[᭕᭑ 51B]
᭕᭑᭟
᭐᭟ᬳᬶᬗ᭄ᬕᬶᬄᬕᬸᬲ᭄ᬢᬶᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬲᬸᬯᬾᬳᬶᬤᬢᬦ᭄ᬓᬢᬗ᭄ᬓᬶᬮ᭄᭞ᬤᬾᬦᬶᬂᬳᬶᬤᬓᭀᬲᭂᬓᬦ᭄ᬭᬯᭀᬲ᭄᭞ᬫᬤ᭄ᬯᬾᬧᬸᬢ᭄ᬭᬳᬳᬸᬓᬸᬤ᭄᭞ᬳᬶᬲ᭄ᬢ᭄ᬭᬷᬳᬬᬸᬲᭂᬤᭂᬂᬳᬾᬫᬦ᭄᭞ᬳᬶᬤᬮᬮᬶᬲ᭄᭞
ᬲᬓᬶᬂᬧᬸᬭᬶᬳᬶᬤᬳᬶᬘᬮ᭄᭟᭜᭟ᬅᬃᬬ᭄ᬬᬤᭂᬫᬸᬂᬓᬗ᭄ᬕᭂᬓᬶᬂᬘᬶᬢ᭞ᬓᬕᬾᬢ᭄ᬢᭂᬓᬧᬋᬓᬦ᭄ᬘ᭄ᬭᬶᬓ᭄᭞ᬦᬾᬘᬳᬶᬩᬦᬶᬓᬚ᭄ᬭᭀ᭞ᬫᬢᬸᬃᬭᬶᬂᬳᬶᬤᬲᬂᬧ᭄ᬭᬪᬸ᭞ᬯᭂᬓᬲᬂᬢ᭄ᬬᬂᬳᬸᬢᬸᬲᬦ᭄᭞᭠
ᬰ᭄ᬭᬷᬪᬹᬧᬢᬶ᭞ᬳᬸᬮᬶᬤᬶᬦᬵᬕᬭᬓᭀᬭᬶᬧᬦ᭄᭟᭜᭟ᬅᬃᬬ᭄ᬬᬤᭂᬫᬸᬂᬧᬭᬩ᭄ᬳᬶᬬᬂ᭞ᬳᬸᬦᬶᬗᬂᬭᬶᬂᬤᬲᬂᬳᬚᬷ᭞ᬳᬶᬧᬋᬓᬦ᭄ᬕᭂᬮᬶᬲ᭄ᬓᬚ᭄ᬭᭀ᭞ᬧᬋᬓ᭄ᬭᬶᬂᬳᬶᬤᬲᬂᬧ᭄ᬭᬪᬸ᭞ᬭᬭᬶᬲ᭄ᬳᬶᬤᬫᬗᬦ᭄ᬤᬶ
ᬓ᭞ᬓᬾᬦ᭄ᬓᬾᬦ᭄ᬩᭂᬮᬲᬶᬦ᭄᭞ᬘᬳᬶᬢᭂᬓᬫᬕᭀᬩᬲᬗᬄ᭟᭜᭟ᬳᬶᬩᭂᬮᬲᬶᬦ᭄ᬫᬳᬢᬸᬃᬲᭂᬕ᭄ᬩᬄ᭞ᬳᬶᬗ᭄ᬕᬶᬄᬤᬾᬯᬰ᭄ᬭᬷᬪᬹᬧᬢᬶ᭞ᬢᬶᬢ᭄ᬬᬂᬗᬢᬸᬭᬂᬧᬯᭂᬓᬲ᭄᭞ᬳᬸᬢᬸᬲᬦ᭄ᬳᬶ᭠
[᭕᭒ 52A]
ᬤᬲᬂᬧ᭄ᬭᬪᬸ᭞ᬲᬓᬶᬂᬦᬵᬕᬭᬚᬗ᭄ᬕᬮ᭞ᬭᬯᬸᬄᬫᬭᬶᬓᬶ᭞ᬕᬸᬲ᭄ᬢᬶᬤᭂᬫᬸᬂᬋᬓᬾᬧᬧᬭᬩ᭄᭟᭜᭟ᬲᬵᬫ᭄ᬧᬸᬦ᭄ᬤᬦᬾᬭᬶᬂᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬳᬢᬸᬭᬶᬦ᭄ᬓᬧᬢ᭄ᬤᬓ
ᬦ᭄᭞ᬳᬶᬩᭂᬮᬲᬶᬦ᭄ᬕᭂᬮᬶᬲ᭄ᬫᬯᬗ᭄ᬲᬸᬮ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬫᭂᬤᬮ᭄᭞ᬲᬵᬫ᭄ᬧᬸᬦ᭄ᬫᬮᬶᬗ᭄ᬕᬶᬄᬕᬸᬲ᭄ᬢᬶᬤᭂᬫᬸᬂᬧᬋᬓ᭄ᬫᬜᭂᬫ᭄ᬩᬄ᭟᭜᭟ᬳᬶᬗ᭄ᬕᬶᬄᬤᬾᬯᬰ᭄ᬭᬷᬦᬭᬾᬦ᭄ᬤ᭄ᬭ᭞ᬢᬶᬢ᭄ᬬᬂᬓᬳᬸᬢᬸᬲ᭄ᬦᬾᬫᬗ᭄ᬓᬶᬦ᭄᭞ᬗ
ᬢᬸᬭᬂᬰᬾᬯᬮᬧᬢ᭄ᬭ᭞ᬭᬶᬂᬧᬤᬸᬓᬚᬷᬧᬸᬓᬸᬮᬸᬦ᭄᭞ᬧᬸᬦᬶᬓᬶᬲᬸᬭᬵᬢᬶᬤ᭞ᬰ᭄ᬭᬷᬪᬹᬧᬢᬶ᭞ᬭᬓᬦ᭄ᬭᬢᬸᬭᬶᬂᬚᬗ᭄ᬕᬮ᭟᭜᭟ᬲᬂᬧ᭄ᬭᬪᬸᬓᬤᬾᬭᬷᬫᬦᬗ᭄ᬕᬧ᭄᭞ᬓᬕᬕᬄᬭᬭᬶᬲ᭄ᬓᬳᬓ᭄ᬱᬶ᭞ᬭᬶᬂᬚ᭄ᬭᭀ
ᬳᬗᭂᬦ᭄ᬓᬩᬯᭀᬲ᭄᭞ᬲᬮᬶᬗᬶᬂᬲᬸᬭᬵᬢᬾᬧᬸᬧᬸᬢ᭄᭞ᬲᬂᬦᬵᬣᬳᬲᭂᬫᬸᬯᬱ᭄ᬧ᭞ᬗᬦ᭄ᬤᬶ᭠ᬓᬳᬭᬶᬲ᭄᭞ᬭᬶᬂᬓᬶᬅᬃᬬ᭄ᬬᬤᭂᬫᬸᬂᬤᬸᬢ᭟᭜᭟ᬳᬧᬚᬦᬶᬓᬾᬫᬦ᭄ᬢᬶᬢ᭄ᬬᬂ᭞ᬳᬶᬩᬸᬓ᭄ᬫᬦᬳᬾ
Kaca:Bali-lontar-gaguritan-pakangraras-02-300ppi.pdf/52
Kaca puniki sampun kauji-wacén
