[᭓᭙ 39B]
᭓᭙᭟
ᬕᬸᬬᬂ᭞ᬚᭂᬭᬶᬢ᭄ᬚᭂᬭᬶᬢ᭄᭞ᬧᬥᬬᬫᬲᬲᬫ᭄ᬩᬢᬦ᭄᭟᭜᭟ᬤᬾᬯᬩᬕᬸᬲ᭄ᬳᬦ᭄ᬢᭀᬲ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬧᬘᬂᬗᬶᬭᬶᬂᬫᬢᬶ᭞ᬢᬶᬢ᭄ᬬᬂᬧᬘᬂᬓᬦᬵᬕᬭ᭞ᬦᬾᬫᬗ᭄ᬓᬶᬦ᭄ᬚᬕᬶᬫᬗᬫᬸᬓ᭄᭞ᬦ᭠
ᬤ᭄ᬬᬦ᭄ᬓᭂᬫ᭄ᬩᬭᬶᬦ᭄ᬧᬸᬗ᭄ᬕᬯ᭞ᬲᬸᬓᬫᬢᬶ᭞ᬕᭂᬮᬶᬲ᭄ᬭᬯᬸᬄᬕᬕᬓ᭄ᬧᭂᬝᬓ᭄᭟᭜᭟ᬫᬲ᭄ᬯᬭᬫᬤᬲᬚᬦ᭄ᬫ᭞ᬧᬸᬦ᭄ᬢ᭄ᬭᬸᬤᬾᬄᬳᬦ᭄ᬢᭀᬲ᭄ᬤᬶᬦᬶ᭞ᬦᬶᬭᬓᬭᬶᬫᬶᬬᬸᬦᬶᬗᬂ᭞ᬭᬶᬂᬪᬝᬭᬳᬶᬤᬳ᭄ᬬᬂᬮᬸᬳᬸᬃ
᭞ᬳᬶᬧᬸᬦ᭄ᬢᬓᬃᬣᬮᬗᬸᬘᬧ᭄᭞ᬕᭂᬮᬶᬲ᭄ᬕᭂᬮᬶᬲ᭄᭞ᬢ᭄ᬬᬂᬗᬦ᭄ᬢᭀᬲ᭄ᬭᬯᬸᬄᬲᬂᬕᬕᬓ᭄᭟᭜᭟ᬕᭂᬮᬶᬲ᭄ᬲᬂᬕᬕᬓ᭄ᬫᬗ᭄ᬮᬬᬂ᭞ᬢᬦ᭄ᬓᬯᬃᬡ᭄ᬦᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬲᬭᬯᬸᬳᬾᬭᬶᬂᬲᬸᬭᬮᬬ᭞ᬪᬝᬭᬦᬵᬣᬳ
ᬫᬸᬯᬸᬲ᭄᭞ᬕᬕᬓ᭄ᬧᭂᬝᬓᬸᬮᬶᬤᬶᬚ᭞ᬳᬸᬮᬢ᭄ᬕᬢᬶ᭞ᬲᬂᬕᬕᬓ᭄ᬫᬢᬸᬃᬫᬦᭂᬫ᭄ᬩᬄ᭟᭜᭟ᬳᬶᬗ᭄ᬕᬶᬧᬤᬸᬓᬪᬝᬭ᭞ᬢᬶᬢ᭄ᬬᬂᬗᬢᬸᬭᬂᬧᬶᬳᬸᬦᬶᬂ᭞ᬭᬤᬾᬦ᭄ᬫᬦ᭄ᬢ᭄ᬭᬷᬳᬶᬤᬲᬾᬤ᭞ᬳᬶᬧᬸᬦ᭄ᬢᬫᬦᬕᬶᬄᬗ
[᭔᭐ 40A]
ᬫᬸᬓ᭄᭞ᬳᬶᬚ᭄ᬭᬸᬤᬾᬄᬓᬮᬶᬄᬓᬃᬣᬮ᭞ᬧᬥᬰᬓ᭄ᬢᬶ᭞ᬢᬦᬸᬭᬸᬂᬚᬕᬢᬾᬭᬸᬲᬓ᭄᭟᭜᭟ᬪᬝᬭᬕᭂᬮᬶᬲ᭄ᬗᬦ᭄ᬤᬶᬓ᭞ᬓᭂᬫᬕᬕᬓ᭄ᬳᬧᬂᬤᬶᬕᭂᬮᬶᬲ᭄᭞ᬳᬩᬬᬂᬚ᭄ᬭᬸᬓᬾᬧᭂᬝᬓ᭄᭞ᬢᭂᬓᬾᬦ᭄ᬢᬷᬂᬣ
ᬓᬫᬦ᭄ᬤᬮᬸᬳᬧᬂᬳᬾᬗ᭄ᬕᬮ᭄ᬬᬯᬮᬸᬬ᭞ᬩᬸᬯᬶᬦ᭄ᬳᬸᬭᬶᬧ᭄᭞ᬲᬂᬕᬕᬓ᭄ᬫᬢᬸᬃᬲᬦ᭄ᬤᬶᬓ᭟᭜᭟ᬥᬂᬥᬂᬧᭂᬝᬓ᭄ᬕᭂᬮᬶᬲ᭄ᬫᬗ᭄ᬮᬬᬂ᭞ᬫᬦᭂᬤᬸᬦᬂᬋᬓᬾᬗ᭄ᬭᬭᬶᬲ᭄᭞ᬢᬦ᭄ᬘᬭᬶᬢᬫᬭᬶᬂᬳᬯᬦ᭄᭞ᬗ᭄ᬕᬯᬢᬷᬃᬣᬫᬶ
ᬯᬄᬚ᭄ᬭᬸᬓ᭄᭞ᬧᬳᬶᬘᬦᬶᬤᬪᬝᬭ᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬲᬂᬕᬕᬓ᭄ᬧᭂᬝᬓ᭄ᬭᬶᬂᬲᬾᬢ᭄ᬭ᭟᭜᭟ᬲᬢᭂᬓᬦᬾᬫᬭᬶᬂᬢᬸᬦ᭄ᬯᬦ᭄᭞ᬥᬂᬥᬂᬧᭂᬝᬓ᭄ᬦᬩ᭄ᬟᬫᬦᬶᬲ᭄᭞ᬧᬸᬦ᭄ᬢᬦᬶᬭᬫᬦᬶᬩᬓᬂ᭞ᬧᬳᬶᬘᬦᬶᬤ
ᬳ᭄ᬬᬂᬮᬸᬳᬸᬃ᭞ᬭᬶᬂᬰᬯᬦᬾᬭᬳᬤ᭄ᬬᬦ᭄᭞ᬳᬧᬂᬳᬸᬭᬶᬧ᭄᭞ᬳᬶᬧᬸᬦ᭄ᬢᬫᬢᬸᬃᬭᬭᬶᬲᬂ᭟᭜᭟ᬕᭂᬮᬶᬲ᭄ᬲᬂᬕᬕᬓ᭄ᬦᬶᬩᬓᬂ᭞ᬢᬷᬃᬣᬓᬮᬶᬚ᭄ᬭᬸᬓᬾᬧᬸᬢᬶᬄ᭞ᬭᬤᬾᬦ᭄ᬫᬦ᭄ᬢ᭄ᬭᬷᬫᬤᭂᬓᭂᬲᬦ᭄᭞ᬥᬂᬥᬂᬧᭂᬝ
Kaca:Bali-lontar-gaguritan-pakangraras-02-300ppi.pdf/40
Kaca puniki sampun kauji-wacén
