[᭕᭐ 50B]
᭕᭐᭟
ᬚᬯᬦᬶᬂᬫᬸᬗ᭄ᬕᬄᬤᬶᬲᬸᬭᬵᬢ᭄᭞ᬤᭂᬫᬸᬂᬤᬶᬢᬸᬫᬗ᭄ᬯᬸᬯᬸᬳᬶᬦ᭄᭞ᬲᬧᬭᬶᬓᬦ᭄ᬤᬦᬶᬦᬦᬓ᭄᭞ᬳᬧᬦ᭄ᬤᭂᬫᬸᬂᬲᬸᬩᬢᬳᬸ᭞ᬭᬶᬂᬧᬤᬩ᭄ᬤᬩ᭄ᬜᬦᬾᬳᬶᬮᬂ᭞ᬢᭂᬓᬦᬶᬂᬚᬦᬶ᭞ᬳᬧᬦ᭄ᬤᭂᬫᬸᬂᬲᬸᬩ
ᬢᬢᬲ᭄᭟᭜᭟ᬳᬧᬦ᭄ᬲᬸᬩᬓᬢᬸᬢᬸᬭᬂ᭞ᬢᬶᬗ᭄ᬓᬄᬜᬦᬾᬭᬶᬂᬓᬤᬭᬶ᭞ᬓᬤᬦᬶᬦᬶᬧᬓᬂᬭᬭᬲ᭄᭞ᬭᬶᬂᬳᬶᬦᬦᬓ᭄ᬭᬤᬾᬦ᭄ᬕᬮᬸᬄ᭞ᬳᬶᬤᭂᬫᬸᬂᬫᬳᬢᬸᬃᬲᭂᬫ᭄ᬩᬄ᭞ᬤᬸᬄᬲᬂᬳᬚ᭞
ᬢᬶᬢ᭄ᬬᬂᬗᬶᬭᬶᬂᬳᬓᬬᬸᬦᬦ᭄᭟᭜᭟ᬳᬶᬗ᭄ᬕᬶᬄᬩᬾᬜ᭄ᬚᬂᬢᬶᬢ᭄ᬬᬂᬫᬫᬃᬕ᭄ᬕ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭞ᬢᬸᬫᬸᬮᬶᬬᬩᬸᬤᬮᬺᬓᭀ᭞ᬲᬢᭂᬓᬦᬾᬫᬭᬶᬂᬓᬸᬯᬸ᭞ᬭᬭᬶᬲ᭄ᬫᬗᭂᬲᬾᬗᬶ
ᬦ᭄ᬭᭀᬩᬦ᭄᭞ᬫᬤᬦᬶᬤᬕᬶᬂ᭞ᬓᭂᬫᬤᬕᬶᬂᬗᬮᬶᬄᬓᭂᬮ᭄ᬬᬦ᭄᭟᭜᭟ᬓᭂᬮ᭄ᬬᬦᬾᬳᬶᬓᭂᬢᬸᬢ᭄ᬓᬜ᭄ᬘᬦ᭞ᬢᭂᬓᬾᬦᬶᬂᬳᬶᬯᬬᬦ᭄ᬭᬳᬶ᭞ᬳᬧᬂᬫᬳᬶᬢᭂᬓᬳᬾᬗ᭄ᬕᬮ᭄᭞ᬳᬶᬤ
[᭕᭑ 51A]
ᬕᬶᬂᬕᭂᬮᬶᬲ᭄ᬮᬸᬫᬓᬸ᭞ᬦ᭄ᬤᬯᬸᬳᬶᬦ᭄ᬓᭂᬮ᭄ᬬᬦ᭄ᬤᬤ᭄ᬯ᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬳᬶᬮᬸᬭᬄᬧᬋᬓ᭄ᬭᬶᬂᬕᬸᬲ᭄ᬢᬶᬦ᭄ᬜ᭟᭜᭟ᬅᬃᬬ᭄ᬬᬤᭂᬫᬸᬂᬕᭂᬮᬶᬲ᭄ᬗᬦ᭄ᬤᬶᬓ᭞ᬘᬳᬶᬧᬥᬳᬚᬓ᭄ᬩᭂᬮᬶ᭞ᬫᬦᬶᬚᬮᬦ᭄ᬮᬸᬯ
ᬲ᭄ᬓᬤᬳ᭞ᬗᬚᬓ᭄ᬭᭀᬯᬂᬧᬥᬫᬓᬸᬢᬸᬲ᭄᭞ᬳᬶᬮᬸᬭᬄᬫᬢᬸᬃᬲᬦ᭄ᬤᬶᬓ᭞ᬢᬶᬢ᭄ᬬᬂ᭠ᬗᬶᬭᬶᬂ᭞ᬫᬗ᭄ᬓᬶᬘ᭄ᬢᬶᬢ᭄ᬬᬂᬫᬦ᭄ᬤᬯᬸᬳᬂ᭟᭜᭟ᬯᭂᬗᬶᬦᬾᬢᬦ᭄ᬓᬯᬶᬦᬃᬡ᭄ᬦ᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬵ
ᬫ᭄ᬧᬸᬦᬾᬜ᭄ᬚᬶᬂ᭞ᬅᬃᬬ᭄ᬬᬤᭂᬫᬸᬂᬫᭂᬤᬮᬺᬓᭀ᭞ᬧᬗᬶᬭᬶᬗᬾᬲᬫᬶᬭᬯᬸᬄ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬫᬢᬸᬭᬗ᭄ᬕᬶ᭞ᬕᭂᬮᬶᬲ᭄ᬮᬶᬦ᭄ᬢᬂᬭᬶᬂᬚᬗ᭄ᬕᬮ᭟᭜᭟ᬕᭂᬮᬶᬲ᭄ᬭᬯᬸᬄᬫᬭᬶᬂᬤᬳ᭞ᬓᬩ
ᬜ᭄ᬘᬶᬗᬄᬋᬓᬾᬗᬭᬭᬶᬲ᭄᭞ᬗᬓᭂᬫᬶᬢᬾᬭᬭᬶᬲ᭄ᬦᬢᬲᬂ᭞ᬅᬃᬬ᭄ᬬᬤᭂᬫᬸᬂᬕᭂᬮᬶᬲᬫᬸᬯᬸᬲ᭄᭞ᬢ᭄ᬬᬂᬳᬸᬢᬸᬲᬦ᭄ᬓᭀᬭᬶᬧᬦ᭄᭞ᬳᬶᬧᬓᭂᬫᬶᬢ᭄᭞ᬫᬢᬸᬃᬭᬶᬂᬳᬶᬤᭂᬫᬸᬂᬳᬸᬢᬸᬲᬦ᭄᭟
Kaca:Bali-lontar-gaguritan-pakangraras-02-300ppi.pdf/51
Kaca puniki sampun kauji-wacén
