[᭒᭕ 25B]
᭒᭕᭟
ᬳᬶᬫᬥᬾᬧᬓᬂᬭᬭᬲ᭄᭞ᬗᬸᬤᬘᬳᬶᬩᬶᬲ᭄ᬦᬸᬯᬸᬓᬶᬦ᭄᭞ᬚᬦᬶᬓᬾᬦ᭄ᬓᬾᬦ᭄ᬩᬳᬦ᭄ᬳᭂᬫ᭄ᬩᬸᬓ᭄᭞ᬢᬶᬗ᭄ᬓᬄᬘᬳᬶᬦᬾᬓᬤᬸᬭᬸᬲ᭄᭞ᬢ᭄ᬯᬭᬤᬫᬗᬶᬢᬸᬂᬳᬧ᭞ᬩᭂᬲ᭄ᬗᬸᬮᬸᬭᬶᬦ᭄᭞ᬳᬶᬥᭂᬧᬾ
ᬓᬮᬶᬯᬢ᭄ᬮᬶᬯᬢ᭄᭟᭜᭟ᬲᬯᬸᬭᬾᬳᬶᬤᬭᬳᬤ᭄ᬬᬦ᭄᭞ᬭᬢᬸᬲᬂᬫᬡᬶᬓᬶᬂᬧᬸᬭᬷ᭞ᬩᭀᬬᬤᬤᭀᬲ᭄ᬢᬶᬢ᭄ᬬᬂᬦᭀᬗᭀᬲ᭄᭞ᬳᬶᬭᬢᬸᬢᬸᬯᬄᬫᬕᬦ᭄ᬢᬸᬂ᭞ᬫᬗ᭄ᬕᬸᬄᬭᬢᬸᬚ᭄ᬭᭀᬦᬶᬂᬫᬦᬄ᭞
ᬬᬦ᭄ᬢᬦ᭄ᬧᬗ᭄ᬕᬶᬄ᭞ᬲᬸᬓᬬᬦ᭄ᬗᭂᬫᬲᬶᬦ᭄ᬧᭂᬚᬄ᭟᭜᭟ᬰᬩ᭄ᬤᬦᬾᬢᬦ᭄ᬓᬲᬯᬸᬭᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬷᬫᬗ᭄ᬭᬭᬶᬲ᭄᭞ᬗᬸᬓᬸᬢᬸᬓᬸᬢ᭄ᬗᭂᬮᬸᬢ᭄ᬩᬯᭀᬂ᭞ᬫᬗᬭᬲ᭄ᬲᬃᬯ᭄ᬯᬶᬫᬗ᭄ᬭᬸᬫ᭄ᬭᬸᬫ᭄᭞ᬢᬶᬗ᭄ᬓᬳᬾᬳᬢᭂᬫᬸ
ᬭᬲ᭞ᬮᬸᬮᬸᬢᬲᬶᬄ᭞ᬓᬚᬯᬸᬳᬦ᭄ᬭᬶᬂᬓᬮᬗ᭄ᬯᬦ᭄᭟᭜᭟ᬓᭀᬘᬧ᭄ᬲᬸᬩᬧᬳᭂᬓᬦ᭄ᬮᭂᬫᬄ᭞ᬭᬳᬤ᭄ᬬᬦ᭄ᬭᬶᬲ᭄ᬫᬧᬫᬶᬢ᭄᭞ᬧᬫᬃᬕ᭄ᬕᬶᬦᬾᬲᬤᬳᬮᭀᬦ᭄᭞ᬓᬫ᭄ᬩᬂᬢᬶᬦ᭄ᬤᬓᬦᬾᬳᬶᬜ᭄ᬚᬸᬦ᭄᭞
[᭒᭖ 26A]
ᬮᬾᬗᬄᬮᬾᬗᭀᬄᬗᬚᬩᬬᬂ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬲᬸᬩᬢᬢᬲ᭄ᬕᬮᬂᬢᬦᬄ᭟᭜᭟ᬫᬗ᭄ᬭᬭᬶᬲᬶᬤᬭᬳᬤ᭄ᬬᬦ᭄᭞ᬮᬸᬗ᭄ᬳᬫᬭᬶᬂᬢᬫᬦ᭄ᬲᬭᬷ᭞ᬲᬭᬯᬸᬳᬾᬫᬭᬶᬂᬢᬫᬦ᭄᭞ᬭᬭᬶᬲᬶᬤᬫᬲᬶᬲᬶᬕ᭄ᬫᬫ᭄ᬩᬸᬄ
᭞ᬲᬸᬲᬦᬶᬤᬫᬲᬶᬭᬫ᭄᭞ᬕᭂᬮᬶᬲ᭄ᬗᬫ᭄ᬩᬶᬮ᭄᭞ᬲᭂᬓᬭᬸᬧᬮᬶᬂᬉᬢ᭄ᬢᬫ᭟᭜᭟ᬢᬸᬫᬸᬮᬶᬳᬶᬤᬫᬫᬃᬕ᭄ᬕ᭞ᬫᬲᭂᬓᬃᬘᬫ᭄ᬧᬓᬯᬶᬮᬶᬲ᭄᭞ᬓᬢᬄᬳᬶᬲ᭄ᬢ᭄ᬢ᭄ᬭᬶᬓᬲ᭄ᬫᬭᬦ᭄᭞ᬢᬸᬳᬸᬳᬶᬤᬩᬕᬸᬲ᭄ᬗᬗ᭄ᬓᬶ᭠
ᬢ᭄᭞ᬩᬕᬸᬲᬾᬗᭂᬗᬵᬕᬂᬫᬦᬄ᭞ᬲᬦᬾᬫᬗ᭄ᬓᬶᬦ᭄᭞ᬭᬭᬶᬲᬶᬤᬩᬜ᭄ᬘᬶᬗᬄ᭟᭜᭟ᬲᬭᬯᬸᬳᬾᬭᬶᬂᬩᬜ᭄ᬘᬶᬗᬄ᭞ᬫᬗ᭄ᬭᬭᬶᬲ᭄ᬗᬾᬚᭀᬕ᭄ᬓᬧᬸᬭᬶ᭞ᬳᬤᬯ᭄ᬯᬂᬚ᭄ᬭᬾᬦᬾᬫᬦᭀᬗᭀᬲ᭄᭞ᬭ
ᬤᬾᬦ᭄ᬫᬦ᭄ᬢ᭄ᬭᬷᬕᭂᬮᬶᬲᬫᬸᬯᬸᬲ᭄᭞ᬭᬤᬾᬦ᭄ᬕᬮᬸᬄᬳᬶᬤᬤᬶᬚ᭞ᬓᬲᬯᬸᬭᬶᬦ᭄᭞ᬳᬶᬤᬓᬭᬶᬫᬰᬸᬘᬶᬬᬦ᭄᭟᭜᭟ᬭᬤᬾᬦ᭄ᬤᬾᬯᬷᬯᬸᬲ᭄ᬫᬲᬶᬭᬫ᭄᭞ᬕᭂᬮᬶᬲ᭄ᬩᬸᬤᬮᬶᬤᬓᬧᬸᬭᬶ᭞ᬲᬵᬫ᭄ᬧᬸ
Kaca:Bali-lontar-gaguritan-pakangraras-02-300ppi.pdf/26
Kaca puniki sampun kauji-wacén
