[᭘᭔ 84B]
᭘᭔᭟
ᬚᬂ᭞ᬳᬶᬮᬮᬳᬶᬮ᭄᭞ᬳᬶᬮᬳᬶᬮᬄᬳᬳᬶᬮ᭄ᬮᭂᬮᬄ᭟᭜᭟ᬲᭀᬭᭀᬄᬢᬫ᭄ᬩᬶᬫᬘᬳᬤ᭄ᬭᬄ᭞ᬫᬚᬕᬰᬵᬢ᭄ᬭᬸᬲᬭᬕ᭄ᬲᬶᬭᬶᬕ᭄᭞ᬫᬶᬸᬂᬓᬶᬸᬚᬶᬸᬂᬗᬶᬸᬂᬩᬶᬸᬂᬲᬶᬸᬂᬦᬶᬸᬂᬧᬶᬸᬂ᭞ᬤᬸᬮᬸᬭᬶᬦ᭄ᬭᬸᬯᬂᬧ᭄ᬯᬤᭀᬄ᭞
ᬫᬗᬗ᭄ᬕᭀᬓᬤᬶᬲᭀᬮ᭄ᬤᬤᬸ᭞ᬫᬓᭂᬚᬂᬗᬩᬲᬶᬦᬧᬂ᭞ᬮ᭄ᬬᬦ᭄ᬫᬧᬳᬶᬤ᭄᭞ᬫᬭᬶᬬᭂᬫ᭄ᬕᭂᬥᬾᬫᬓᭂᬫ᭄ᬩᬭᬦ᭄᭟᭜᭟ᬢᬫ᭄ᬩᬸᬃᬲᭀᬫ᭄ᬧ᭄ᬭᬾᬢ᭄ᬫᬸᬲᬶᬓ᭄ᬳᬸᬫ᭄ᬬᬂ᭞ᬓᬧᬮᬦᬾᬫᬢᬸᬭᬗ᭄ᬕᬶ᭞ᬧᬗᬗ᭄ᬕᭀᬦᬾᬤᬾ
ᬦᭂᬲ᭄ᬓᬯᭀᬢ᭄᭞ᬫᬩᬶᬦ᭄ᬢᬂᬩᬶᬦ᭄ᬢᬂᬢᬜ᭄ᬚᬸᬂ᭞ᬲᬫ᭄ᬧᬶᬭᬦ᭄ᬫᬕᬦ᭄ᬢᬸᬂᬧᭂᬤᬂ᭞ᬬᬦᬸᬧᬫᬶ᭞ᬲᬓ᭄ᬱ᭠ᬢ᭄ᬢ᭄ᬯᬦ᭄ᬚᬾᬦ᭄ᬤ᭄ᬭᬮ᭄ᬧ᭄ᬭᬂ᭟᭜᭟ᬓᬲᭂᬮᬕᬶᬦ᭄ᬗᬭᬶᬲ᭄ᬧᭂᬜ᭄ᬘᬓ᭄᭞ᬚᬚᬃᬳᭂᬫ᭄ᬧᬢ᭄ᬧᭂᬢᬂᬭᬶᬭᬶᬕ᭄᭞ᬕᬕ᭠
ᬫ᭄ᬩᭂᬮᬦᬾᬓᬤᬾᬜ᭄ᬘᭀᬂ᭞ᬫᬧᬗᬯᬶᬦ᭄ᬧᬢᬮᬜ᭄ᬚᬸᬓ᭄᭞ᬫᬩᭂᬦ᭄ᬤᬾᬭᬫᬳᬤᬸᬓᬦ᭄᭞ᬩᬭᬓ᭄ᬧᬸᬢᬶᬄ᭞ᬧᬫᭂᬓᭂᬮ᭄ᬜᬦᬾᬦᭂᬕᬓᬶᬦ᭄ᬚᬭᬦ᭄᭟᭜᭟ᬧᬬᬲ᭄ᬤᬦᬾᬫᬲ᭄ᬭᭀᬤᬦ᭄᭞
[᭘᭕ 85A]
ᬭᬾᬜ᭄ᬘᬂᬤᬦᬾᬫᬗᬺᬦ᭄ᬢᭂᬩᬶᬦ᭄᭞ᬗᬶᬭᬶᬗᬂᬗᬩᬋᬩᬦ᭞ᬧᬥᬫᬤᬶᬓᬶᬃᬧᬓ᭄ᬭᬯᬸᬓ᭄᭞ᬧᬥᬫᬦᭂᬮᬳᬂᬲ᭄ᬯᬭ᭞ᬧᬓ᭄ᬭᬳᬶᬓ᭄᭞ᬳᬸᬯᬢ᭄ᬩᬯᭀᬗᬾᬓᬦ᭄ᬢᬶᬧᬚᭂᬮᬦ᭄ᬢᬄ᭟᭜᭟ᬓᬯᬸᬯᬸ
ᬲᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬭᬶᬂᬲᬗ᭄ᬕ᭄ᬭᬳᬦ᭄ᬭᬤᬾᬦ᭄ᬤᬾᬯᬷ᭞ᬕᭂᬮᬶᬲ᭄ᬲᬫᬶᬳᬶᬤᬫᬸᬗ᭄ᬕᬄ᭞ᬲᬂᬦᬵᬣᬲᬋᬂᬲᬂᬧ᭄ᬭᬪᬸ᭞ᬧ᭄ᬭᬫᬾᬰ᭄ᬯᬭᬷᬧ᭄ᬭᬫᬾᬰ᭄ᬯᬃᬬ᭄ᬬ᭞ᬭᬤᬾᬦ᭄ᬤᬾᬯᬷ᭞ᬲᬋᬂᬭᬤᬾᬦ᭄ᬫᬦ᭄ᬢ᭄ᬭᬶᬬ᭟᭜᭟ᬩᬬᬦ᭄ᬲ
ᬗᬶᬢ᭄ᬗᬶᬦ᭄ᬢᬾᬗᭂᬫ᭄ᬩᬦ᭄᭞ᬫᬾᬫᬾᬩᭂᬓᬸᬂᬯᬬᬦ᭄ᬳᬮᬶᬢ᭄᭞ᬲᬵᬫ᭄ᬧᬸᬦ᭄ᬲᬫᬶᬫᬸᬗ᭄ᬕᬄᬓ᭄ᬭᬾᬢ᭞ᬧᬫᬃᬕ᭄ᬕᬶᬦᬾᬳᬮᭀᬦ᭄ᬳᬮᬸᬲ᭄᭞ᬮᬶᬦ᭄ᬢᬂᬭᬫᬾᬮᬶᬸᬂᬳᬍᬧ᭄ᬤᬩ᭄ᬤᬩ᭄᭞ᬲᬵᬫ᭄ᬧᬸᬦ᭄ᬧ᭄ᬭᬯᬶᬸᬂᬧ᭄ᬢᬶ᭞ᬭᬶᬂ᭠
ᬩᬜ᭄ᬘᬶᬗᬄᬧᬸᬭᬶᬚᬗ᭄ᬕᬮ᭟᭜᭟ᬩᬸᬜ᭄ᬘᬶᬗᬾᬭᬭᬶᬲ᭄ᬗᬧᬸᬃᬬ᭄ᬬᬂ᭞ᬧ᭄ᬭᬳᬶᬲ᭄ᬢ᭄ᬭᬶᬦᬾᬗᬭᬭᬶᬲ᭄᭞ᬓᬧᬫ᭄ᬭᬚᬦ᭄ᬭᬭᬶᬲ᭄ᬗᭀᬚᭀᬕ᭄᭞ᬩᬩᬦ᭄ᬢᭂᬦᬾᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬧᬭᬦ᭄ᬟᬲᬵᬫ᭄ᬧᬸᬦ᭄ᬫᬯᬾᬥ
Kaca:Bali-lontar-gaguritan-pakangraras-02-300ppi.pdf/85
Kaca puniki sampun kauji-wacén
