᬵᬢ᭄ᬧᬶᬦ᭄ᬤᬯᭀᬂᬯᭀᬗᬦ᭄᭞ᬧᬲᬶᬫ᭄ᬧᬗᬦ᭄ᬳᬢ᭄ᬫᬵᬗᭂᬢᬶᬲ᭄᭞ᬲᬶᬬᭀᬲ᭄ᬫᬭᬶᬂᬧ᭄ᬭᬚ᭄ᬚᬵᬧᬢ᭄ᬢᬶ᭞ᬓᭀᬘᬧ᭄ᬲᬂᬳ᭄ᬬᬂᬩ᭄ᬭᬳ᭄ᬫᬵᬫᬸᬗ᭄ᬕᬸᬄ᭞ᬫᬦᬫ᭄ᬧᬶᬲᬮ᭄ᬯᬶᬃᬳᬢᬸᬭᬦ᭄᭞ᬦᬾᬓᬵᬢᬹᬃᬓᬵᬧ᭄ᬭ
ᬚ᭄ᬚᬵᬧᬢ᭄ᬢᬶ᭞ᬬᬦ᭄ᬢᬃᬧ᭄ᬧᬡ᭄ᬦᬵᬲᬂᬳ᭄ᬬᬂᬧᬶᬢᬺᬓᭀᬘᬧ᭄ᬫᬸᬓ᭄ᬢ᭄ᬬ᭚ᬲᬶᬬᭀᬲ᭄ᬦᬾᬢ᭄ᬩᬾᬦᬶᬂᬰᬯ᭄ᬯᬵ᭞ᬩᬦ᭄ᬢᭂᬦ᭄ᬤᬕᬦ᭄ᬧᭂᬭᬲ᭄ᬕᬸᬮᬶᬂ᭞ᬧᬶᬲᬘ᭄ᬘᬵᬲᬗ᭄ᬓ᭄ᬬᬀᬫᬳᬸᬓ᭄ᬢ᭄ᬬ᭞ᬫ᭄ᬯᬂᬓᬮᬵᬤᬹᬃᬖ᭄ᬕᬵᬪᬹ
ᬘᬭᬶᬦᬶᬓᬵᬦᬫ᭄ᬧᬶᬫᬓᭂᬲᬫᬶ᭞ᬩᬦ᭄ᬢᭂᬦ᭄ᬤᬕᬦᬾᬧᬢᬸᬭᬹᬢ᭄᭞ᬫᬓᬵᬤᬶᬩᬸᬩᬹᬃᬧᬶᬭᬝᬵ᭞ᬧᬜ᭄ᬚᬂᬢᭂᬢᬸᬓᭀᬦᬾᬫᬮᬶᬄ᭞ᬳᬶᬓᬵᬓᭀᬘᬧ᭄᭞ᬓᬪᬓ᭄ᬢ᭄ᬢᬵᬫᬗ᭄ᬕᬾᬦ᭄ᬭᬭ
Kaca:Bali-lontar-gaguritan-panca-yajnya-350ppi.pdf/14
Kaca puniki sampun kauji-wacén
