[᭓᭘ 38B]
᭓᭘᭟
ᬮᬷᬮᬬᬂᬢᬦ᭄ᬓᭂᬦᬾᬂᬮᬷᬮ᭞ᬤᬺᬲ᭄ᬫᬶᬚᬶᬮ᭄᭞ᬬᬾᬄᬧᬦᭀᬦᬾᬢᬶᬗᬭᬶᬂᬥᬥ᭟᭜᭟ᬢᬦ᭄ᬘᬭᬶᬢᬲᭂᬤᬶᬄᬢ᭄ᬯᬦ᭄ᬤᬾᬯ᭄ᬬ᭞ᬳᬶᬧᬸᬦ᭄ᬢᬓᭀᬘᬧᬦ᭄ᬫᬗ᭄ᬓᬶᬦ᭄᭞ᬤᬶᬳᬮᬲᬾᬲᬋᬂᬢᬶᬕ
᭞ᬓᬮᬸᬦ᭄ᬢᬮᬸᬦ᭄ᬢᬫᬗ᭄ᬭᬸᬭᬸᬄ᭞ᬕᬸᬲ᭄ᬢᬶᬦᬾᬢ᭄ᬯᬭᬓᬧᭂᬦ᭄ᬤᬓ᭄᭞ᬲᭂᬤᭂᬓ᭄ᬯᭂᬗᬶ᭞ᬫᬭᬃᬬ᭄ᬬᬦ᭄ᬗᬢᬦ᭄ᬓᬭᭀᬬ᭟᭜᭟ᬧᬸᬦ᭄ᬢᬚ᭄ᬭᬸᬤᬾᬄᬮᬦ᭄ᬓᬃᬣᬮ᭞ᬫᬗ᭄ᬭᬸᬗᬸᬰᬩ᭄ᬤᬦᬶᬂᬮᬗᬶᬢ᭄᭞ᬳᬶᬄᬧᬸ
ᬦ᭄ᬢᬚ᭄ᬭᬸᬤᬾᬄᬓᬃᬣᬮ᭞ᬦᬶᬭᬫᬶᬢᬸᬤᬸᬳᬶᬦ᭄ᬮᬓᬸ᭞ᬳᬦᬾᬫᬤᬦ᭄ᬲᬾᬢ᭄ᬭᬤᬳ᭞ᬳᭂᬦ᭄ᬢᭀᬳᬸᬗ᭄ᬲᬶ᭞ᬤᬶᬢᬸᬳᬤᬕᬕᬸᬫᬸᬓᬜᬃ᭟᭜᭟ᬜᬦ᭄ᬤᬶᬂᬕᭂᬢᬶᬄᬫᬗ᭄ᬭᬭᬓᬦ᭄᭞
ᬩᭀᬦ᭄ᬭᬳᬓᬮᬶᬯᬢ᭄ᬫᬶᬬᬶᬓ᭄᭞ᬤᬶᬢᬸᬳᬮᬶᬄᬕᬸᬲ᭄ᬢᬶᬦ᭄ᬧᬸᬦ᭄ᬢ᭞ᬢᬦ᭄ᬯᬗ᭄ᬤᬾᬧᬘᬂᬓᬧᬗ᭄ᬕᬸᬄ᭞ᬓᬾᬢᭀᬧᭂᬤᬲ᭄ᬓᬤᬶᬗᭂᬳᬂ᭞ᬭᬭᬶᬲ᭄ᬲᭂᬧᬶ᭞ᬳᬶᬧᬸᬦ᭄ᬢᬭᬭᬶᬲᬗᬸᬘᬧ᭄᭟᭜᭟
[᭓᭙ 39A]
ᬚᬦᬶᬓᬾᬦ᭄ᬓᬾᬦ᭄ᬩᬦ᭄ᬫᬤᬬ᭞ᬓᬃᬣᬮᬚ᭄ᬭᬸᬤᬾᬄᬜᬯᬸᬭᬶᬦ᭄᭞ᬚᬮᬦ᭄ᬚᬦᬶᬲᬧᭂᬢᭂᬗ᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬓ᭄᭞ᬫᬗᬸᬗ᭄ᬲᬶᬓᬲᬾᬢ᭄ᬭᬧᬭᬯᬦ᭄᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬭᬶᬂᬲᬾᬢ᭄ᬭᬯᬸᬲ᭄ᬢ
ᬢᬲ᭄ᬮᭂᬫᬄ᭟᭜᭟ᬲᬢᭂᬓᬦᬾᬫᬭᬶᬂᬲᬾᬢ᭄ᬭ᭞ᬧᬥᬗᬤᭂᬓ᭄ᬕᬦ᭄ᬟᬯᬗᬶ᭞ᬭᬭᬶᬲ᭄ᬫᬗᭂᬢᬸᬢᬂᬲᬗ᭄ᬓᬦ᭄᭞ᬓᬧᬗ᭄ᬕᬶᬄᬓᬸᬫ᭄ᬩᬂᬫᬗᬺᬩᬸᬢ᭄᭞ᬓᬤᬶᬗᬶᬲᭂᬧ᭄ᬲᬭᬶᬦ᭄ᬓᭂᬫ᭄ᬩᬂ᭞ᬓᬢᬫ᭄ᬧᭂᬓᬶᬦ᭄᭞ᬲᬕᬾᬢ᭄ᬗᭂᬦᬄᬩᬂ
ᬩᬂᬳᬜᬃ᭟᭜᭟ᬳᬶᬧᬸᬦ᭄ᬢᬚ᭄ᬭᬸᬤᬾᬄᬓᬃᬣᬮ᭞ᬧᬥᬬᬫᬓᬜ᭄ᬘᬸᬢ᭄ᬕᬶᬦ᭄ᬢᬶᬂ᭞ᬢᬸᬫᬸᬮ᭄ᬬᬧᬥᬫᬗᭀᬓᭀᬄ᭞ᬕᭂᬮᬶᬲ᭄ᬮᬬᭀᬦᬾᬓᬢᭂᬫᬸ᭞ᬭᬭᬶᬕᭂᬮᬶᬲ᭄ᬓᬳᬸᬗ᭄ᬕᬳᬂ᭞ᬓᬳᬶᬗᭂᬢᬶᬦ᭄᭞ᬲᬸ
ᬩᬧᭂᬤᬲ᭄ᬭᬸᬧᬦ᭄ᬕᬸᬲ᭄ᬢᬶᬦ᭄ᬜ᭟᭜᭟ᬕᭂᬮᬲ᭄ᬬᬫᬗᬫ᭄ᬩᬶᬮ᭄ᬢᭀᬬ᭞ᬮᬬᭀᬦᬾᬭᬭᬶ᭠ᬲ᭄ᬲᬶᬭᬫᬶᬦ᭄᭞ᬯᬮᬸᬬᬫᬦ᭄ᬢ᭄ᬭᬷᬦ᭄ᬓᭀᬭᬶᬧᬦ᭄᭞ᬳᬶᬓᬃᬣᬮᬗᭂᬮᬶᬂᬫᬗᭂᬮᬸᬃ᭞ᬳᬶᬧᬸᬦ᭄ᬢᬚ᭄ᬭᬸᬤᬾᬄᬫ
Kaca:Bali-lontar-gaguritan-pakangraras-02-300ppi.pdf/39
Kaca puniki sampun kauji-wacén
