[᭑᭑ 11B]
᭑᭑
ᬢᬄᬫᬩᬵᬭᬢ᭄ᬣ᭞ᬢᬦ᭄ᬤᬵᬤᭀᬲ᭄ᬓᭂᬧᬳᭀᬦ᭄ᬗ᭄ᬭᬜ᭄ᬚᬶᬂ᭞ᬲᬧᭂᬤᭂᬫᬦ᭄᭞ᬢᬸᬯᬸᬕ᭄ᬕᬂᬢᬶᬕᬂᬭᬳᬶᬦ᭚ᬬᬦᬶᬂᬳᬦ᭄ᬯᬾᬦ᭄ᬢᭂᬦ᭄ᬫᬵᬢᬢᬄ᭞ᬳᬢ᭄ᬫᬦᬾᬫᬗᬸᬢ᭄ᬕᬸᬢᬶᬳᬶᬂ᭞ᬭᬶᬂᬳᬬᬢᬵᬦᬫᬵ
ᬕ᭄ᬦᬄ᭞ᬓᭀᬘᬧᬂᬭᬶᬂᬮᬶᬂᬦᬶᬂᬳᬚᬶ᭞ᬳᬢ᭄ᬫᬵᬧᬺᬱᬗ᭄ᬲᬸᬗᭂᬘᬧᬶᬦ᭄᭞ᬬᬦ᭄ᬮᬶᬯᬃᬲ᭠ᬓᬶᬂᬧᬸᬦᬶᬓᬸᬳᬶᬳᬸᬧᬓᬵᬭᬫᬵᬢᬢᬄ᭞ᬓᬯ᭄ᬦᬂᬯ᭄ᬦᬂᬗᬾᬳᬮᬶᬄ᭞ᬬᬦ᭄ᬭᬳ᭄ᬫᬡᬵ᭞ᬫᬥᬶᬓ᭄ᬱᬧᬘᬂ
ᬢᬸᬚᬸᬡ᭚ᬳᬓ᭄ᬱᬸᬥᬶᬧᬸᬦ᭄ᬫᬵᬗᬶᬘᬮᬂ᭞ᬮ᭄ᬢᬸᬄᬤᬰᬾᬦ᭄ᬤ᭄ᬭᬶᬬᬲᬵᬫᬶ᭞ᬫᬗᬺᬢ᭄ᬲᬤ᭄ᬯᬃᬕ᭄ᬕᬵᬲᬭᬷᬭ᭞ᬫᬓᬤᬶᬜᬫᬗ᭄ᬤᬾᬦ᭄ᬩᬺᬰᬶᬄ᭞ᬳᬶᬘᬢᬹᬃᬲᬦᬓ᭄ᬓᬾᬲᬫᬶ᭞ᬫᬮᬶᬄᬕᬦ᭄ᬢᬶᬳᬭᬦ᭄ᬳᬶ
ᬧ᭄ᬦ᭄ᬲ᭄ᬭᬸᬢ᭄ᬢᬶᬲ᭄ᬫᬺᬢ᭄ᬢᬶᬗᬸᬘᬧᬂ᭞ᬰ᭄ᬯᬭᬵᬧᬭᬶᬥᬵᬦᬫᬵᬮᬶᬄ᭞ᬫᬶᬢᬸᬭᬸᬢ᭄ᬢᬂᬰᬰᬵᬡᬵᬦᬶᬂᬓᬧᬵᬡ᭄ᬤᬶᬢ᭄ᬣᬦ᭄᭚ᬲᭀᬭᬶᬂᬩ᭄ᬭᬳ᭄ᬫᬡᬫᬵᬯᬶᬦ᭄ᬢᭂᬦ᭄᭞ᬲᬂᬫᬯᬶᬦ᭄ᬢᭂᬦ᭄ᬫᬗ᭄ᬤᬾᬦ᭄ᬩᬺᬰᬶᬄᬫᬗᬗ᭄ᬕᬾ᭠
[᭑᭒ 12A]
ᬧᬸᬢᬶᬄᬧ᭄ᬭᬤᭂᬕᬦ᭄ᬳᬶᬦᬸᬧᬓᬵᬭᬫᬵᬢᬸᬮᬶᬲ᭄᭞ᬳᬦ᭄ᬢᬸᬓ᭄ᬢᭂᬩᬸᬫᬶᬦᬓᬤᬶᬫᬥᬸᬫᬗ᭄ᬕᬾᬦ᭄ᬢᭀᬬᬦ᭄ᬳᬶᬧᬸᬦ᭄᭞ᬲᬶᬦᬸᬭᬢ᭄ᬤᬾᬭᬲᬂᬧᬦ᭄ᬥ᭄ᬬ᭞ᬦᬸᬦᬲ᭄ᬓᬮᬸᬧᬸᬢᬦ᭄ᬲᬫᬶ᭞ᬢ᭄ᬕᭂᬲ᭄ᬳᬶᬧᬸᬦ᭄᭞
ᬢᬦ᭄ᬓᬵᬢᬫᬦ᭄ᬳᬸᬧᬤ᭄ᬭᬵᬯ᭚ᬫᬕᬸᬜ᭄ᬘᬭᬂᬮᬶᬂᬦᬶᬂᬲᬰ᭄ᬢ᭄ᬭ᭞ᬧᬺᬕᭀᬮᬦ᭄ᬫᬶᬯᬄᬲᬵᬫᬤ᭄ᬥᬶ᭞ᬬᬤᬶᬦ᭄ᬗᬸᬗ᭄ᬕᬸᬳᬂᬭᬶᬂᬲᬸᬭᬵᬢ᭄᭞ᬫᬗ᭄ᬤᬾᬦ᭄ᬭᬳᬬᬸᬓᬵᬧᬗ᭄ᬕᬶᬄ᭞ᬕᬸᬃᬓ᭄ᬢᬄᬦᬶᬱ᭄ᬝᬵᬯ᭄ᬬᬓ᭄ᬢᬶ᭞ᬲᬰ᭄ᬢ᭄ᬭᬓ᭄ᬢᬄ
ᬫᬥ᭄ᬬᬳᬶᬓᬸ᭞ᬲᬦᬾ ᬧᬸᬧᬸᬭᬶᬂᬲᬲ᭄ᬯᬢᬄ᭞ᬧᬸᬦᬶᬓᬧᬘᬂᬧ᭄ᬮᬚᬳᬶᬦ᭄᭞ᬓ᭄ᬦᬶᬲᬫ᭄ᬧᬸᬦ᭄᭞ᬫᬯᬶᬦ᭄ᬢᭂᬦ᭄ᬫᬵᬗᬯᬖᬯᬕ᭄᭚ᬲᬧᬸᬦᬶᬓᬵᬓᬵᬢᬢ᭄ᬯᬦ᭄ᬜ᭞ᬳᬦᬓᬾ ᬫᬯᬶᬦ᭄ᬢᭂᬦ᭄ᬲᬫᬶ᭞ᬬ
ᬤᬶᬦ᭄ᬫᭂᬫᬗ᭄ᬓᬸᬦᬶᬦ᭄ᬤᬾᬯ᭄ᬯᬵ᭞ᬭᬶᬂᬧᬸᬲᭂᬄᬧᬫᬵᬓ᭄ᬱᬦ᭄ᬫᬮᬶᬄ᭞ᬯᬸᬲ᭄ᬲᬶᬦᬸᬭᬵᬢ᭄ᬓ᭄ᬮᬸᬓᬢ᭄ᬫ᭠ᬮᬶᬄ᭞ᬳᬢᬶᬃᬢ᭄ᬣᬫᬵᬗ᭄ᬤᬾᬦᬾᬧᬸᬧᬸᬢ᭄᭞ᬯᬸᬲ᭄ᬫᬢᬶᬃᬢ᭄ᬣᬫᬵᬗ᭄ᬤᬾᬦᬾᬧᬸᬧᬸᬢ᭄᭞ᬯᬸᬲ᭄ᬫᬢᬷᬃᬢ᭄ᬣᬫᬵᬮᬩᬳᬦ᭄᭞ᬲ᭄ᬤᬄᬢᬸᬫ᭄ᬭᭀᬲ᭄ᬯᬄᬘᬂᬳᬸ
Kaca:Bali-lontar-gaguritan-panca-yajnya-350ppi.pdf/12
Kaca puniki sampun kauji-wacén
