[᭒᭖ 26B]
᭒᭖
ᬦᬶᬤᬧᬸᬧᬸᬢ᭄ᬫᬳ᭄ᬬᬲ᭄᭞ᬫᬲᭂᬓᬃᬢᬸᬜ᭄ᬚᬸᬗᬾᬪᬶᬭᬸ᭞ᬯᬤᬦᬮ᭄ᬯᬶᬃᬩᬸᬮᬦ᭄ᬧᬹᬃᬡ᭄ᬦᬫ᭞ᬫᭂᬮᭀᬓ᭄ᬭᬯᬶᬢ᭄᭞ᬚᭂᬕᬾᬕᬾᬢᭀᬂᬳᬤᬧᬥ᭟᭜᭟ᬭᬳᬤ᭄ᬬᬦ᭄ᬭᬭᬶᬲᬗᬸᬘᬧ᭄᭞ᬭᬢᬸᬫᬵᬲ᭄ᬲᬂᬮ᭄ᬯᬶᬃ
ᬭᬢᬶᬄ᭞ᬳᬶᬘᬾᬦ᭄ᬢᬶᬢ᭄ᬬᬂᬦᬸᬦᬲ᭄ᬲᭂᬓᬃ᭞ᬲᬦᬾᬲᭂᬓᬭᬂᬳᬶᬭᬢᬸ᭞ᬢᬸᬫᬸᬮᬶᬳᬶᬤᬭᬳᬤ᭄ᬬᬦ᭄᭞ᬕᭂᬮᬶᬲ᭄ᬗᬫ᭄ᬩᬶᬮ᭄᭞ᬲᭂᬓᬃᬳᬶᬤᬭᬤᬾᬦ᭄ᬤᬾᬯ᭄ᬬ᭟᭜᭟ᬲᭂᬓᬃᬳᬶᬤᬦᬾᬭᬶᬂᬓᬂᬡ᭄ᬦ᭞ᬢᬸᬃᬬᬲᬵ
ᬫ᭄ᬧᬸᬦ᭄ᬓᬲᬶᬮᬸᬭᬶᬦ᭄᭞ᬓᬳᬭᬲ᭄ᬭᬭᬶᬲ᭄ᬓᬲᭂᬓᬭᬂ᭞ᬫᬗ᭄ᬭᬭᬶᬲᬶᬤᬫᬮᬸᬗ᭄ᬕᬸᬄ᭞ᬭᬤᬾᬦ᭄ᬕᬮᬸᬄᬮᬦ᭄ᬭᬳᬤ᭄ᬬᬦ᭄᭞ᬚᭂᬮᬳᬶᬭᬶ᭞ᬯ᭄ᬯᬂᬚ᭄ᬭᭀᬦᬾᬫᬗᬢᭀᬦᬂ᭟᭜᭟ᬦᬶᬩᬬᬦ᭄ᬢᬢᬲ᭄ᬢᬸᬫᬶ
ᬗ᭄ᬳᬮ᭄᭞ᬲᬢᬶᬗ᭄ᬓᬄᬳᬾᬭᬤᬾᬦ᭄ᬤᬾᬯᬷ᭞ᬢᭂᬓᬾᬦᬶᬂᬳᬶᬧᬓᬂᬭᬭᬲ᭄᭞ᬗᬫ᭄ᬩᬶᬮ᭄ᬲᬸᬫ᭄ᬧᬂᬭᬤᬾᬦ᭄ᬕᬮᬸᬄ᭞ᬮᬗ᭄ᬕᬧ᭄ᬫᬗᬫᬾᬢ᭄ᬭᬶᬂᬓᬃᬡ᭄ᬦ᭞ᬭᬤᬾᬦ᭄ᬤᬾᬯᬷ᭞ᬦᬶᬩᬬᬦ᭄ᬭᬭᬶᬲ᭄ᬗᬢᬸᬭᬂ᭟᭜᭟
[᭒᭗ 27A]
ᬲᬢᭂᬓᬦᬾᬫᬭᬶᬂᬧᬸᬭ᭞ᬲᬂᬧ᭄ᬭᬪᬸᬲᭂᬥᭂᬓ᭄ᬫᬮᬶᬗ᭄ᬕᬶᬄ᭞ᬦᬶᬩᬬᬦ᭄ᬧᬋᬓ᭄ᬜᬮᬾᬫ᭄ᬧᭀᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬳᬧᬳᬮᬶᬲᬶᬕᬩᬬᬦ᭄᭞ᬳᬸᬮᬢ᭄ᬕᬢᬶ᭞ᬦᬶᬩ᭠
ᬬᬦ᭄ᬫᬳᬢᬸᬃᬲᭂᬫ᭄ᬩᬄ᭟᭜᭟ᬳᬶᬗ᭄ᬕᬶᬄᬭᬢᬸᬤᬾᬯᬲᬂᬦᬵᬣ᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬫᬢᬸᬃᬲᬶᬲᬶᬧ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬸᬦᬶᬗᬂ᭞ᬭᬶᬂᬧᬤᬸᬓᬲᬗᬳᬸᬮᬸᬦ᭄᭞ᬳᬶᬧᬸᬦᬶᬧᬓᬂᬭᬭᬲ᭄᭞ᬘᭂ
ᬓᬧ᭄ᬯ᭄ᬬᬓ᭄ᬢᬶ᭞ᬗᬫ᭄ᬩᬶᬮ᭄ᬲᭂᬓᬃᬧᬸᬢ᭄ᬭᬦ᭄ᬲᬂᬦᬵᬣ᭟᭜᭟ᬲᭂᬓᬃᬳᬶᬤᬦᬾᬭᬶᬂᬓᬃᬡ᭄ᬦ᭞ᬓᬮᬶᬄᬳᬶᬧᬸᬦ᭄ᬓᬲᬶᬗ᭄ᬮᬸᬭᬶᬦ᭄᭞ᬳᬶᬧᬓᬂᬭᬭᬲ᭄ᬫᬸᬗ᭄ᬳᬬᬂ᭞ᬲᭂᬓᬃᬳᬶᬤᬭᬤᬾᬦ᭄ᬕᬮᬸᬄ᭞ᬲᬧᬸᬦᬶᬓ
ᬳᭂᬢᭀᬦ᭄ᬢᬶᬢ᭄ᬬᬂ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬮᬾᬤᬂᬭᬢᬸᬧᬓᬬᬸᬦᬦ᭄᭟᭜᭟ᬲᬂᬧ᭄ᬭᬪᬸᬳᬶᬤᬗᬦ᭄ᬤᬶᬓ᭞ᬲᬶᬕᬩᬬᬦ᭄ᬓᭂᬫᬫᬸᬮᬶᬄ᭞ᬳᭂᬤᬲᬶᬕᬫᬗ᭄ᬯᬾᬭᬬᬂ᭞ᬳᬧᬂᬳᭂᬤᬳᬶ
Kaca:Bali-lontar-gaguritan-pakangraras-02-300ppi.pdf/27
Kaca puniki sampun kauji-wacén
