[᭑᭐ 10B]
᭑᭐
ᬳᭀᬕ᭄ᬬᬳᬸᬭᬹᬓ᭄ᬫᬗ᭄ᬤᬾᬦ᭄ᬧᬢᬸᬢ᭄᭞ᬓ᭄ᬘᬵᬧ᭄ᬲ᭄ᬯᬭᬵᬧᬭᬶᬥᬦᬵ᭞ᬳᬗ᭄ᬕᬲ᭄ᬢ᭄ᬬᬜ᭄ᬭᬶᬢᬬᬂᬫᬮᬶᬄ᭞ᬳᬦᬶᬂᬲᬫ᭄ᬧᬸᬦ᭄᭞ᬳᬦᬓᬾᬤ᭄ᬳᬵᭂᬢᭂᬭᬸᬡ᭄ᬦᬵ᭚ᬭᬾᬄᬓᬤᬤᬶᬦ᭄ᬩ᭄ᬭᬳ᭄ᬫᬳᬢ᭄ᬬᬯ᭄ᬦᬂᬳᬸᬧᬓᬵᬭᬫᬵᬮᬶᬄ᭞ᬧᬫᬭᬶᬲᬸᬤ᭄ᬥᬭᬶᬂ
ᬤᬾᬯ᭄ᬯᬵ᭞ᬗᬶᬘᬮᬂᬍᬢᬸᬳᬾᬲᬫᬶ᭞ᬳᬧᬚᭂᬕ᭄ᬩᬦ᭄ᬢᭂᬦ᭄ᬜᬫᬮᬶᬄ᭞ᬲᬳᬸᬧᬓᬵᬭᬦᬾᬧᬸᬧᬸᬢ᭄᭞ᬬᬦ᭄ᬗᬦᬹᬢ᭄ᬢᬂᬧᬃᬓ᭄ᬭᬫ᭄ᬫᬵ᭞ᬫᬵᬦᬸᬭᬹᬢ᭄ᬓ᭄ᬘᬧᬶᬂᬳᬚᬶ᭞ᬭᬚ᭄ᬚᬵᬰ᭄ᬯᬮᬵ᭞ᬢᭂᬫ᭄ᬩᬾᬦᬶᬂᬓᬵ
ᬩ᭄ᬭᬳ᭄ᬫᬵᬳᬢ᭄ᬬᬦ᭄᭚ᬮᬶᬦᬶᬂᬳᬗ᭄ᬕᬲ᭄ᬢ᭄ᬬᬜ᭄ᬭᬶᬢᬬᬂ᭞ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬘ᭄ᬭᬶᬢ᭄ᬣᬫᬮᬶᬄ᭞ᬬᬦ᭄ᬲᬫ᭄ᬧᬸᬦ᭄ᬦᭂᬫ᭄᭞ᬯᬾᬦ᭄ᬢᭂᬦ᭄ᬳᬸᬧᬓᬵᬭᬫᬵᬮᬶᬄ᭞ᬫᬢᬵᬢᬄᬬᭂᬓᬯᬱ᭄ᬝᬦᬶᬦ᭄᭞ᬗᬶᬘᬮᬂᬫ
ᬮᬦᬶᬂᬭᬫ᭄ᬩᬸᬢ᭄᭞ᬗᬶᬮᬗᬂᬫᬵᬳᬮᬦᬶᬂᬘᬃᬫ᭄ᬫᬵ᭞ᬫᬓᬤᬶᬫᬵᬮᬦᬶᬂᬕᬶᬕᬶ᭞ᬲᬧᬸᬦᬶᬓᬵᬫᬸᬗ᭄ᬕᬸᬄᬭᬶᬂᬓ᭄ᬘᬧᬶᬂᬲᬰ᭄ᬢ᭄ᬭ᭚ᬫᭂᬫᭀᬢᭀᬂᬕᬶᬕᬶᬫᬵᬢᬢᬄ᭞ᬲᬳᬸᬧᬵᬓᬭᬦᬾ ᬲᬫ᭄ᬫᬶ᭞ᬳᬶᬘᬢᬹᬃᬲᬦᬓ᭄ᬮᬶᬦᬸ
[᭑᭑ 11A]
ᬳᬢ᭄᭞ᬓᭀᬘᬧ᭄ᬫᬗ᭄ᬤᬾᬦ᭄ᬲᬋᬂᬩᬺᬱ᭄ᬳᬶᬄ᭞ᬯᬸᬲ᭄ᬮᬶᬦᬸᬓᬢ᭄ᬘ᭄ᬭᬶᬢ᭄ᬣᬫᬮᬶᬄ᭞ᬫᬩ᭄ᬬᬓᬵᬮᬲᬵᬋᬂᬓᬸᬫ᭄ᬧᬸᬮ᭄᭞ᬓᬧᬶᬂᬭ᭄ᬯᬦᬶᬂᬳᬸᬧᬓᬵᬭ᭞ᬳᬸᬫᬚ᭄ᬚᬶᬳ᭄ᬬᬂᬲ᭄ᬫᬵᬭᬭᬵᬢ᭄ᬢᬶᬄ᭞ᬳᬦᬵᬫ᭄ᬢᬫᬶ᭞ᬓ
ᬬᭀᬯᬦᬦ᭄ᬲᬂᬫᬵᬢᬢᬄ᭚ᬢᬢᬵᬩᬦ᭄ᬜᬳᬩᬢᭂᬓᬦ᭄᭞ᬭᬯᬸᬄᬓᬧᬫᬺᬫ᭄ᬫ᭠ᬦ᭄ᬲᬫᬶ᭞ᬧᭂᬩᬗ᭄ᬓᬶᬢ᭄ᬕᬸᬮᬶᬂᬫ᭄ᬯᬂᬕᬬᬄ᭞ᬫᬶᬯᬄᬲᭂᬲᬢ᭄ᬢᬾᬩᭂᬩᬮᬶ᭞ᬧᬶᬓᭂᬓᭂᬄᬬᬵᬫᬶᬦᬵᬓᬵ
ᬤᬶ᭞ᬧᬩ᭄ᬬᬓᬵᬮᬲᬋᬂᬓᬸᬫᬸᬮ᭄᭞ᬯᬾᬦ᭄ᬢᭂᬦ᭄ᬫᬵᬮᬶᬄᬳᬧᬲᬮ᭄᭞ᬭᬶᬂᬧᬵᬢᬢᬳᬦᬾᬯ᭄ᬬᬓ᭄ᬢᬶ᭞ᬧᬸᬍᬓᬺᬢ᭄ᬢᬶ᭞ᬫᬵᬓᬤᬶᬜᬧᭂᬧᬚᬗᬦ᭄᭚ᬭᬯᬶᬂᬩᬦ᭄ᬢᭂᬦ᭄ᬧᬸᬍᬕᬾ
ᬫ᭄ᬩᬮ᭄᭞ᬢᭂᬕ᭄ᬢᭂᬕ᭄ᬫᬶᬯᬄᬧᬼᬢᬶᬓ᭄ᬘᭂᬗ᭄ᬓᬶᬭ᭄᭞ᬧ᭄ᬤᬵᬫᭂᬮ᭄ᬲ᭄ᬓᬃᬲᬶᬢᬵᬫᬦ᭄᭞ᬩᭂᬩᬮᬶᬮᬶᬫ᭄ᬯᬂᬲᬧᬸᬢ᭄ᬓᬸᬦᬶᬂ᭞ᬢ᭄ᬥᬸᬦ᭄ᬫᭂᬧᭂᬜ᭄ᬚᭂᬓᬦ᭄ᬮᬶᬗ᭄ᬕᬶᬲ᭄᭞ᬗᭂᬢᭀᬓ᭄ᬩᬦ᭄ᬘᬓᭂᬢ᭄ᬧᬶᬗ᭄ᬢᭂᬮᬸ᭞ᬲᬂᬫᬵᬢ
Kaca:Bali-lontar-gaguritan-panca-yajnya-350ppi.pdf/11
Kaca puniki sampun kauji-wacén
