Kaca:Bali-lontar-gaguritan-pakangraras-02-300ppi.pdf/86

Saking Wikisource
Kaca puniki sampun kauji-wacén

[᭘᭕ 85B]
᭘᭕᭟
ᬰ᭄ᬮᭀᬓᬰ᭄ᬭᬸᬢᬶ᭞ᬲ᭄ᬯᬭᬦ᭄ᬩᬚ᭄ᬭᬦᬾᬗᬫ᭄ᬩᬭ᭟᭜᭟ᬲᬵᬫ᭄ᬧᬸᬦ᭄ᬯᬸᬦ᭄ᬳᬶᬤᬫᬸᬱ᭄ᬧ᭞ᬢᬸᬫᬸᬮᬶᬫᬢᬷᬃᬣᭂᬕᭂᬮᬶᬲ᭄᭞ᬧᬭᬡ᭄ᬟᬳᬶᬤᬦᬶᬩᬓᬂ᭞ᬫᬩᬺᬲᬶᬄᬫᬮᬸᬓᬢ᭄ᬲᬵᬫ᭄ᬧᬸᬦ᭄᭞ᬳᭂᬦᭂᬗᬓ᭄ᬦᬭᬶᬂᬧᬫ᭄ᬭ
ᬚᬦ᭄᭞ᬓᭀᬘᬧ᭄ᬫᬗ᭄ᬓᬶᬦ᭄᭞ᬕᬸᬲ᭄ᬢᬶᬧᬢᬶᬄᬭᬶᬂᬩᬜ᭄ᬘᬶᬗᬄ᭟᭜᭟ᬗᬢᬸᬭᬂᬲᭀᬤᬭᬬᬸᬦᬦ᭄᭞ᬓᬚᬩᬫᬶᬯᬄᬓᬧᬸᬭᬷ᭞ᬧᬗᬬᬳᬾᬫᬲ᭄ᬮᬶᬯᭂᬭᬦ᭄᭞ᬲᭂᬓᬸᬮ᭄ᬳᬸᬮᬫᬾᬮᬸᬫᬶᬦ᭄ᬢᬸ᭞ᬧᬭᬭ
ᬢᬸᬦᬾᬫᬧᬾᬲ᭄ᬢ᭞ᬧᬸᬧᬸᬢ᭄ᬲᬫᬶ᭞ᬭᬶᬂᬧᬸᬭᬷᬫᬶᬯᬄᬭᬶᬂᬚᬩ᭟᭜᭟ᬧᬭᬡ᭄ᬟᬲᬫᬶᬲᬵᬫ᭄ᬧᬸᬦ᭄ᬓᬢᬸᬭᬦ᭄᭞ᬧᬸᬡ᭄ᬬᬓᬢᬸᬃᬲᬫᬶ᭞ᬭᬶᬂᬚᬩᬭᬶᬂᬧ᭄ᬭᬕᬶᬡ᭞ᬧᭂᬧᭂᬓ᭄ᬲᬵᬫ᭄ᬧᬸᬦ᭄ᬓᬶᬘᬾᬦ᭄ᬲᬗᬸ᭞ᬢᭂᬓ
ᬦᬶᬂᬧ᭄ᬭᬕᬶᬡᬢᭀᬦ᭄ᬢᭀᬦᬦ᭄᭞ᬢ᭄ᬯᬭᬍᬧᬶᬄ᭞ᬭᬯᬸᬳᬶᬂᬓᬯᬸᬮᬳᬶᬭᬶᬗᬦ᭄᭟᭜᭟ᬢᭂᬓᬦᬶᬂᬓᬯᬸᬮᬧᬗᬬᬄ᭞ᬭᬯᬸᬳᬶᬂᬚᬸᬭᬸᬳᬭᬶᬢ᭄᭞ᬲᬵᬫ᭄ᬧᬸᬦ᭄ᬲᬫᬶᬦᬸᬦᬲ᭄ᬧᬳᬶᬘ᭞ᬲᬂᬳ᭄ᬬᬂᬲᬹᬃᬬ᭄ᬬᬲᬵ
[᭘᭖ 86A]
ᬫ᭄ᬧᬸᬦ᭄ᬲᬸᬭᬸᬧ᭄᭞ᬧᬭᬭᬢᬸᬦᬾᬲᬫᬶᬩᬸᬤᬮ᭄᭞ᬗᬾᬮᬶᬗᬶᬦ᭄ᬮᬶᬗ᭄ᬕᬶᬄ᭞ᬫᬗ᭄ᬭᬭᬶᬲ᭄ᬓᬧᬓᭀᬍᬫᬦ᭄᭟᭜᭟ᬲᬂᬧ᭄ᬭᬪᬸᬓᬮᬶᬄᬗᬧᬸᬃᬬ᭄ᬬᬂ᭞ᬢᬦ᭄ᬓᬯᬃᬡ᭄ᬦᬤᬶᬚ᭄ᬭᭀᬧᬸᬭᬷ᭞ᬭᬶᬂᬚᬩᬫᬮᬶᬄᬓᭀᬘᬧ
ᬦ᭄᭞ᬕᭀᬗᬾᬲᬫᬶᬓᬩᬸᬄ᭞ᬓᬮᬶᬄᬲᭀᬭᭀᬄᬲᬲᭀᬮᬳᬦ᭄᭞ᬫᬭᬲᬫᬶ᭞ᬫᬲᭀᬮᬄᬭᬶᬂᬩᬜ᭄ᬘᬶᬗᬄ᭟᭜᭟ᬩᭂᬓ᭄ᬲᭂᬓ᭄ᬱᭂᬓ᭄ᬢᬦ᭄ᬓᭂᬦᬾᬂᬯᬶᬮᬂ᭞ᬚᬦ᭄ᬫᬦᬾᬳᭂᬮᬸᬄᬫ᭄ᬯᬦᬾ᭞ᬫᬾᬡᬓ᭄ᬓᬮᬯᭀ᭠
ᬦ᭄ᬯᬾᬂᬰᬸᬤ᭄ᬭ᭞ᬫᬲᭀᬤᭀᬕ᭄ᬫᬶᬯᬄᬫᬢᬸᬯᬸᬓ᭄᭞ᬫᬶᬦᬩ᭄ᬳᬤᬧᭂᬢᬂᬮᬓ᭄ᬱ᭞ᬮᬦᬂᬳᬶᬲ᭄ᬢ᭄ᬭᬷ᭞ᬓᬶᬸᬂᬘ᭄ᬭᬶᬓ᭄ᬓᭂᬮᬶᬄᬢᬸᬯᬩᬚᬂ᭟᭜᭟ᬳᬦᬓᬾᬮᬸᬄᬫᬸᬮᬓᬸᬯᬮ᭄᭞ᬦᬾᬫ᭄ᬯᬦᬶᬫᬸᬮᬗᬸᬦ᭄ᬤᬮᬶ᭞ᬲᬮᬶᬂᬓᭂ᭠
ᬤᭂᬂᬲᬮᬶᬂᬘᭀᬓᭀᬢ᭄᭞ᬲᬮᬶᬂᬲᬩᬢ᭄ᬲᬮᬶᬂᬢᬶᬫ᭄ᬧᬸᬕ᭄᭞ᬓᬲᬶᬲᬶᬫᬗᬮᬶᬄᬲᭂᬮ᭞ᬳᬤᬩᬸᬯᬶᬦ᭄᭞ᬢᬭᬸᬡᬫᬕᭀᬕᭀᬕᭀᬕᭀᬯᬦ᭄᭟᭜᭟ᬮᬶᬬᬦ᭄ᬫᬋᬩᬢᬶᬦ᭄ᬕᭂᬦᬄ᭞ᬫᬗ᭄ᬭ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-pakangraras-02-300ppi.pdf/86&oldid=49993"